Trastempo significa a consolidación discográfica da primeira orquestra de música folk de España. Sondeseu publicaba no ano 2003 o seu primeiro CD, "Mar de Vigo" e acadaba recoñecementos nacionais e internacionais como o da prestixiosa revista Folk Roots ou o premio do diario "La Opinión". Agora, cunha produción artística mimada ó detalle, e con toda a implicación posible dos responsables de cada unha das seccións, Anxo Pintos, Xaquín Xesteira, Xosé Liz, Francisco J. Feijoo "Chisco", Alfonso Franco e Rodrigo Romaní, nomes todos eles ben coñecidos dos afeccionados, ''Trastempo'' ve a luz cunha saída inicial de 3.500 discos vendidos e sen dúbida está chamado a ser un dos traballos máis referenciados do ano musical.
Trastempo é un traballo composto por pezas interpretadas pola orquestra no seu conxunto, pero hai un espazo no que cada sección convírtese en protagonista, o que define unha variedade tímbrica que xa no primeiro momento chama a atención e a sensibilidade do oínte. Xunto con temas tradicionais e arranxos contemporáneos. Sondeseu exhibe tamen a pericia na composición e nos arranxos dos seus compoñentes que aportan dúas pezas orixinais concebidas especialmente para a formación. Todo elo tentando conservar o delicado e difícil equilibrio que se establece no diálogo coa tradición oral dende a sociedade moderna, e preservar o son acústico característico de Sondeseu. As referencias á música tradicional de gran formato están continuamente presentes e a Foliada de Nostián, coa colaboración do Orfeón Treixadura, constitúe un exemplo da emoción que pode chegar a provocar no oínte toda a potencia de 46 músicos entregados á recreación do imaxinario colectivo dende a ollada do século XXI.
Trastempo vai acompañado dun DVD no que se pode contemplar a forza, a extraordinaria enerxía que desprenden os concertos da orquestra ao vivo e que amosan a capacidade de esta xove formación para conectar co público na complicidade que só a música feita con cariño, con honestidade e con conciencia de estar a traballar sobre un patrimonio común, pode transmitir.
Trastempo foi gravado entre xullo 2006 e Marzo 2007 en Casa de Tolos (Gondomar). O son é unha asignatura que unha formación tan complexa debe estudar con moito coidado. O resultado final é froito do esforzo e da experiencia dos músicos arriba citados xunto con Segundo Grandío e Pablo Casal. Todos eles puxeron a máxima ilusión para conseguir que Sondeseu sexa un dos alicerces nos que a música popular galega se basea para continuar gozando do prestixio nacional e internacional que merecidamente acadou nas ultimas décadas.
SonDeSeu son:
Dirección xeral Rodrigo Romaní
Harpas
Director Rodrigo Romaní
Xulio Abal
Alba Barreiro
Josefa Fernández
Paula Oanes
Elena Paz
Lorena Reinaldo
Pandereteiras
Director Javier Feijoó (Chisco)
Xela Conde
Ana Mª Domínguez
Sara Malvido
Rosa Martínez
Gloria Pérez
Lourdes Queimadelos
Teresa Santamaría
Itzíar Solar
Raquel Valcarce
Noelia Vázquez
Gaitas
Director Xaquín Xesteira
Raquel Domínguez
X. Carlos Pardo
Xosé M. L. Sanromán
Ana Belén L. Villar
Xurxo Antúnez *
Beatriz Riobó *
Requintas
Director Xosé Liz
Fernando Pérez
Jaime Rebollo
Pilar Vieira
Zanfonas
Director Anxo Pintos
Iván Abal
Liliana Carro
Iván Costa
Ana Fariña
Paula García
Teresa Gómez
Paz Martínez
Víctor Soto
Percusións
Director Xaquín Xesteira
Marilú Campos
Pablo Cés
Eva González
Anxo Pardo
Viqui Pérez
Sandra L. Villar
Violíns
Director Alfonso Franco
Miguel R. Argibay
Nuria Zunzunegui
Alfonso Merino
Begoña Riobó
Jose Varela
Héctor Rodríguez
|
|
