>> Iniciar Sesi�n  




+     

 


 

Viana do Bolo - Entroido 2009

(ultima actualizaci�n: 19 / 2 / 09 )





O entroido en Viana comeza cedo, nada máis rematar os reis os folións comezan cos ensaios e saidas polas tardes o rematar o traballo.
Hasta que chega o primeiro dos días da fariña: Xoves de Compadres, no que as mulleres colgan o lardeiro (boneco recheo de palla), e os homes as persiguen para botarlles fariña.
O xoves seguinte é o día da revancha, Xoves de Comadres, no que os papapeis cambian e son as mulleres as que botan a fariña.
A fariña estará presente durante toda a festa carnavalesca ata o martes no que as 12 da noite ten lugar a queima dos lardeiros, pondo fin a festa, sendo este un dos momentos máis emotivos do entroido.
Dun valor etnográfico incalculable é o entroido vianés, cos folións e boteiros.
O Folión consiste nunha comitiva formada por bombos e aixadas , cada pobo ten o seu propio son peculiar e diferente os demáis, que nos días do entroido enche as rúas de Viana
O Boteiro é a personaxe máis importante do entroido.
O traxe do boteiro de espectacular colorido e artesanal confección, consta dunha camisa feita con máis de mil metros de cinta de raso que forma distintas figuras geométricas.
A pantalla composta de papel de seda de diversos cores sobre un entramado de aramefacendo debuxos geométricos.


FESTA DA ANDROLLA
O Domingo Gordo é o día grande da festa carnavalesca.
A praza maior e as rúas da vila vístense de gala para recibir con grande algarabía o desfile de carrozas, folións, boteiros e distintas comparsasprocedentes de tódolos rincós da comarca vianesa.
O día culmina coa festa da androlla, de grande interese gastronómico.
O menú consta de caldo con picatostes, cachelos con grelos, lacón, chourizo e a raíña da festa: androlla, seguido de cordeiro e rematando con bica e vianos (bombóns recheos de mel).
Xa se levan realizadas 38 edicións desta festa de culto ás costelas adobadas,embutidas e curadas ao fumo nas vellas lareiras.

















COMENTARIOS:

 

Opina sobre esta nova








Ver m�is novas.

 

 

 

 

 

 

 


 

 





 

Voltar á páxina principal