>> Iniciar Sesión  




+     

 


 

VI Festival As Cores do Outono (A Pobra do Brollón)

(ultima actualización: 13 / 9 / 19 )





Sábado 14 de setembro

Chega a 6ª edición de As Cores do Outono, festival folk de entrada libre e gratuí­ta na área recreativa Samugueiros (A Pobra do Brollón).

O festival celébrase en horario de tarde-noite. Arranca ás 19:30 co espectáculo familiar ‘Concerto singular’, unha comedia musical e xestual da compañía Píscore, gañador do premio do público no Festiclown 2018.

A partir das 21:00 comezan os concertos. Empeza o músico ourensán Magín Blanco, cun espectáculo para público familiar. Fará un repaso a súa discografía coa que está a transformar a música infantil en galego, creando temas que gozan pequenos e maiores por igual. Tras Magín, falará o actor e monologuista Avelino González, o presentador este ano de As Cores do Outono, coñecido polos seus personaxes en televisión, como Miñato en ‘Padre Casares’ (TVG). Segue o emblemático Milladoiro, grupo que non precisa presentación, tras máis de tres décadas de traxectoria na música folk galega. ​Rematan os concertos as Pandeireteiras de Bouba, grupo de mozas da Pontraga (Tordoia, A Coruña) que este ano representou a Galicia no Festival Interceltique de Lorient e que levan dende o 2007 transmitindo o legado dos máis vellos cantadores e bailadores da zona.



Área recreativa de Sanugueiros. A Pobra Do Brollón
Abrir mapa en navegador

- festivais- As Cores do Outono -












COMENTARIOS:

 

Opina sobre esta nova








Ver máis novas.

 

 

 

 

 

 

 


 

 





 

Voltar á páxina principal