(imaxe tirada da web da Asociación Jose Afonso Norte)
AJA Norte e Tino Flores estarán mañá, venres, 7 de novembro ás
22 h, no auditorio da Xunta de Freguesía de Santo Ildefonso –Porto–,
nun concerto para lembrar os homes e as cancións do Canto de
Intervencíón.
Tino Flores, noutrora compañeiro de andanzas de José Afonso,
Adriano Correia de Oliveira, Luis Cília e tantos outros artistas
comprometidos, que fixeron da canción protesta a arma para loitar
pola democracia do seu país, presta hoxe a súa arte para relembrar
os compañeiros de sempre e as cancíóns que urxe non esquecer. A
organización do evento é da responsabilidade da AJA Norte (Asociación
José Afonso), que unha vez máis nos proporciona unha actividade de
carácter cívico e cultural, pola manutención da memória e dos valores
da liberdade. Actuará tamén o Grupo Poético Musical da própia
Asociación, e, os interesados poderán aínda mercar CDs dos
cantautores portugueses que formaron o movimento do Canto de
Intervención, así como libros e outros materiais relacionados co tema.
O mesmo tempo, máis en Almada, o cantautor Francisco Naia
presenta o seu último traballo discográfico co título De Sol a Sul.
Francisco Naia naceu no Alentejo e moi cedo foi influído pola ética e
pola estética do Zeca Afonso, de quen foi aluno no ensino secundário.
Influencia ética, porque foi co Zeca que aprendeu a cuestionar as
cousas da História maniqueísta da ditadura –el falaba de liberdade– a
estética, porque o profesor cantaba con outras palabras e outros sons
que o axudaron na construción das formas e sensibilidade musicais
futuras.
De Sol a Sul é un traballo elaborado con instrumentos acústicos:
percusións portuguesas e árabes, guitarra alentejana chamada "viola
campaniça", cavaquiño, bandolín e contrabaixo, a que unha frauta e
un saxofón axudan, na creación dun ambiente bucólico.
Profundamente poético, cunha voz que inspira ó soño, histórias e
sentimentos que aquí e alén lembran, o Zeca, a vida... A Saudade
|
