Xa logo chega!!! Xa está aí unha nova edición de Ao Son do Masma, un festival que tenta achegar a música tradicional galega a tod@s @s amantes da música do país na Mariña e demáis xente que queira achegarse.
Pero ademáis de música o festival tamén pon en valor un dos nosos mellores e maís fermosos reclamos: o río Masma. Por iso, algunha das actividades como o ROTEIRO ou unha BAIXADA POLO RÍO, novidade este ano, xirarán entorno a este enclave.
Actividades durante o día: -Feira de Artesanía -Productos da Terra -Instrumentos Tradicionais -Obradoiros -Xogos Populares e Tradicionais -Constante animación musical da que se encargarán NOELIA FERSÁN, AIRIÑOS DA FREBA e CÉ ORQUESTA PANTASMA.
Á NOITE, a iso das 23h chegará o prato forte do Festival cos CONCERTOS:
-LEÑA VERDE -CARAPAUS -ZURRUMALLA
Recorda que haberá zona de acampada se así o desexas.
Sábado 19, sesión bermut no furancho Rianxeira en Bembrive, e actuación pola noite no bar A Curva en Limens. Domingo 20, sesión bermut no Arruaz (A Guarda), e pola tarde no festival benéfico, no auditorio de Goián
Unha tradicción Castrexa con moitos anos de antiguidade e un grande interese cultural por ser un dos poucos sitios de Galicia onde se conserva, o folión "de véspera" como tal, para anunciar que van a escomezalas festas parroquiais, con un ritual de lume e música que durará ata ben entrada a madrugada!!. Durante os meses de vran haberá que recoller agucios, que son unhas plantiñas que nacen na primaveira pero non se poderán coller ata que estén ben secos, e eso será aló polo mes de Agosto. Logo de varios días á captura destes ... habera que facelas fachas que serán as encargadas de amenizala festa, faránse o máis grandes posible posto que elas decidirán cando remata a troula pois .... namentres haxa lume haberá festa!!!! (polo menos cando non había ainda luz electrica....). Tamén se farán fachas máis pequenas que serán as encargadas de iluminalo camiño na procesión á "cima" do Castro da Besta, dende o cal se avisa a toda-las parroquias cercanas de que imos estar de festa pois seica se ve dende, polo menos, 7 parroquias ó redor. Segundo contan os nosos antigos a procesión das fachas facíase, nalgunha época, como ofrenda ós deuses para agracederlles as boas colleitas. Quedades todos convidados a visitar este folión, que ben seguro, vos fara vivir momentos inesquencibles e máxicos ...
Zurrumalla presenta o seu primeiro traballo discográfico baixo o titulo "O que había, e...O que hai"
A formación de música folk preséntase deste xeito despois de once anos de percorrer Galicia polas festas, seráns, e máis eventos lúdicos, para facerse un oco no panorama da música galega.
Das "festas que montan" sábeno moi ben o xa nutrido clube de fans.
O vindeiro martes 23 de agosto a partires das 21:30 h, dentro da programación das Festas do Verán do Concello de Pontevedra, celebraráse a Foliada do Demo, na Praza da Pedreira, Pontevedra.
A intención é rememorar as verbenas populares que se facían alá pola década de 1950-1960, cos grupos Atalúns, Zurrumalla e Os Chichisos. Se vos animades a participar recordade que aquela época tamén tiña unha vestimenta propia e variada, e se vides ataviados daquela, sería perfecto. Non deixedes pasar a oportunidade de rememorar os anos dourados da xuventude dos nosos vellos e vinde brincar con nos.
Presentación oficial do Coro Tradicional CANTARES DO BRIÓN
(texto engadido o día 20/ / 1/ / 11 )
O sábado, 22 de xaneiro, a partir das 8,00 do serán, terá lugar no Centro Cultural de Vincios, no concello de Gondomar, o acto de presentación do Coro Tradicional CANTARES DO BRIÓN, con apadriñamento a cargo do histórico Coro CÁNTIGAS DA TERRA. Dous anos despois da súa constitución, e despois de actuar en distintos eventos, como o Festival Folc Sons da Lameira, en Matamá, ou na Homenaxe ao Gaiteiro, recentemente celebrada no teatro do Centro Cultural Novacaixagalicia, en Vigo, CANTARES DO BRIÓN, unha formación de 60 membros, preséntase oficialmente no lugar onde naceu e onde ten a súa sede social: na parroquia miñorana de Vincios, en Gondomar, no seu Centro Cultural. Cántigas da Terra, con case cen anos de existencia, colleitou importantes éxitos, entre eles na súa intervención no Festival de Lorient no pasado ano. Nesta actividade, á que están invitadas as máis altas autoridades da cultura, académicas e políticas, como o público en xeral, con entrada libre, os coros citados: Cántigas da Terra e Cantares do Brión interpretarán pezas do repertorio popular e tradicional de Galicia. Dentro da actuación de Cantares do Brión, vai ser gravada en directo unha peza que o grupo Zurrumalla incluirá nun disco de próxima aparición.
Os vindeiros días 12 e 13 de setembro 09 vai ter lugar no torreiro da festa de Matamá (Vigo) a I FESTA DO RURAL. Este evento está organizado conxuntamente polo Colectivo Cultural Alternativo Malaherba e a Asociación Veciñal de Matamá. A programación será a seguinte:
SÁBADO 12 11H. Apertura da III MOSTRA ETNOGRÁFICA de Matamá. E postos de agricultura ecolóxica. 12H. Música tradicional e degustación gastronómica. 17H. OLIMPIADAS do campo e XOGOS TRADICIONAIS para nen@s e maiores. Anótate e participa! mais información en http://www.myspace.com/452018890. 20H. Programa INTERBARRIOS actuacións de grupos das AAVV de Valladares, Salgueira e Matamá. 22H. ZURRUMALLA música tradicional.
DOMINGO 13 11H. Demostracións de OFICIOS TRADICIONAIS. 12H. HOMENAXE OS MAIORES da parroquia. 13H. SETE CUNCAS música tradicional. 14H. Xantar popular (previa reserva tlf:678973583) 17H. Grupo TARXA música folc. 20H. CLAUSURA. (ENTRADA GRATUITA)
