Legacy of the Scottish Fiddle
en concerto

   Trala importante etapa vivida con seu sexteto Skyedance, Alasdair Fraser acomete agora unha nova etapa na súa carreira musical, co compositor e pianista Paul Machlis, quen tamén formara parte de Skyedance, explorando novas dimensións da herdanza musical escocesa.

         Este traballo, que presentan agora en concerto Alasdair Fraser e Paul Machlis, é o primeiro volume do que será unha serie adicada a explorar a música de violín escocesa. A obra recolle o legado dos célebres compositores violinistas do pasado de Escocia, que constitúen todo un continuo de melodía e linguaxe transmitido de xeración en xeración durante os últimos 250 anos.

         Acompañados nalgúns dos cortes por baixo e violonchelo, os dous músicos pasan revista a autores como William Marshall, "o principal compositor de strathspeys do momento" según verbas do poeta Robert Burns, ou ó seu alumno Charles Grant, a Peter Milne, coñecido na súa época como "o xoglar de Tarland", Simon Fraser, que aportou á tradición un legado de composicións propias e tradicionais recollidas polo seu pai e o seu avó, e outros moitos.

www.alasdairfraser.com
www.machlis.homestead.com

LUAR NA LUBRE - Espiral
(www.luarnalubre.com)

           Este novo traballo que sairá á venda no vindeiro mes de Abril contará con importantes colaboracións como Donal Lunny, que ademas de ser productor de 5 temas toca os teclados, bouzouki e bodhran-bass, Mairtin O'Connor ao acordeón diatónico, Nollaig Casey ao violín, Alfonso Moran ao contrabaixo, Javier Chacón ás bombardas, Elías García ao bouzouki e Fernando Largo á harpa.

           Os 5 temas producidos por Donal Lunny son os titulados "ESPIRAL" (suite céltica) "EL DERECHO DE VIVIR EN PAZ" (tema do cantautor chileno Victor Jara) "COSTA DA MORTE" (4 temas tradicionais procedentes desta comarca galega) "ARA SOLIS" (Tema composto por X. Cerqueiro de caracter intimista) e "GOLPE" (mosaico de melodias que trasportan a distintos ambentes). Todos estes temas foron mesturados nos estudos "PULSE" de Dublin por D. Lunny e Tim Martin.