De todos é sabido que os galegos fomos un pobo emigrante, pero aínda que nos toca a todos de preto, non somos o suficientemente conscientes do drama que supuxo aquel éxodo, e menos conscientes somos aínda da importancia económica e cultural que eses emigrantes tiveron para coa súa terra e o amor que lle dispensan, a cambio de nada, desde a distancia.
GALIZIEN AMERIKA LINIE pretende achegar ao público ese fenómeno importantísimo da nosa historia contemporánea máis recente: a emigración.
Con tal propósito Xacarandaina está a montar un espectáculo no que se mesturará a propia actuación do Grupo cos seus bailes, danzas, músicas, vestiarios e posta en escena con deseño de luz, deseño espazo sonoro e audiovisual, mesturando así a arte tradicional coas novas tecnoloxías, facendo de "Galizien Amerika Linie" algo novidoso e único dentro do abano dos espectáculos feitos Galicia.
Próximas Actuacións:
Vilalba : 10 de marzo - 20:30 - Auditorio Carmen Estévez de Vilalba
Narón : 14 de abril - 20:00 - Pazo da Cultura de Narón
Melide : 19 de maio - 20:30 - Pavillón Polideportivo Municipal de Melide
|
