>> Iniciar Sesión  




+     

 


 

3 Convivio da Cultura Galega (Outeiro de Rei)

(ultima actualización: 8 / 7 / 16 )





Sábado 09 de xullo
Santa Isabel, 27150 Outeiro de Rei

Aproxímase o verán e con el, por terceiro ano consecutivo, o Convivio da Cultura Galega, impulsado desde a Casa-Museo Manuel María, a federación Galiza Cultura de asociacións culturais galegas e a Asociación Cultural e Musical Solfa de Compostela.
O Convivio é unha xornada de lecer e de encontro de todo o tecido cultural galego de base do país: destinado a todos aqueles colectivos e persoas que, desde abaixo, traballan arreo todo o ano, desde moi diferentes proxectos e realidades locais, por unha Galiza lingüística e culturalmente normalizada. Tal e como fixo o propio Manuel María, non só escritor, senón verdadeiro militante cultural e axente normalizador durante toda a súa vida.
É, sobre todo, un día de festa: para vérmonos, para falarmos e para gozar da boa compañía nunha das paisaxes que Manuel María máis amaba: a Carballeira da Santa Isabel de Outeiro de Rei, á beira do Miño, aquí onde as augas do Ladra veñen dar ás do "Pai de todos os ríos galegos".
A Santa Isabel foi tamén o espazo natural da festa patronal de Outeiro, cunha romaría popular que queremos recuperar co seu esplendor pasado. Como na pasada edición, de mañá haberá actuación de distintas bandas de música e corais, xantar compartido na Carballeira (cada quen levará a súa comida e bebida) e, xa á tarde, foliada aberta a todo o mundo que queira vir tocar e bailar (grupos ou xente por libre). Até que se quixer!
Todo isto completarase con visitas guiadas á Casa-Museo Manuel María durante todo o día e con outras actividades e propostas que se irán detallando nos próximos días.
Anotade nas vosas axendas o sábado 9 de xullo en Outeiro de Rei da Terra Chá: na Tribo de Manuel María.














COMENTARIOS:

 

Opina sobre esta nova








Ver máis novas.

 

 

 

 

 

 

 


 

 





 

Voltar á páxina principal