A Concellería de Cultura da que é titular María Iglesias, coa colaboración da Escola de Danza Vila de Baiona, está organizando unha serie de actividades encamiñadas a festexar o Día das LetrasGalegas. Entre elas, destaca unha lectura colectiva e actuación de varios grupos de folclore popular recollidos no programa “Bai De Muiñeiras”.
Os actos, totalmente abertos a participación tanto da veciñanza como dos visitantes, comezará ás 18:00 no Porto Pesqueiro. Alí concentraranse os grupos “Cear Castromao de Mondariz”, “Airiños da Lagoa de Baiña “, “Os Ventos de Comesaña de Vigo”, “Inquedanzas de Tui” e “Escola de Danza Vila de Baiona”, para a continuación desfilar por Elduayen ata o paseo Ribeira.
As 18:30 horas, no lugar antes sinalado, terá lugar o acto de homenaxe á figura de Valentín Paz Andrade, cunha lectura pública. Para participar nesta actividade faise necesario apuntarse dende agora na biblioteca pública, ou nas oficinas da concellería de Cultura.
Unha vez rematada a lectura, as agrupacións ofrecerán unha exhibición da súa arte aos presente.
|
