II Ciclo de Músicas Portuarias todo o mes de Xullo
(nova engadida o día 23/ / 6/ / 10 )
Unha bota amarela de mariñerio anuncia o ciclo de músicas portuarias de Ferrol (deseño O Pastor)
"Os cantos das tabernas também persistem na cama quente das tabernas portuárias, quando cala o último marinheiro e aínda nom chegárom os outros a cantiga resiste no ar como umha psicofonia e os recém chegados sentem mais a inspiraçom que a nota, e a cantiga muda de cheiro e reproduce-se fermentada polo álcool." Quico Cadaval.
Concertos en teatro, contos, circuíto de cantos tabernarios e paseos musicais en barco consolidan esta cita no calendario estival galego, que este ano terá lugar na cidade de Ferrol entre o 2 e o 17 de xullo.
O III Ciclo de Músicas Portuarias estará adicado ao Mediterráneo occidental e contará coa participación de Mara Arnada e Artaica, de Valencia, e Franca Masu, de Sardeña. A conexión galega co mundo estará representada nesta ocasión por Aló Irmao!, dúo formado polo galego Narf e Manecas Costa, de Guinea Bissau, que presentarán o seu disco Aló irmao! no Teatro Jofre.
Ademais destes concertos, o ciclo conta cun apartado de contos mariñeiros con Quico Cadaval e Cándido Pazó; Paseos musicais en barco, con Antón Varerla e Raquel Fontes, Os Xotas e Comisa Bal, e un circuíto de cantos de taberna co fin de recuperar a cultura musical mariñeira e a súa posta en valor e actualización.
COMENTARIOS:
Engade o teu..
Antes unha preguntiña ben sinxela
(tanteando a robots pesados..)
Crea a túa conta en Ghastas Pista?. O rexistro de usuarios está en preparación e fase de probas, pero a intención final é crear unha pequena rede social (ou algo parecido) dentro deste portal, arredor da música galega. Con ideas tiradas de entornos como facebook, lastfm.. e outras que vaian xurdindo ou propoñades a medida que o proxecto vaia crecendo. Polo de agora podedes ir creando a vosa propia conta.
