
A Asociación de Veciños, Agrícola e Cultural, "San Tomé" de Parderrubias (Salceda de Caselas), organiza o vindeiro sábado 3 de outubro o "IVº Serán de San Tomé", no Torreiro da Igrexa.
Así mesmo outras actividades con motivo dos 30 anos da Asociación, desenvolveranse no domingo, día 4 de outubro. Así, durante o sábado 3 e o domingo 4 de outubro, abrirase a 2ª Exposición de produtos e ferramentas do Agro “Exposición da Colleita", na que o vecindario da parroquia exporá produtos de colleita así como efectos diversos relacionados coa produción agrícola, e trebellos necesarios para os traballos no campo. O sitio estará a resgardo de posibles inclemencias metereolóxicas ao prever a organización cubrilo cunha carpa.
Pola súa parte agasallaráselle aos participantes no Serán con produtos da gastronomía tradicional; entre outros co BOLO do POTE; especialidade que na localidade se trata de recuperar, xa que se trata dun complemento alimenticio altamente consistente ao se acompañar de touciño e chourizo; todo elo regado con viño.
|