>> Iniciar Sesión  




+     

 


 

O Festival da Poesia volta ao Condado com a denuncia do sistema económico como eixo
Fonte / Máis información

(ultima actualización: 20 / 8 / 12 )





A Sociedade Cultural e Desportiva (SCD) do Condado pechou o programa da XXVI ediçom do seu Festival da Poesia, que tem como eixo vertebrador o lema ‘Capitalismo é um feito, revoluçom um direito’. Exposiçons, projecçons, recitais e outras actividades vam estar relacionadas com essa legenda, com a que, por parte da SCD, se quer denunciar a farsa da crise e a inhumanidade do sistema económico.

O Festival da Poesia começa na tardinha sexta-feira, 31 de agosto, com a apertura de exposiçons e a projecçom de audiovisuais. Às dez e meia começa a Noite nas Minas com a actuaçom de Sés. Esta convocatória é a única com aforo limitado, já que se celebra dentro das Covas de Dona Urraca. As entradas podem-se reservar no endereço de correio electrónico scdcondado@scdcondado.org. Depois do concerto haverá repichoca no campo da festa.

No sábado, 1 de setembro, as actividades começam de manhá com um passa-ruas com Nos Chamam, o Aberto de Bilharda da Poesia, e a feira de artesanato e associaçons. Também de manhá, na Casa do Conde, haverá umha mesa redonda com repressentantes sindicais para debater sobre o assunto que centra esta ediçom do Festival.

Na tarde do sábado os pequenos e pequanas som protagonistas com a Festa Infantil (desde as cinco na zona das muralhas). Às sete e meia projectaram-se as curtas premiadas no Festival de Cans. O Festival Poético-Musical começa às nove. Apresentado por Clara Gayo e Íria Pinheiro, nel vam dar mostra do seu trabalho poético Daniel Salgado, Xiana Arias, Roi Vidal, Eduardo Estévez, Ramiro Vidal, Susana Sánchez Aríns, Gonzalo Hermo, Silvia Penas e Claudio Rodríguez Fer. As súas leituras mesturaram-se com as actuaçons de O Sonoro Maxín, Cuchufellos, Sacha na Horta e Dios Que Te Krew.

Como cada ano, a SCD edita umha compilaçom de textos dos e das poetas participantes que se poderá adquirir nos dias do Festival. Ademais, disponibiliza todo tipo de serviços para o público, como campismo, duchas, etc., de balde.

Nos vindeiros dias iram-se confirmando algúns detalhes. Polo momento, a SCD do Condado agradece a difusom desta informaçom.

Para mais informaçom podem contactar com o endereço de correio electrónico scdcondado@scdcondado.org ou com os telefones 699268032 (Irene), 690034632 (Manolo) ou 671200160 (Lara).


Sexta-feira 31 de agosto

19.30
Apertura de exposiçons: Humor Gráfico
COVAS DE DONA URRACA / CASA DO CONDE

20.15
Projecçom de Audiovisuais
COVAS DE DONA URRACA
Umha pola Outra

22.30
Noite nas minas
COVAS DE DONA URRACA
Concerto de SÉS
Ao remate: repichoca ao ar livre e festa!

- Entrada 10 €
- Reservas: info@scdcondado.org ou 646 95 95 87



Sábado 1 de setembro

11.30
Passa-ruas
Grupo 'Nos Chaman'

11.30
Campionato de bilharda
Feira popular: colectivos e artesanato
ZONA DAS MURALHAS

- Reserva de postos: postosfestivaldapoesia@gmail.com

13.00
Mesa redonda
CASA DO CONDE

17.00
Festa Infantil
- Obradoiros de jogos tradicionais galegos
ZONA DAS MURALHAS

19.30
Projecçom de Audiovisuais
COVAS DE DONA URRACA
Curtas premiadas no Festival de Cans

21.00
FESTIVAL POÉTICO-MUSICAL
ZONA DAS MURALHAS

- Apresentam: Clara Gayo e Iria Pinheiro

POETAS
- Daniel Salgado
- Xiana Arias
- Roi Vidal
- Eduardo Estévez
- Ramiro Vidal
- Susana Sánchez Aríns
- Gonzalo Hermo
- Silvia Penas
- Claudio Rodríguez Fer

GRUPOS
- Cuchufellos
- O Sonoro Maxín
- Sacha na Horta
- Dios Ke Te Crew


- Festival da Poesí­a no Condado - Cuchufellos- O Sonoro Maxín- Sacha na Horta- Dios Ke Te Crew -
- María Xosé Silvar (Sés) -












COMENTARIOS:

 

Opina sobre esta nova








Ver máis novas.

 

 

 

 

 

 

 


 

 





 

Voltar á páxina principal