
Venres 15 de abril Cerdedo, Galicia, España A iniciativa parte dun grupo de veciñ@s de Terra de Montes que, preocupad@s polo trámite xa iniciado para a fusión de Cerdedo e Cotobade de xeito unilateral por ambos concellos, decidimos "contra-atacar" tamén desde o eido da cultura.
Unha das meirandes agresións que supón a fusión é o total desartellamento sócio-cultural de entidades históricas comarcais, xa bastante menosprezadas ao longo da historia. Estas entidades, como a Terra de Montes, quedarán danadas -desmembradas- irreversiblemente; e o certo é que esas entidades culturais, QUE SOMOS NÓS, son tamén o noso PATRIMONIO CULTURAL, que neste momento está amezado.
Por iso vos animamos a compartir con nós unha xornada coa nosa música tradicional, aquela que por decenios artellou as relacións sociais na nosa terra, e da que pretendemos manter viva a chama por mil primaveras máis...
|