Memoria de xénero - Leilía presentará o 3 de febreiro no Rosalía o seu novo disco Fonte / Mais información
(texto engadido o día 3/ / 2/ / 12 )
O grupo folk Leilía presentará o 3 de febreiro no Rosalía o seu novo disco, 'Consentimento', homenaxe ás mulleres que mantiveron viva a tradición oral galega
O grupo Leilía presentará o seu novo traballo, titulado Consentimento, o 3 de febreiro no teatro Rosalía, cun espectáculo con deseño escénico do dramaturgo Quico Cadaval e un contido co que a banda quere homenaxear a toda unha xeración de galegas.
"O disco é un tributo a todas as mulleres que souberon crear, conservar e transmitir a nosa tradición oral -explica unha das compoñentes de Leilía, Ana Rodríguez-. Como é complicado falar de todas, centramos o foco en Eva Castiñeira, que gravou a principios dos oitenta o disco Recolleita e foi a primeira en rexistrar música tradicional con pandeireta. Tivo moi pouca repercusión".
Para homenaxear a figura desta pandereteira e a todas as que axudaron a conservar a identidade cultural galega, Leilía gravou un disco no que presenta unha novidade sobre o seu modo de traballo habitual, incorporando modernidade lírica sobre bases musicais tradicionais.
"A maioría dos temas dos nosos discos son pezas recollidas, que é unha tarea ardua, pouco agradecida e cada vez máis dificil -asegura a vocalista e pandereteira-, porque cada ano que pasa hai menos memorias e menos voces que nos poidan cantar esas cancións, por eso dicimos que cada unha que atopamos é un tesouro. Pero nesta ocasión, atopamos melodías tradicionais e lle pedimos a unha serie de poetisas actuais que lles puxeran letras".
As encargadas de engadirlle as verbas aos ritmos recollidos polas compoñentes do grupo foron artistas como Yolanda Castaño, Mariña Pérez Rei, Ana Romaní, Marilar Aleixandre e Eva Moreda. "Son melodías antigas, pero que falan en presente. Foi un traballo arduo", conclúe Rodríguez.
Vaia por diante que este é un traballo de recolla levado a cabo por Xosé Luís Rivas Cruz, “Mini”, e Baldomero Iglesias Dobarrio, “Mero”, entre os anos 1972 e 1998. En libro viron a luz diversos traballos, que agora alcanzarán dimensión universal ó pasar a formar parte dos contidos de GaliciaDigital (www.galiciadigital.com) estas páxinas recollidas por toda Galicia da máis xenuína literatura popular, conservada e cantada polos cegos, nos ambientes máis populares, que se en tempo foron material de lecer das clases máis humildes acadarán con esta iniciativa o valor de propiedade colectiva, ó dispor da comunidade galega de todo o mundo.
Agora que, baixo o noso criterio, as recollas que se poidan facer teñen un valor moi escaso debido a factores que non son para analizar aquí, decidimos pasar a sistematizar, ordenar e clasificar os arquivos para devolvelos á xente de onde saíron.
Isto e para Mini e Mero unha obriga contraída desde o principio. A recolla sempre foi feita, e así se lles facía saber ós posibles informantes, para que a nosa cultura tradicional non se perdese. O compromiso foi de que algún dia se farían os posibles por devolvela a luz, e niso estamos.
O andar Mini e Mero cantando por toda Galicia, e mesmo a súa profesión de mestres no rural, abriulles portas e corazóns facilitando un traballo que foi sempre un pracer e un xeito de droga que consideran deber en boa maneira ás boas ensinanzas do amigo e mestre nestes labores Xesús Mato e Mato, quen sutilmente lles mostrou, hai xa moitos anos, estes tesouros e o xeito de conseguir riquezas, non en cartos, con eles.
Seria necesario nomear a centos de persoas, moitas delas xa non están connosco, que se ilusionaron con ese traballo de recolla e colaboraron nel. Uns fixérono cantando, outros aportando datos, outros abrindo portas e rompendo desconfianzas e ofrecéndolles a Mini e Mero o salvoconduto necesario para poder entrar nesta cova de Alí Babá, outros foron en fin os que recolleron e depositaron neles o material. Pero todo xiraba arredor dunha única idea: recuperarmos entre todos a nosa memoria colectiva.
Exposición MANS, RETRATOS DA NOSA MÚSICA no Bar Hipólito (Vigo)
(texto engadido o día 2/ / 2/ / 12 )
A partir do 1 de Febreiro, no Bar Hipólito de Vigo, Oscar Martínez presenta o seu proxecto, "Mans, retratos da nosa música".
Exposición fotógrafica dalguns dos músicos mais destacados da música galega dos últimos 30 anos. Entre eles, Luz Casal, Bieito Romero, Anxo Pintos, Silvia Superstar, Uxía Senlle, Rodrigo Romaní, Susana Seivane, Xose Manuel Budiño
Leilia presenta CONSENTIMENTO: A Coruña, Santiago e Ourense
(texto engadido o día 2/ / 2/ / 12 )
A CORUÑA DIA: VENRES 3 DE FEBREIRO HORA: 20:30 LUGAR: TEATRO ROSALIA DE CASTRO PREZO: de 6€ a 16€ (hai moitos prezos segun ubicación) VENTA DE ENTRADAS: www.servinova.es
SANTIAGO DE COMPOSTELA DIA: VENRES 24 DE FEBREIRO HORA: 21:00 LUGAR: AUDITORIO DE GALICIA PREZO: 10 €
OURENSE DIA: DOMINGO 4 DE MARZO HORA: 19:00 LUGAR: Auditorio de Ourense PREZO: 10 €
ConSentimento é un homenaxe a todas as mulleres que fixeron e fan realidade a creación, a conservación e a transmisión da tradición oralgalega. Un agradecemento personificado na figura de Eva Castiñeira, unha cantadora, unha pandereteira, unha muller como tantas e tantasmulleres que dende case o anonimato sementaron a nosa terra de arte, cultura e beleza. Coa inestimable colaboración do músico e arranxista compostelán Xoán Porto, propoñemos neste quinto traballo unha concepción musicalacorde a unha nova realidade. Un disco con vocación acústica, no que a guitarra, o acordeón, o contrabaixo e a gaita, abrigan á perfección abeleza do canto tradicional e os versos de varias das mellores poetas galegas da actualidade: Ana Romaní, Yolanda Castaño, Eva Moreda,Mariña Pérez, Eva Veiga, Ana Amado e Marilar Aleixandre. O deseño do espectáculo corre por conta doutro dos grandes profesionais da escena galega: Quico Cadaval.
O premio alemán de música Folk “Eiserner Eversteiner” volve a Galicia con Anxo Lorenzo
(texto engadido o día 31/ / 1/ / 12 )
O único grupo galego que conseguira dito galardón no festival Folkherbst foi Berrogüetto en la edición de 1998
O gaiteiro Anxo Lorenzo regresou a pasada fin de semana á localidade alemana de Plauen para recoller o premio que o acredita como mellor grupo folk con voto do púbico. Así o recoñeceron fai apenas tres meses os asistentes ao seu concerto no Folkherbst, festival referencia da música folk en Alemania, que distingue aos mellares grupos entre os participantes de cada edición. Xunto a Anxo Lorenzo, foi galardoado o grupo Francés Pad Brapad, quenes completaron a noite musical no excepcional marco do ateigado teatro Malzahaus o pasado 28 de Xaneiro. Este galardón supón un novo empuxe á carreira e proxección internacional de Anxo Lorenzo, quen trala publicación do seu primeiro traballo en 2010, xa se atopa en pleno proceso creativo do que será o seu segundo disco.
Corren novos tempos para a obra social de Novacaixagalicia, o seu consello de administración aprobou onte as primeiras medidas do seu plan estratéxico 2012-2016 que derivan importantes cambios para a actividade cultural. Dunha banda, suporá o cese de actividades de tres centros (Centro Social de Cervantes en Santiago, o Centro Profesional de Ourense e a sala de exposicións do Barco). Da outra, establecerá un novo modelo de xestión no que atende ás artes escénicas e musicais. Iso implicará varias cousas: unha reducción de horarios (haberá máis días e horas pechados ao público), cobrarase unha entrada simbólica en actividades que antes eran de balde e a cesion do espazo pasa a ser de pagamento. No que afecta á programación de espectáculos, cambia o modelo de xestión e o ingreso no despacho de billetes será a clave para as vindeiras contratacións, antes condicionado ao caché. En total, nos vindeiros cinco anos destinarán 170 millóns de euros, cifras moi inferiores aos doutros períodos. Por poñer un exemplo non moi alonxado no tempo, entre o ano 2004 e o 2008 investiron neste concepto 415 millóns de euros
Talabarte foi seleccionado de entre as 879 propostas que se presentarion para participar no circuito GIRANDO POR SALAS, unha iniciativa do INAEM en colaboración coa Federación Coordinadora do circuito de músicas populares.
As sesenta propostas seleccionadas finalmente son as que conforman o GPS deste ano.
Talabarte estará nos seguintes lugares:
- Sala Zanzibar de Madrid, xoves 16 de Febreiro de 2012. 22:00 horas. - Sala La Campana de los Perdidos de Zaragoza, Venres 17 de febreiro de 2012. 22:30 horas. - Sala Café de las Artes de Santander, sábado 18 de Febreiro de 2012. 22:00 horas. - Sala Café Teatro Avalon de Zamora, xoves 01 de Marzo de 2012. 22:00 horas. - Sala Tarari de Ponferrada, Venres 02 de Marzo de 2012. 22:00 horas.
FROOTS gosta moito do primerio traballo do rupo TALABARTE, formado polos músicos Pedro Pascual, Quim Farinha e Kim García. Incluindo o ema “ PASACORREOIRAS GORENTOSO” na súa PLAYLIST, que á sua vez programan numerosas radios como a BBC.
Presenzas musicais íntimas e exclusivas en lugares únicos Primeira parada: Mosteiro de Carboeiro. 2 de febreiro. 20:30h
Porque non hai máis crise cá das ideas e o mundo é dos “valentes, que ensinan os dentes”, Marful arrinca este 2012 cunha xira chea de beleza e cariño. Un percorrido polos lugares máis paradisíacos da xeografía galega. Unha proposta de achegamento ao público do país porque “Sempre hai público para unha boa música. Sempre hai corazón para un bo sentimento”.
Namorados do patrimonio civil e da arquitectura, como o mostran nos seus discos, deciden e elixen os lugares donde atoparse en cadeas persoais singulares, espazos únicos e momentos exclusivos. Desfrutando da poética e historia dos espazos a través do potencial maior, a emoción que move o mundo: o amor. A poesía e o amor extensíbel a toda forma de vida.
Marful confía plenamente no público galego mais alá dos palcos dos teatros e auditorios, que tamén. Do público que acepta desfrutar do reducido, das pequenas cousas. Marful elixe aventurarse e achegarse á xente en lugares singulares, unindo turismo cultural e música, combinando o sano minifundismo galaico con ideas sociais avanzadas.
Soñando e xogando a vida en cada actuación, estas “presenzas musicais” de Marful tratan dun coñecemento sobre eles mesmos e sobre os seus oíntes cos que desexan fundar, se é posíbel, relacións máis profundas que a aparencia. Por iso lles ofrecen a súa presenza próxima, nun formato coidado e exclusivo, para que dunha maneira íntima e atenta os poidan escoitar cantar, tocar, falar, respirar, degustar, emocionarse e suar.
Nesta “Xira surreal” Marful percorrerá mosteiros, illas, muíños, conserveiras, museos, granxas, bodegas, pazos, torres, fervenzas, castelos… ofrecendo en cada espazo o mellor de si: a súa música, a súa presenza. E, de acompañamento, os mellores produtores e produtos gastronómicos de cada zona, arredor dos que se atoparán artistas e público. Os aforos serán limitados; as músicas e as presenzas non. Ofrecerán o mellor dos seus dous discos e algunhas xoias a maiores, e partillarano todo coa maxia dos diferentes lugares, en acústico ou semiacústico.
A primeira presenza musical desta Xira será o vindeiro 2 de febreiro, día de Santa Candela, a partir das 20:30h na Igrexa do Mosteiro de Carboeiro, en Silleda. Nela poderase degustar queixo Semana Verde, melindres Tábora e augardente da zona. Desde alí viaxarán ao Museo da Conserva, na Illa de Arousa, onde o 14 de febreiro ofrecerán a súa presenza amorosa. Amor con conservas da única fábrica activa da Illa, Vengarco, conservas gourmet para amores exquisitos.
Alí vos esperamos porque queremos beber cada instante!
QUE VOS CONTEN OS QUE SABEN, OU SEXA, NÓS. OS DE FORA DAN TABACOPasaron trece anos dende que un grupo de amigos se xuntou para porlle música ás súas inquedanzas. Neses trece anos pasaron un montón de persoas por ese grupo, pasaron miles de cousas, unhas boas, outras non tanto. O que nun principio non pasaba de ser un divertimento acabou convertíndose nun barco que comezou a navegar por centos de mares, centos de portos nos que tomar terra e baixar a coñecer sitios, atopar xente, facer bos amigos ..>>
QUE VOS CONTEN OS QUE SABEN, OU SEXA, NÓS. OS DE FORA DAN TABACO
Pasaron trece anos dende que un grupo de amigos se xuntou para porlle música ás súas inquedanzas. Neses trece anos pasaron un montón de persoas por ese grupo, pasaron miles de cousas, unhas boas, outras non tanto. O que nun principio non pasaba de ser un divertimento acabou convertíndose nun barco que comezou a navegar por centos de mares, centos de portos nos que tomar terra e baixar a coñecer sitios, atopar xente, facer bos amigos e, porqué non decilo, dar con algún que outro elemento pouco recomendable (algún hai que aínda nos debe cartos, e non poucos precisamente…). Hoxe, trece anos despois, parece incríble que ese barco nos levara por mares de todo o estado, que a marea nos fixera chegar a compartir a nosa equipaxe musical con xente que estaba no irmán Portugal, en Francia, en Alemania… Tivemos o grande pracer de compartir singladura cun bo feixe de compañeiros de camiño, xente da que aprender moitísimo, xente coa que tomar un tróspiro despóis de tocar, coa que botar unhas risas, coa que compartir o enorme privilexio que é poderse adicar á profesión máis bonita do mundo. E unha das cousas máis satisfactorias de toda esta historia é que todo esto foi posible en galego, que cando alguén nos preguntaba se ao atravesar o “telon de grelos” traduciamos as letras para cantalas en español, a nosa resposta era un rotundo non. En poucos sitios estivemos por aí fora nos que non aparecera cando menos un galego, e se un concerto noso era unha excusa para que os galegos do lugar se xuntaran a botar unhas pezas e armar unha boa festa o traballo era máis satisfactorio aínda. Pois ben, tras trece anos de singladura, o noso barquiño precisa de pasar unha temporada no dique seco, para facer algunha reparación, para remendar as velas, e para que a tripulación poida descansar un pouquiño a neurona, que, aínda que non o pareza, ben que ten que traballar a pobriña dela neste choio. Esta non é unha despedida, é un ata pronto, porque en ningún momento se está a falar de pechar o chiringuito. Simplemente imos tomar un descansiño para facer outras cousas, tomar outros rumbos quen lle apeteza, e cargar pilas ata que algún de nós, entre caña e caña, entre batallita e batallita, solte aquela de “qué rapaces, quedamos mañá para ensaiar?”, e xa estea liada outra vez. De todos xeitos gracias, millóns de gracias a toda a xente que durante estes trece anos estivo con nós, tanto arriba como abaixo do palco. Bailando con nós, rindo con nós, suando con nós, compartindo con nós este traballo marabilloso. E tede ben clara unha cousa, amenazamos con voltar cando menos o esperedes.
Vémonos nos torreiros.
(E mentras chega ese momento tende por seguro que algo faremos, porque o bicho da música, cando pica, pica ben forte, e pode ser un bo momento para coller unha caixa de gaseosas e empezar a facer experimentos, a ver que sae, que seguro que algo ha sair. Seguiremos informando… ;))
Para cantar veño eu! Unha viaxe pola cultura musical galega da man dos Chichisos
(texto engadido o día 25/ / 1/ / 12 )
Venres 27 de xaneiro de 2012, ás 20h na Galería Sargadelos de Pontevedra (Oliva, 24)O Ateneo de Pontevedra organiza a presentación do libro Para cantar veño eu! Unha viaxe pola cultura musical galega da man dos Chichisos, de Rafael Quintía Pereira, publicado pola Sociedade Antropolóxica Galega e a A.C. Os Chichisos. O acto, no que participan Rosalía Rodríguez (secretaria da Asociación Cultural ‘Os Chichisos’), Paz Castro (xornalista e responsable de comunicación da Sociedade Antropolóxica Galega ..>>
Venres 27 de xaneiro de 2012, ás 20h na Galería Sargadelos de Pontevedra (Oliva, 24)
O Ateneo de Pontevedra organiza a presentación do libro Para cantar veño eu! Unha viaxe pola cultura musical galega da man dos Chichisos, de Rafael Quintía Pereira, publicado pola Sociedade Antropolóxica Galega e a A.C. Os Chichisos. O acto, no que participan Rosalía Rodríguez (secretaria da Asociación Cultural ‘Os Chichisos’), Paz Castro (xornalista e responsable de comunicación da Sociedade Antropolóxica Galega) e Rafael Quintía.
Para cantar veño eu! Empregando como fío condutor o labor que a asociación cultural e grupo de música tradicional Os Chichisos leva a cabo dende hai case dúas décadas, o autor ofrécenos nesta obra un compendio de apuntamentos etnográficos sinxelos e concisos en torno ó universo da música popular galega e das súas diferentes expresións e manifestacións. Un percorrido polos instrumentos tradicionais, os ritmos e os bailes, as festas do ciclo do ano e as tradicións musicais a elas asociadas, a ancestral linguaxe das campás, os cantos de berce e moitas outras dimensións do noso folclore que irán desfilando polas páxinas deste libro para achegarlle á xente nova e ó neófito do noso folclore o rico e variado tesouro da música tradicional galega. “Para cantar veño eu” complétase cunha amena unidade didáctica que inclúe os exercicios e as prácticas necesarias para que a xente máis nova practique, comprenda e asimile os diferentes contidos deste traballo. Para cantar veño eu! é unha obra de Rafael Quintía, antropólogo, economista e membro fundador da Sociedade Antropolóxica Galega.
Rafael Quintía Pereira Licenciado en Antropoloxía Social e Cultural Licenciado en Ciencias Empresariais Rafael Quintía Pereira. Nado en Vigo no ano 1971. Licenciado en Antropoloxía Social e Cultural, Licenciado en Ciencias Empresariais, escritor e músico tradicional. É membro fundador da Sociedade Antropolóxica Galega (SAGA), do Grupo de Estudos Etnográficos Serpe Bichoca e da formación de música tradicional e asociación cultural Os Chichisos. É autor dos seguintes ensaios: • Deuses, Mitos e Ritos do Monte do Seixo. Unha proposta interpretativa en clave céltica. (2010) • A Nosa señora da Lanzada. Antropología de un santuario costero (2011) Así como de diversos artigos etnográficos publicados en distintas revistas. Colaborou tamén no libro Monte do Seixo, reivindicación da Montaña Máxica (2007), do escritor Calros Solla. Gañou o premio de investigación Luis Cuadrado 2010 polo seu traballo A Nosa Señora da Lanzada. Estudio antropológico de un santuario marítimo. Dirixe a publicación Fol de Veleno. Revista de historia e etnografía de Galiza, herdeira do fanzine Fol de Veleno que fundou no ano 2006. É co-director do documental Monte do Seixo, a Montaña Máxica (2009), co-director e co-guionista do documental Sete Camiños, encrucillada do tempo (2011) e director e guionista do documental Comuneiros. Cen anos de vida e loita polo monte de Salcedo (2011). No eido musical cabe salienta-los seus traballos de composición. É autor da banda sonora da curtametraxe A Fenda (1996) e do documental Sete Camiños. Encrucillada do tempo (2011). Tamén compuxo, xunto a João Bieites, a banda sonora dos documentais Monte do Seixo. A Montaña Máxica (2009), A loita pola luz (2010) e Comuneiros. Cen anos de vida e loita polo monte de Salcedo (2011). Musicalizou catro poemas incluidos no poemario Pan prós cocrodilos (2010) do escritor Calros Solla. Foi membro fundador do grupo de rock Cromlech (1991). En 1994, xunto con Cesar Martínez, Toño Vázquez e Paco Sutil forma o grupo de música tradicional Os Chichisos. Entre os anos 2004 e 2006 formou parte do grupo folk Rabisaco. Actualmente compaxina a súa actividade musical como músico de Os Chichisos cos seus traballos de composición.
Os Chichisos
O grupo de música tradicional Os Chichisos tivo o seu xermolo no 1992 cando un grupo de amigos con inquedanzas musicais, e movidos polo seu interese na conservación e difusión da nosa tradición musical, se xuntaron para profundizar no coñecemento e na aprendizaxe da música popular galega. Foi neses primeiros anos dos 90 cando Paco Sutil, Toño Vázquez, Cesar Martínez e Rafael Quintía decidiron forma-los Chichisos, recuperando o nome co que César bautizara aquela formación que fundara uns anos antes en compaña de Toño e do bombeiro Manuel Fidalgo. Os novos Chichisos actuaron como tales por primeira vez un 24 de abril de 1994 na Festa do Garavanzo organizada pola asociación veciñal Pedra do lagarto na Eiriña, Pontevedra. Pero definitivamente, sería no ano 2000, coa entrada na formación de Xosé Feijoo ó bombo e de Rosalía Rodríguez á gaita, e no 2002 coa incorporación de João Bieites á gaita e Ana Llevot á pandeireta, cando realmente arranca a carreira musical da formación e se comeza a traballar intensamente na recuperación e divulgación do noso acerbo cultural. Dende ese ano son múltiples as súas colaboracións en diferentes ámbitos da vida cultural de Pontevedra, así como innumerables son as actuacións que Os Chichisos veñen realizando por todo o territorio galego e incluso en Irlanda, onde participaron no “NYAH County Cavan Arts Festival 2005”. No ano 2007, e para poder darlle un pulo ó seu labor divulgativo, constitúense como asociación cultural e incorpóranse á formación Conchi Pereiro como pandeireteira. No ano 2008 pasan a formar parte do grupo e da asociación Belén como pandeireteira e José Carlos como gaiteiro e acordeonista. No ano 2009 a pandereteira Ana Llevot deixa a formación e incorpórase Santiago Camarero como frautista e pandereteiro. Sendo esta a formación actual do grupo. Se hai dous aspectos que caracterizan os Chichisos son o seu espírito festivo e lúdico e o seu compromiso coa realidade social e cultural da súa cidade e do seu país. Poderiamos resumi-la actividade dos Chichisos ó longo destes anos en catro puntos básicos ou campos de actuación, cítese: divulgación e actividades didácticas, recuperación de tradicións, compromiso social e a festa e goce coa música popular galega
Chega unha nova edición do Reperkusión: a décima, que este ano se adianta para celebrarse na primavera, os días 17, 18 e 19 de maio. Para celebrar a primeira década de existencia do festival máis festeiro desta parte do mundo, temos un cabeza de cartel excepcional: Manu Chao! Estará con nós actuando non un senón dous días: o xoves 17 e o sábado 19. Unha cita inexcusable na que serán as súas únicas actuacións previstas nun festival da Península. Manu Chao chegará a Allariz co proxecto Manu Chao La Ventura, logo de actuar nos últimos meses en países como Arxentina, Estados Unidos, Xapón ou Australia. Acompañado de guitarra, baixo e batería, con La Ventura preséntase nun formato máis directo no que dá un novo xiro ás súas potentes actuacións cheas de enerxía e ideas frescas.
Máis confirmacións.
Manu Chao non é a única confirmación para o cartel deste ano. No Reperkusión estarán tamén Russkaja, Funky Style Brass, Os 3 Trebóns e Festicultores Troupe.
Campaña de sensibilización sobre a importancia dos medios de comunicación en lingua galega
A iniciativa a prol dos medios na lingua do país acaba de lograr o seu primeiro éxito. “Vitaminas para o Galego” conseguiu recadar máis de 5.000 euros a través de Internet en menos dun mes dende a súa presentación. O obxectivo inicial era recoller 3.300 euros antes do 1 de febreiro. Con 22 días de antelación sobre a data límite, a cantidade aportada polos cidadáns xa supera os 4.000 euros.
As contribucións organizáronse a través da web Verkami, plataforma que foi traducida ao galego polos organizadores e onde se poden seguir facendo pagamentos. A cambio da súa contribución, os internautas recibirán material de promoción da campaña. Un deles, que aportou 1.000 euros, gozará na súa casa dun concerto do Leo i Arremecaghonacona e cinco quilos de percebes.
Colaboran 16 medios pero está aberto a novos socios
Os medios de comunicación que organizan esta iniciativa queren agradecer o apoio deste músico e dos máis de 100 mecenas que xa contribuíron en liña. Os cartos destinaranse integramente ao financiamento da propia campaña e o resto repartirase entre as cabeceiras que participan en Vitaminas para o Galego.
Os organizadores son a rede de emisoras municipais galegas Radiofusión, Tempos Novos, Galicia Confidencial (GC), Novas da Galiza, O Val Miñor Info, Praza Pública, Terracha Xa, Crónicas da Comarca (Arzúa – Melide), Radio Nordés (Cadena Ser Vimianzo) e Que Pasa na Costa. Tamén colaboran na campaña tres xornais comarcais, Crónica 3 da Mariña luguesa, O Sil de Valdeorras e Certo, xornal dixital de Barbanza e Noia. Ademais, están invitados a sumarse todos os medios ou proxectos de medios que publiquen na lingua propia do país.
Segunda fase da campaña
Agora comeza unha segunda fase da campaña, que consistirá na difusión dos obxectivos de Vitaminas para o Galego a través das redes sociais e da organización de relatorios e actos de promoción por toda a xeografía galega.
Entre os obxectivos de “Vitaminas” destaca contribuír á supervivencia dos medios en galego, que nos últimos meses sufriron importantes baixas como, entre outros, Vieiros, A Nosa Terra, A Peneira ou Galicia Hoxe. Asemade, búscase contribuír ao nacemento de novos proxectos informativos en lingua galega.
Máis información nas webs http://www.vitaminasparaogalego.gl/ e http://vitaminasparaogalego.blogspot.com/
FUGAS "A Voz de Galicia" 13.1.2012. A crítica internacional consagra a DOA e a Mercedes Peón. Artigo de Dolores Vázquez. Catalogacións de referencia en Europa e USA recomendan traballos de músicos galegos entre os mellores álbums no 2011.
Os World Music Charts Europe, levan funcionando dende 1991 e recollen os mellores discos publicados dentro da World Music como xénero. Tratase dos World Music Charts Europe, unha lista de recomendacions realizada por especialistas en música étnica procedentes de 23 países.
DOA con "A fronda dos cervos" é o único representante do estado español
O xurado que cada mes selecciona novas entradas e modifica as posicions está formada por prescriptores de radios de toda Europa. Cada emisora ten un máximo de tres participantes, e no caso de Radio 3, esta tarefa recae sobre Lara López (directora da emisora e do programa Músicas posibles) e José Miguel López (Discópolis).
Cada mes, a web de Radio 3 ofrece este listado, que pasa por unha gran guía para descubrir aos intérpretes mellor valorados da World Music. A continuación, a lista perteneciente ao mes xaneiro de 2011.
Cristina Pato toca a gaita galega nunha gala presidida por Barak Obama.
(texto engadido o día 15/ / 12/ / 11 )
Nota de prensa: A gaiteira Cristina Pato participa como membro do Silk Road Ensemble no tributo ao director artístico da formación Yo Yo Ma celebrado a pasada semana no Kennedy Center de Washington DC. O acto que homenaxeaba ao cellista Yo Yo Ma, á actriz Meryl Streep, ao saxofonista Sonny Rollins, á cantante Barbara Cook e ao artista Neil Diamond contou coa participación dos mellores artistas do panorama musical e cinematográfico americano. O acto, presidido polo presidente dos EEUU e a Primeira Dama, inclúe introduccións de actores como Robert DeNiro ou Sarah Jessica Parker e actuacións de artistas como Herbie Hancock, Anne Hathaway ou James Taylor. Para esta ocasión Cristina Pato actuou como membro do Silk Road Ensemble tocando unha obra habitual de dita formación. Ademáis a gaiteira tivo a oportunidade de acompañar ao cantante americano James Taylor nunha versión orquestral de “Here Comes de Sun” de The Beatles, dirixida polo compositor cinematográfico americano John Williams; dita actuación é o peche da gala que se emite na cadea CBS en horario prime time durante o nadal. A gala retransmítese o 27 de Decembro pola cadena norteamericana CBS e é un dos programas máis vistos do ano en EEUU cunha audiencia media de 10 millóns de espectadores. Sin dúbida unha ocasión histórica para a gaita galega
Premio "Xabier Prado Lameiro" 2011 ao Colectivo Castro Floxo
(texto engadido o día 17/ / 10/ / 11 )
O Xurado do premio "Xabier Prado Lameiro" ven de conceder o recoñecemento 2011 ao COLECTIVO CASTRO-FLOXO DE OURENSE "polo traballo que ó longo de máis de trinta anos levan realizando no campo da investigación, conservación e divulgación do noso folclore tradicional, non só a través da danza, senón tamén por medio de tódalas demais manifestacións etnográficas que a acompañan, como son a música, as súas vestimentas e os costumes que xiran arredor da mesma.". ACTA DO XURADO. _______________________ ..>>
O Xurado do premio "Xabier Prado Lameiro" ven de conceder o recoñecemento 2011 ao COLECTIVO CASTRO-FLOXO DE OURENSE"polo traballo que ó longo de máis de trinta anos levan realizando no campo da investigación, conservación e divulgación do noso folclore tradicional, non só a través da danza, senón tamén por medio de tódalas demais manifestacións etnográficas que a acompañan, como son a música, as súas vestimentas e os costumes que xiran arredor da mesma.".
ACTA DO XURADO. __________________________________________________________________
O luns, día 10 de outubro de 2011, reuniuse o xurado nomeado pola Coral de Ruada para estudar as candidaturas presentadas para a segunda edición do Premio Xabie Prado Lameiro, co que se pretende, segundo contemplan as súas bases, “…premiar, de xeito simbólico, o labor desinteresado daquelas persoas ou colectivos que destaquen polo seu compromiso coa cultura de Galicia de expresión en idioma galego e de carácter popular, fundamentalmente no eido do folclore e, máis concretamente, na música popular e polifónica galegas.”
O xurado estaba formado por:
Presidente: Emilio Rodríguez Portabales (Vicepresidente Primeiro da CORAL DE RUADA).
Secretario: Manuel Souto Prieto (Secretario Xeral da CORAL DE RUADA, con voz pero sen voto).
Vogais:Eladio Quevedo Almoina (Presidente da CORAL DE RUADA).
Antonio Piñeiro Feijóo (Xornalista e Director da revista Auria).
César Francisco González Fernández (Director da Plataforma Independente de Teatro de Amoeiro “PITA”).
Xosé María Carballeira Anllo (Coautor dos Dicionarios Xerais de Lingua Galega e
Director do IES “Universidade Laboral” de Ourense).
O xurado acordou, por unanimidade:
Conceder o PREMIO XABIER PRADO LAMEIRO, organizado pola CORAL DE RUADA de Ourense, na súa segunda edición, correspondente ó ano 2011, ó colectivo Castro Floxo de Ourense polo traballo que ó longo de máis de trinta anos levan realizando no campo da investigación, conservación e divulgación do noso folclore tradicional, non só a través da danza, senón tamén por medio de tódalas demais manifestacións etnográficas que a acompañan, como son a música, as súas vestimentas e os costumes que xiran arredor da mesma.
O principal mérito que atesoura a traxectoria do grupo Castro Floxo, non é soamente o inxente traballo que durante estas tres décadas teñen realizado no campo da recolla, conservación, interpretación e divulgación do noso folclore (que xa de por si merecería un recoñecemento explícito, por teren sido quen de levar as nosas manifestacións artísticas por un gran número de países de Europa, Asia, África e América), senón que souberon ir un paso máis alá e interpretar a cultura tradicional coma un todo, promovendo a publicación de monográficos sobre moi diversos aspectos das nosas tradicións que constitúen exemplos para o resto de Galicia, como é o caso do “Cancioneiro Popular da provincia de Ourense”, os dous tomos de “Danzas Gremiais e procesionais de Ourense”, a “Arquitectura popular galega”, a colección “Memoria fotográfica” que recolle a fotografía histórica de diversas comarcas da provincia de Ourense, así como a revista Raigame, que está considerada un referente na divulgación da nosa cultura, ademais da creación e organización anual da Romaría Etnográfica Raigame que se celebra cada ano o día 17 de maio en Vilanova dos Infantes e que está servindo de modelo para toda Galicia de cómo celebrar o Día das Letras Galegas.
Pero ademais, dende o seu nacemento Castro Floxo tamén coordina a organización das Xornadas do Folclore que ó longo de 28 edicións teñen de espectacular e diverso escaparate do folclore de todo o mundo, manténdose coma un dos principais eventos escénicos e culturais do verán ourensán, sen esquecer a organización de varios Congresos sobre etnografía en colaboración coa Universidade.
O inxente labor de Castro Floxo constitúe, polo tanto, un exemplo de traballo pausado, calado e de compromiso coa cultura popular galega e o PREMIO XABIER PRADO LAMEIRO, con este galardón, non fai, senón, recoñecer a coherente traxectoria que o colectivo ten mantido neste campo ó longo de máis de tres décadas.
• O acto de entrega do II PREMIO XABIER PRADO LAMEIRO terá lugar o día 27 de outubro no teatro Principal de Ourense, segundo horario e programa que se anunciará oportunamente.
• O I PREMIO XABIER PRADO LAMEIRO, correspondente ao ano 2010, fóralle concedido ao Real Coro Toxos e Froles de Ferrol.
Mini e Mero, músicos, poetas, mestres e investigadores do patrimonio cultural galego, foron galardoados co Premio Ramón Piñeiro-Facer País na súa décima edición. Xosé Luís Rivas Cruz, Mini, e Baldomero Iglesias Dobarrio, Mero, actuais compoñentes do grupo A Quenlla, formaron parte tamén de Fuxan os ventos. O xurado, integrado por representantes de 18 asociacións culturais da comarca de Sarria (Lugo) analizou e considerou 29 propostas. O premio foi instituído en 2002 pola Asociación Cultural Val de Láncara para recoñecer o labor senlleiro de persoas e entidades a prol de Galicia. O acto de entrega terá lugar en Láncara (Lugo) o vindeiro 15 de outubro. Os 18 membros do xurado, representantes doutras tantas asociacións culturais da comarca de Sarria, avaliaron o constante labor dos premiados, Mini e Mero, "a prol da creación e recreación do cancioneiro galego e de diferentes manifestacións do noso patrimonio inmaterial, participando de modo individual ou con diferentes grupos no proceso de dignificación e recuperación das máis diversas facetas da expresión musical, incoporando ao seu repertorio creacións de poetas clásicos e modernos xunto con obras propias que gozan de xeral aceptación". Recoñeceron asemade "o compromiso profesional de Mini e Mero como educadores a prol da galeguización do ensino e dunha escola creadora e non alleante no medio rural" e salientaron "a constante e desinteresada colaboración que os premiados prestan a colectivos culturais tanto de Galicia como da diáspora, levando a mensaxe de loita e solidariedade coas xustas reivindicacións do noso pobo". Subliñaron por último "a súa activa participación nas actividades de recuperación da memoria histórica". Nesta décima edición a candidatura de Mini e Mero competiu con outras 28, propostas polas distintas asociacións que colaboran con "Val de Láncara" na organización e concesión do Premio Ramón Piñeiro-Facer País. Reseñado en Xornal, La Voz de Galicia, Cultura Galega.
Berros do Castro: "Eirexado s/n". Música tradicional das comarcas de Ferrol, Eume e Ortegal
(texto engadido o día 6/ / 9/ / 11 )
(Información e fotos extraída de diversos xornais e a web do Facebook de Berros do Castro)Este CD pode mercarse nos concertos, no obradoiro de Antón Varela (r/San Francisco de Ferrol) ou no correo electrónico berrosdocastro@gmail.com, e o seu precio (5 euros) busca sufragar os costos da súa edición, parte da cal foi pagada a través do programa "Outra+Outra".A Deputación de A Coruña e a Fundación Paideia, a través do estudio de gravación Mans, veñen convocando nos ultimos anos o programa "Outra+O ..>>
(Información e fotos extraída de diversos xornais e a web do Facebook de Berros do Castro)
Este CD pode mercarse nos concertos, no obradoiro de Antón Varela (r/San Francisco de Ferrol) ou no correo electrónico berrosdocastro@gmail.com, e o seu precio (5 euros) busca sufragar os costos da súa edición, parte da cal foi pagada a través do programa "Outra+Outra".
A Deputación de A Coruña e a Fundación Paideia, a través do estudio de gravación Mans, veñen convocando nos ultimos anos o programa "Outra+Outra", que ten como obxectivo a promoción e difusión de formacións musicais da provincia. Apoiados por este programa, a Agrupación Berros do Castro, de San Sadurniño, está a desenvolver, dende comezos do 2008, o proxecto de investigación etnográfica e cultural "Unha imaxe, unha melodía, un recordo..", proxecto que ten como finalidade «recuperar, preservar e transmitir diferentes aspectos dá música popular de Ferrolterra». recompilando imaxes e todo tipo de documentación dos solistas e conxuntos que deron pulo á música tradicional nas comarcas de Ferrol, Eume e Ortegal.
Este proxecto, que levou a Berros do Castro a conquerir o premio de investigación “Ferro Caaveiro” do Museo Etnográfico da Capela, conta cunha serie de ferramentas para poñer en valor este patrimonio, como é unha exposición itinerante de imaxes antigas de formacións e músicos tradicionais, e unha serie de concertos didácticos.
Durante estes anos rescataron melodías que doutro xeito quedarían esquecidas na memoria e nas partituras de mestres e intérpretes pois xa non formaban parte do repertorio de ningún grupo (polas dificultades ou a reticencia que houbo noutras decadas á hora da transmisión). E se xa no seu momento Berros do Castro foi introducindo estas músicas no repertorio das súas actuacións, chega por fin a «plasmación sonora de "Unha imaxe, unha melodía.. un recordo» coa gravación dun disco "Eirexado s/n", no que buscan unha maior divulgación e dignificación dos músicos de antano, ao tempo que poñen todo este material (partituras, audio, fotos..) a disposición de aqueles grupos que tamén queiran reinterpretar algun dos temas.
Ademáis destas melodías interpretadas polo grupo (algunhas delas gravadas cunha gaita restaurada por Antón Varela, cunha sonoridade moi especial, procedente dun obradoiro que que existiu en Lago, Valdoviño, e que Berros do Castro sitúan nas décadas dos anos 20 e 30) o disco inclúe «dous cortes sonoros gravados a dous músicos que deixaron unha fonda pegada na música popular da bisbarra»: - unha gravación do ano 83, cedida pola asociación Donas e Galáns, de Dionisio Rodríguez, «afamado acordeonista dá parroquia de Doso», - e outra do ferrolano Manuel López Vergara «un dous gaiteiros máis representativos e activos dá bisbarra, tanto na súa faceta de intérprete como de mestre de gaiteiros», rescatada dun casette que gravou a propia familia a finais dos 70 ou principios dos 80.
Eirexado s/n é en realidade o enderezo postal, na parroquia de Naraío, da Asociación Berros do Castro, e representa o destinatario dun paquete de música, envolto en papel de estraza -así ven representada a capa do CD-, que remiten os músicos do pasado cun selo no que figura o mestre e compositor Constantino Bellón, figura que aparece resaltada non só nesta estampa, senón tamén ao contaren o disco coa colaboración da formación Os Raparigos, . Todo no disco é por tanto unha homenaxe: portada, fotos, datos dos grupos rescatados.. «un disco modesto», segundo apunta Bruno Casal, «pero que cumplirá co seu obxectivo se serve para preservar e transmitir o gran traballo que fixeron os músicos populares antigos das nosas comarcas».
Berros do Castro son: Antón Varela e Bruno Casal: gaitas e frautas. José E. Rodríguez: acordeón e gaitas Xosé L. Loureiro: clarinete Marcos Gómez: bombo e pratos Ramón Dopico: tambor e caixa Sabela Folgar: Baile e percusión
Colaboracións: Alexandre Cadarso: frautas Víctor Collazo: trombón Os Raparigos (Xan R. Silvar e Xabier R. Fariñas nas gaitas e Rafael Victoria ó bombo).
Se tes algun problema enviando a noticia -imaxe demasiado grande, documentos pdf, etc.. - podes enviala a: ghastaspista@gmail.com
Crea a túa conta en Ghastas Pista?. O rexistro de usuarios está en preparación e fase de probas, pero a intención final é crear unha pequena rede social (ou algo parecido) dentro deste portal, arredor da música galega. Con ideas tiradas de entornos como facebook, lastfm.. e outras que vaian xurdindo ou propoñades a medida que o proxecto vaia crecendo. Polo de agora podedes ir creando a vosa propia conta.
LEMBRATE DE GHASTAS PISTA?
CANDO NAVEGUES
Envía as noticias que atopes, con só dous 'clicks'
Engade o seguinte enlace aos teus favoritos ou á barra de marcadores
(pinchar nel co botón dereito e selecciona esa opción)
e poderás engadir enviar noticias a esta páxina dende calquer web:
cando atopes algunha nova interesante, navegando pola rede,
só terás que ir aos favoritos/marcadores,
pinchar no enlace que gardaches..
e aparecerás nesta páxina co formulario xa preparado para editar
(se na outra web seleccionaches parte do tamén aparecera no formulario),
modificar (ou non) os datos e subir a noticia a esta páxina
