>> Iniciar Sesión  




+     

 


 

XII Noite da Lúa Meiga (O Viso - Redondela)

(ultima actualización: 21 / 8 / 13 )





31 DE AGOSTO DE 2013
Miradoiro do Monte Outeiro Grande

- PANDERETEIRAS TERRA MEIGA
- OS FONDAOS DO PÍFARO
- OS MELIDAOS
- OS TERRIBLES DE DONAS
- OS CARUNCHOS

e tamén...

MEIGHACHIMPÍNS
Coma nos últimos anos, convidase ós veciños da parroquia a que decoren os seus chimpíns con motivos vexetais, como mostra do achegamento e da interdependencia coa natureza. Os chimpíns así engalanados concentranse no torreiro do festival e pola tardiña farán un percorrido festeiro pola zona, chamando a tódala xente á festa e a diversión.

EMILIO DA BAÑA
Para diversión tanto dos nenos e nenas como dos seus pais, Emilio da Baña desenvolverá un obradoiro de ENREDOS MUSICAIS. Un bo xeito de gozar da tradición e achegarse ó mundo dos instrumentos e da música tradicional.

XOEIRA
A asociación Xoeira colabora outro ano máis coa Noite da Lúa Meiga e nesta ocasión realizando OBRADOIROS de manualidades para os cativos e cativas que se acheguen ao festival. Seguro que os máis cativos pasarano en grande.

PETER PUNK
Peter Punk é un dos clowns e humoristas máis destacados e programados en Galicia nestes últimos anos. Gañador do Festiclown 2008, con xiras por Brasil, Italia, Portugal, Palestina , participante nas máis importantes citas de clown do Estado (Cataluña, Baleares, Madrid, Euskadi, Andalucía…) e con Galicia enteira percorrida na procura da vosa risa.
O irreverente PeterPunk retorna cun novo espectáculo. Máis "Chungo chungo ke te cagas" aínda e coma sempre no país de Nunca Máis, Peter Punk preséntase nesta ocasión no seu novo e gran pequeno vehículo. Participando activamente co seu público -que fará parte imprescindible deste novo espectáculo- pedaleando coma un tolo, comendo globos e xogando coma un neno que se nega a crecer, PeterPunk presenta un final sorprendente no que coñeceremos o seu último xoguete, a Chungatrona! Unha máquina que fará as delicias de nenas e nenos de 0 anos a cadea perpetua.









NOVAS RELACIONADAS:



Festival Noite da Lúa Meiga - O Viso - Redondela
http://gaiteirosgalegos.com/index.php?option=com_content&view=article&id=2743:festival-noite-da-lua-meiga-o-viso-redondela&catid=27&Itemid=18




Un ano máis o Colectivo Lúa Meiga organiza o festival Noite da Lúa Meiga, que se celebra dende hai 12 anos no Viso, concello de Redondela. Este ano a cita terá lugar o sábado 31 de agosto.

O Miradoiro do Monte Outeiro Grande volverá ser este ano o escenario da Noite da Lúa Meiga.

Está programada unha xornada de actividade continuada para todo tipo de públicos, primando durante o día ao público máis familiar.

As 12:30h realizarase concentración no Monte da Gándara e a continuación o roteiro de Meighachimpíns ata o Miradoiro do monte Outeiro Grande. A continuación haberá xantar popular, seguindo a partir das 16:00h cos xogos tradicionais para os cativos, obradoiros a cargo de Xoeira e de Emilio da Baña. A iso das 20:00h contarase co espectáculo de humor e malabares apto para tódolos públicos, “A Chungatrona” de Peter Punk. De seguido e xa na sesión nocturna, comezará o concerto e contarase coas pandereteiras Terra Meiga, Os Melidaos, Os Fondaos do Pífaro, Os Terribles de Donas e Os Carunchos.





LÚA MEIGA, REIVINDICANDO O NOSO IDIOMA E A CULTURA TRADICIONAL NAS FESTAS DO PAIS



O sábado 31 de agosto, a parroquia do Viso en Redondela convertirase un ano máis nunha festa reivindicativa en prol da presenza da cultura tradicional e popular en todo tipo de eventos festivos. Denunciar o progresivo afastamento que padece o noso idioma, o galego, dos actos culturais e festivos en grande parte da comarca e, en xeral, na maioría do noso país. O Colectivo Lúa Meiga, organizador da xa 12ª edición da Noite da Lúa Meiga, aposta outro ano máis por ofertar de xeito gratuíto un evento onde a música e cultura tradicional en galego o ocupan practicamente todo, amosando claramente que se poden facer festas atractivas e recoñecidas polo público totalmente no noso idioma e con ingredientes propios da nosa terra, fuxindo de grandes manifestacións espectaculares e foráneas onde a aportación cultural queda reducida á mínima expresión.

Por este motivo, o vindeiro sábado prográmase unha xornada de actividade continuada para todo tipo de públicos, primando durante o día ao público máis familiar. As 12:30h realizarase concentración no Monte da Gándara e a continuación o roteiro de Meighachimpíns ata o Miradoiro do monte Outeiro Grande. Os meighachimpíns naceron de xeito expontáneo da creatividade de veciños e veciñas do Viso, que se animaroon a participar da festa dun xeito divertido, económico e popular.

A continuación haberá xantar popular con polbo, chouripáns, carne ao caldeiro, empanada, etc. a prezos populares. A partir das 16:00h seguirase cos xogos tradicionais para os cativos e tamén para maiores. Poderán recuperar a memoria dos noso avos e avoas co tiro da corda, o xogo da rá, zancos, facendo correr o aro, etc. Un xeito de recuperar a cultura tradicional dos xogos populares galegos. Tamén haberá obradoiros a cargo de Xoeira e de Emilio da Baña.

A iso das 20:00h contarase co espectáculo de humor e malabares apto para tódolos públicos, “A Chungatrona” de Peter Punk, un irreverente pallaso considerado dos mellores de Galiza na actualidade e comprometido con diversas causas benéficas. Gañador do Festiclown 2008, con xiras por Brasil, Italia, Portugal, Palestina, participante nas máis importantes citas de clown do Estado (Cataluña, Baleares, Madrid, Euskadi, Andalucía…) e con Galiza enteira percorrida na procura da risa do seu público.

De seguido e xa na sesión nocturna, contarase cos concertos a cargo de diversos grupos, todos galegos, e que recuperan, actualizan e expallan a nosa música tradicional máis festeira e divertida. Contarase coas pandereteiras Terra Meiga, Os Melidaos, Os Fondaos do Pífaro, Os Terribles de Donas e Os Carunchos.

A Noite da Lúa Meiga celébrase no miradoiro do Outeiro Grande no Viso, torreiro que estará cuberto cunha carpa e cuxo acceso estará debidamente sinalizado. O acceso ao monte será de sentido único, contándose con sinalización que a organización prega se respecte e coa axuda moi agradecida do corpo de voluntarios de protección civil de Redondela.

Toda a información relativa ó programa poderáse consultar na web do festival

www.noitedaluameiga.org ou na páxina de facebook.















COMENTARIOS:

 

Opina sobre esta nova








Ver máis novas.

 

 

 

 

 

 

 


 

 





 

Voltar á páxina principal