>> Iniciar Sesión  




+     

 


 



O Día das Galegas nas Letras celébrase cunha festa colectiva na Estrada
Fonte / Máis información

(ultima actualización: 29 / 7 / 14 )



O Día das Galegas nas Letras xa ten programa e escenario. O vindeiro 15 de agosto no Areal de Berres, na Estrada homenaxearase a Dorothé Schubart cunha festa colectiva na que participarán Mercedes Peón, Paula Carballeira, Isabel Rei e Habelas Hainas entre outras. 






NOVAS RELACIONADAS:



O Areal de Berres acolle este venres os actos do "Día das galegas nas letras"
http://ouzande.blogspot.com.es/2014/08/o-areal-de-berres-acolle-este-venres-os.html




O Areal de Berres acolle o venres 15 unha singular festividade, trátase do "Día das galegas nas letras", unha romería moi particular organizada pola asociación "A Sega" e que ten como obxectivo honrar a figura de Dorothé Schubarth, unha musicóloga suíza que en 1984 chegou a Galicia para entrevistar mulleres e así recoller delas un importantísimo corpus musical publicado no Cancioneiro Popular Galego. A entidade organizadora pretende deste xeito facer visible o labor das mulleres no ámbito cultural. Escolleron este venres cadrando co día da "Nosa Señora" e o Areal de Berres como espazo bucólico onde desenvolver a xeito de romería unha actividade do máis singulare e interesante. Como o obxectivo é "saudar a dignidade da literatura de tradición oral e o labor silenciado de todas as cantadoras que lograron manter vivo até hoxe o acervo musical que nos alimenta" convidan á veciñanza a ir comer de romería. Toda persoa, familia e grupo que traia comida para partillar e a alegría do canto e do baile será benvida. Comezan ás 13.30.h coa presentación do acto e lectura dun manifesto ao respecto por parte das integrantes d'A Sega. Ás 14.00h comeza o "xantar compartido" para ás 16.00h facer festa coa intervención da contadora Paula Carballeira, madriña da Fervenza de Ouzande, Mercedes Peón, quen traballou arreo no eido da recollida de música tradicional, a guitarrista Isabel Rei e o grupo de pandereteiras Habelas Hainas. Terán megafonía con micrófono aberto para todas aquelas persoas que queiran cantar, tocar ou contar.















COMENTARIOS:

 

Opina sobre esta nova








Ver máis novas.

 

 

 

 

 

 

 


 

 





 

Voltar á páxina principal