>> Iniciar Sesi�n  




+     

 


 

Cristina Pato e Mercedes Peón en WOMEX 2010
https://www.womex.com/

(ultima actualizaci�n: 27 / 10 / 10 )





TEXTO: anosaterra.org

O Womex de Copenhague, a máis importante cita profesional coa música de raíz tradicional, conta con representación galega a través das actuacións de Cristina Pato e Mercedes Peón, así como de sete empresas e dúas asociacións.

A esta feira internacional, que por segundo ano consecutivo ten a súa sede na capital dinamarquesa, asistirán as compañías Articket, Berrogüetto Producións, Fol Music, Lóspregos, Mare, Nordesía e Zouma. Xunto á representación institucional encabezada polo director da Agadic, Xoán Carlos Fernández Fasero, tamén viaxarán a Copenhagen integrantes das dúas principais asociacións do sector: Asociación Galega de Produtoras Fonográficas (Agaphono) e Asociación Galega de Empresas Musicais (AGEM), encargadas de coordinar a presenza desta delegación comercial no Womex 2010. No recinto feiral, a música de Galicia presentarase a través dun espazo propio para Galiciantunes dentro do amplo stand da plataforma Sounds from Spain.

Mercedes Peón e Cristina Pato presentarán os seus respectivos traballos diante de 2.900 axentes acreditados procedentes de 90 países.

Cristina Pato será a encargada de abrir o concerto que Sounds from Spain organizará na noite do 28 do outubro dentro do programa offWomex, que se desenvolverá no DR Koncerthuset. A gaiteira ourensá foi seleccionada pola plataforma española xunto aos grupos Taifas e La Migas para formar parte desta programación paralela, dirixida tanto aos participantes da feira como ao público xeral.

Pola súa banda, Mercedes Peón actuará o día 29 na sede feiral do Forum Copenhagen, dentro da sección oficial de showcases, como primeira representante da música galega elixida expresamente polo xurado internacional do Womex entre máis de 800 propostas de todo o mundo. Coincidindo coa inminente saída ao mercado do seu novo traballo discográfico, SÓS, a compositora e instrumentista coruñesa amosará ante un público exclusivamente profesional a súa persoal performance. Peón interpreta todos os instrumentos e interactúa con cada un deles.

A delegación galega distribuirá en Womex 2010 un cd de audio con libreto, preparado especificamente para as feiras internacionais de música deste ano. Este cd recolle a produción musical galega máis recente dividida por xéneros en pop-rock e jazz (cd1) e roots (cd2), ofrecendo neste último caso temas de Mercedes Peón, Cristina Pato, Berrogüetto, Uxía, Guadi Galego, Fuxan Os Ventos, Xosé Manuel Budiño, Anxo Lorenzo, Sondeseu, Bellón Maceiras Quinteto, A Banda das Crechas, bOnOvO, Narf e Manecas Costa, Batuko Tabanka, Narf, Trasmundi e Renato Spencer.


- Womex- Cristina Pato- Mercedes Peón -


NOVAS RELACIONADAS:



Cristina Pato, Mercedes Peón e sete empresas musicais galegas participan no Womex de Copenhague
http://www.galiciantunes.com/actualidade/nova.php?id=107&lg=gal


















COMENTARIOS:

 

Opina sobre esta nova








Ver m�is novas.

 

 

 

 

 

 

 


 

 





 

Voltar á páxina principal