Resultados para:

xornada
XML



   >> Iniciar Sesión  


Buscar información
sobre outro grupo / etiqueta:

[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20]

Novas que incluen 'xornada':


XXXVII Festa dos Maios en Vigo
http://consorciocascovellovigo.org/blog/casco-vello-blog/os-maios-enchen-de-actividades-festivas-a-praza-do-berbes-o-vindeiro-domingo/
(texto engadido o día 10/ / 5/ / 19 )


Domingo 12 de maio

Os actos festivos comezarán na citada Praza do Berbés ás dez e media da mañá con diversos talleres infantís; ás doce haberá unha sesión de contacontos, tamén dirixida aos máis pequenos, que irá seguida, a partir da una da tarde, da actuación dos grupos “Os Ferraias da Etea” e “ Pandereteiras de Frián”. Tras a comida popular, que comezará sobre as 14.30 horas, a intervención da banda de gaitas do Casco Vello, ás cinco da tarde, servirá de introdución ao acontecemento principal da xornada: a representación dramatizada dos Maios, que terá lugar a partir das seis da tarde. Como colofón a todos estes actos o grupo “Ou Mellor de cada casa” amenizará os últimos momentos desta festiva xornada no Berbés.

...comentarios..
:: Enlace a esta nova ::



Festa Sementeira e Música en Corzáns (Salvaterra de Miño)

(texto engadido o día 10/ / 5/ / 19 )


A Asociación Quinta do Piñeiro é organizadora da ‘ Festa Sementeira e Música’ que alcanza este ano a 13ª edición e que nesta ocasión ha de celebrarse os días 11 e 12 de maio na área recreativa do Muiño dá Ponche, na parroquia de Corzáns, no municipio pontevedrés de Salvaterra de Miño.

Dous días nos que a artesanía, a diversión e a tradición estarán presentes.

A festa comezará o sábado pola mañá, cunha concentración de tractores clásicos que a continuación realizarán un roteiro polos principais enclaves turísticos do municipio.

Pola tarde-noite, a música de grupos como Xosé Lois Romero e Aliboria, Festicultores Troupé e Sons da Raia amenizarán esta primeira xornada da Sementeira e Música 2019.


O domingo os traballos do campo e unha labrada con bois darán paso á lectura do pregón a cargo do coñecido deportista Fernando Romay.

Para recuperar forzas, os asistentes poderán gozar dunha comida campestre onde a ‘Carne ao Caldeiro’, a empanada, o churrasco ou o polbo farán as delicias dos estómagos máis esixentes.

Pola tarde, as archiconocidas ‘ Olimpíadas agrícolas’ poñerán a nota de humor á celebración, cos seus tradicionais xogos do “cambio de marcos” ou lanzamento de alpacas. Sen esquecerse dos máis pequenos da casa, para os que tamén haberá actividades como talleres, xogos tradicionais ou obras de teatro a cargo de Barafunda Animación.

Ademais contarase coa actuación de Os Melidaos, que xunto a grupos como o quinteto Ronco&Fol e As Lucernas porán a nota musical, a un evento que cada ano alcanza maiores cotas de asistencia.

Dous días onde se volverá atrás no tempo, situándonos nas primeiras décadas do século XX. Para iso, desde a organización anímase a vir vestidos con traxes de época achegando cor e vistosidade; tamén se poderá participar na elección da mellor caracterización.

...comentarios..
:: Enlace a esta nova ::



I Xornadas de Acordeón en Lugo
https://www.facebook.com/photo.php?fbid=1109422479266012&set=a.113540698854200&type=3&theater
(texto engadido o día 3/ / 5/ / 19 )


O vindeiro venres 3 de maio de 2019 terán lugar en Lugo as I Xornadas de Acordeón organizadas pola AGG. Estas xornadas, contarán cun obradoiro impartido por Stéphanie Simon, especialista en mecánica, reparación e afinación de acordeóns, considerada unha das figuras máis respetadas dentro do mundo do acordeón.

No curso, Stéphanie amosará os aspectos básicos sobre o funcionamiento do acordeón, a mecánica deste, como abordar pequenos problemas técnicos, o traballo coa cera e a afinación das palletas.

Ao remate do obradoiro chegará a quenda do gran Xurxo Souto, que nos achegará Historias do acordeón falándonos de mestres acordeonistas como Pazos de Merexo ou Sindo de Olelas.

Sen dúbida unha interesantísima tarde para tod@s @s interesados no mundo do acordeón, e un encontro de interese para @s que queiran saber máis sobre este instrumento e sobre a nosa cultura.

...comentarios..
:: Enlace a esta nova ::



XV Concurso de Baile Tradicional Tequexetéldere (A Estrada)
https://www.facebook.com/tequexeteldere/photos/a.404417776419973/970138276514584/?type=3&theater
(texto engadido o día 29/ / 3/ / 19 )


Domingo 31 de marzo

Este domingo teremos unha nova edición do certame de baile tradicional, que este ano faremos nunha única xornada de mañá.
Esperámosvos no Pazo de Exposicións e Congresos da Estrada a partir das 11 da mañá, para disfrutar dunha agradable xornada de música e baile tradicional.

A todas as agrupacións participantes, moita sorte

...comentarios..
:: Enlace a esta nova ::



Mercado de Primavera do Valadouro

(texto engadido o día 22/ / 3/ / 19 )


Venres 22 de marzo, dende as 21h

Pregón do actor e dramaturgo valadourense Manuel Lourenzo.
Concerto de Miro Casabella coa banda de gaitas Dambara.
Xornada o baile en zocas da asociación cultural Amado Lar
Inauguración da exposición ‘Pintores do noso val‘
Concerto a partires das 23h de Cuarta Xusta e Zënzar.


Sábado 23 de marzo dende as 10h

Segunda edición da xuntanza de automóbiles Clásicos do Val do Ouro.
Ás 11.30 desfile de zocos e vestimenta. Escolma de Meus e Dambara amenizarán a sesión vermú.
Pola tarde haberá actividades para nenos e Festicultores Troupe e La Charanga Mekánica porán ritmo á espera dos concertos, desde a medianoite, de Susana Seivane e Ruxe Ruxe.


OUTRAS ACTIVIDADES

Ademais, haberá outras actividades, como demostracións de oficios, escaparates tradicionais ou ruta de tapeo.

...comentarios..
:: Enlace a esta nova ::



A Música tradicional Re-Vista (Xornadas do CVC de Valladares. Vigo)

(texto engadido o día 15/ / 3/ / 19 )


10, 17, 19 e 24 de marzo, ás 19h no Auditorio do CVC de Valladares

Día 10
TANXEDORAS
OS TERRIBLES DE DONAS

Día 17
Anxo Pintos e Begoña Riobó
CANS DE PALLEIRO

Día 19
GONZALO CARIDE Banda
COMANDO CURUXÁS

Día 24
Melró
TANTO NOS TEN

...comentarios..
:: Enlace a esta nova ::



IV XORNADAS DE PERCUSIÓN TRADICIONAL en Pontevedra
https://www.facebook.com/photo.php?fbid=10156055246823015&set=a.10150301471713015&type=3&theater&ifg=1
(texto engadido o día 15/ / 3/ / 19 )



Nesta edición, como novidade, teremos un obradoiro de iniciación (14 de abril) e outro de perfeccionamento (17 de marzo).

OBRADOIRO DE PERFECCIONAMENTO
Curso de 4 horas de duración impartido polo percusionista Andrés Vilán o 17 de marzo en Pontevedra (de 16 a 20 horas).
Dirixido axs asistentes a algunha das tres edicións anteriores ou xente con coñecementos previos.
Material necesario: tambor e baquetas.
Prezo: 25 €.
Prazas limitadas (segundo orde de inscrición).
Inscrición e información:
Teléfono: 639908788.
e-mail: gaiteirosdasriasbaixas@gmail.com.
Organiza: A.C. Gaiteiros das Rías Baixas.
Colabora: Casa da Cultura de Lérez.

...comentarios..
:: Enlace a esta nova ::



Xornadas de Cultura Galega e Música Tradicional na Cosechera (Lugo)

(texto engadido o día 9/ / 3/ / 19 )


Sábado 9 de marzo ás 18h

...comentarios..
:: Enlace a esta nova ::



II Xornadas de Música Tradicional Os Sobraos de Bergondo

(texto engadido o día 8/ / 2/ / 19 )


Domingo 10 de febreiro de 16h a 20h no Local Social de Carnoedo
Obradoiro de fabricación dun pandeiro cadrado. Imparte Xosé Maceda.

...comentarios..
:: Enlace a esta nova ::



Xornada de canto, música e baile tradiciónal na Pobra do Caramiñal
https://www.facebook.com/permalink.php?story_fbid=531068000720892&id=100014530902987
(texto engadido o día 10/ / 1/ / 19 )


Domingo, 13 de xaneiro, na Praza Maior de Pobra do Caramiñal


DOMINGO 13 DE XANEIRO... Vive, Aprende e Goza do Noso 2019!!!
Un ano mais, e xa imos ca 4ª edición, organizamos, xunto ao Concello da Pobra do Caraminal, esta xornada adicada ao canto, ao baile e a música tradicional.

16 agupacións da contorna participarán no VERMÚ GHAITEIRO, que comezará ás 12:30h: Asociación Cultural Arrancadeira, A Dorniña de Abanqueiro, Asocación Cultural Os Liantes, Asociación Cultural e Deportiva Xiada, Asociación Cultural Pedra da Aroña, Aula de Gaita e Percusión Tradicional A Gandaina, Escola de baile e pandeireta Caramiñas das Amas de Casa da Pobra, Grupo de Baile e Música Tradicional Tahúme, Trécola, Lumieira, Nunca é Tarde, Aínda é Sedo, As Ferreniñas, O Son das Ferreñas, Pandereteiras da Asociación Cultural Bailadela e Tanxedoira.
Non quededes na casa... vinde bailar con todos nos!!!!

E xa pola tarde teremos obradorios de baile con Luis Prego Fernández e Montse Rivera e para finalizar a xornada concerto de OS DO FONDO DA BARRA. 👏👏👏

Este ano haberá ademais un "Obradoiro de enfiado de colares ao xeito tradicional" impartido por Ana Nogareda Mato que xa está completo, e un "Obradoiro participativo de Olería e Cerámica" por Alén Das Olas, Laura Villanueva Ceramista, obradoiro de balde e para todos os públicos.

Lumeeeeee!!!!

...comentarios..
:: Enlace a esta nova ::



Festa dos Reis en A Mezquita
https://www.facebook.com/events/214079962838334/
(texto engadido o día 1/ / 1/ / 19 )


A Festa dos Reis é unha festividade tradicional con séculos de historia que se celebra nos primeiros días de xaneiro na localidade de A Mezquita.

O calendario festivo constará de catro xornadas:

🎵 2 de Xaneiro - Cantar os reis: o primeiro día anunciaremos a festa cantando coplas tradicionais diante das vivendas das aldeas.
💰 3 de Xaneiro - O día de pedir: neste segundo día, os zamarreiros chamarán ás portas das casas para pedir o aguinaldo. A veciñanza adoita axudar a festa con carne de porco, froita, licores ou mesmo cartos.
🥘 4 de Xaneiro - Os invitados: convídase a comer ós persoeiros da aldea (tradicionalmente o alcalde, o médico, o secretario e mailo cura) así como ós convidados dos participantes na festa e ós que deron un bo aguinaldo.
👑 5 de Xaneiro - A parranda: este día faremos unha procesión onde figuran o rei e o vicerrei, disfrazados con barba, coroa e capa. Pola noite escóllense os reis para os dous anos seguintes.

Todo esto, amenizado con boa ración de música tradicional e comida a fartar.

...comentarios..
:: Enlace a esta nova ::



A AGG organiza unhas novas xornadas de baile tradicional en Teo
http://www.gaiteirosgalegos.gal/index.php?option=com_content&view=article&id=4050%3Aa-agg-organiza-unhas-novas-xornadas-de-baile-tradicional-en-teo&catid=25%3Aagg&Itemid=18&fbclid=IwAR0vs7a5TpblX2Xoq2YYXZrLFIAQC7orWg-n8c6jY7wMJVJkbQ5xl3XEsoY
(texto engadido o día 14/ / 12/ / 18 )


A AGG organiza o vindeiro domingo 16 de Decembro no Concello de Teo, ao abeiro das axudas para actividades culturais da Deputación de A Coruña, unhas xornadas de BaileTradicional que terán de protagonistas ó baile solto en Axeitos, o Fandango e o xénero no baile.

Os obradoiros estarán da man de expertos no mundo do baile tradicional como Fran Sieira, Luis Prego, Carme Campo e Chus Caramés.

PROGRAMA:

Domingo 16 de decembro

09.45 – Apertura e entrega de documentación
10.00 – O baile solto en Axeitos. Fran Sieira
11.30 – Descanso
12.00 – Puntos vellos para un novo fandango. Luis Prego
13.30 – Xantar
16.00 – Bailar a canda os tempos: estereotipos de xénero no baile. Carme Campo e Chus Caramés

LUGAR: Casa Común de Oza (Concello de Teo)

INSCRICIÓNS: Deberán facerse nos teléfonos 986 84 70 74 ou 982 22 99 66 ou enviando un correo electrónico a secretaria@gaiteirosgalegos.gal indicando nome, apelidos, un teléfono de contacto e mail.

Os obradoiros son de balde e as prazas limitadas, tendo preferencia @s soci@s da AGG, que disporán ata o mércores 12 para inscribirse, e partir desa data as prazas dispoñibles se cubrirán por orde de inscrición.

Animádevos a participar!!!

...comentarios..
:: Enlace a esta nova ::



Obradoiro de percusión en Compostela

(texto engadido o día 14/ / 12/ / 18 )


Domingo, 16 de decembro no local da asociación A Xuntanza

Inscripcións ata 14 de decembro no 658030219.
Curso pensado co obxetivo de ampliar as sonoridades, e a riqueza rí­tmica e técnica.
Coñeceremos técnicas de diferentes culturas e paises, coas súas posibilidades de aplicación na música tradicional galega, no rock, funk, ou blues.
Esta dirixido a pandereteir@s, percusionistas e músicos en xeral con ganas de aprender ou experimentar.
Horario:
11-14´00
16´00-20´00
Prezos:
Percusións domésticas 20€, pandeir@s 25€. Xornada completa 35€. Desconto do 25% para parad@s, e idades dos 11 a 18 anos.

...comentarios..
:: Enlace a esta nova ::



Xornadas da Gaita no Mar (Rianxo)
http://www.gaiteirosgalegos.gal/index.php?option=com_content&view=article&id=4048
(texto engadido o día 30/ / 11/ / 18 )


Este domingo estaremos en Rianxo nunha nova edición das Xornadas a Gaita no Mar.

Con estas xornadas organizadas pola Asociación de Gaiteir@s Galeg@s en colaboración con Cultura da Deputación de A Coruña e o Concello de Rianxo, queremos recoñecer a gran contribución que fixeron os mariñeiros gaiteiros no espallamento da nosa música tradicional ao son do noso instrumento mais representativo, levándoo polo mundo adiante a través do mar.

Queremos aproveitar a ocasión para render unha mais que merecida homenaxe aos Gaiteiros do Mar. Ademais, durante as xornadas poderemos ver o documental "Dos Gaiteiros do Mar" codirixido por Xurxo Souto xunto a Marín Rodas, unha fita que recupera a memoria dos mariñeiros-gaiteiros que se embarcaron nos anos sesenta e setenta con destino ao Gran Sol, Terranova, Namibia,... queremos ademais render homenaxe aos "Gaiteiros do Mar". E como peche, que mellor que unha tocata no mar!!!

Programa

11.30 - Proxección do documental “Dos gaiteiros do mar”, codirixido por Xurxo Souto xunto a Martín Rodas.
12.15 - Homenaxe aos Gaiteiros do Mar coa mención especial a Lito de Pinténs e coa colaboración de Xurxo Souto (codirector do documental “Dos gaiteiros do mar”).
13.00 - Saída a tocar no mar con Fogo Fatuo (se o tempo acompaña, senón recorreremos ao plan B).

Lugar: Edicifio Liceo (Rúa Rinlo).

Agardámoste este domingo en Rianxo, nesta nova edición da Gaita no Mar!!

Máis información: secretaria@gaiteirosgalegos.gal 986 847 074 - 982 229 96


...comentarios..
:: Enlace a esta nova ::



14 Ciclo de Coros Galegos históricos e novos en A Coruña
https://www.facebook.com/cantigasdaterra/photos/gm.311394299688212/2124800080917419/?type=3&theater
(texto engadido o día 30/ / 11/ / 18 )


Domingo 2 de decembro ás 19h. podedes asistir á terceira e última xornada do 14' Ciclo de Coros Galegos, Históricos e Novos. Nesta terceira xornada do Ciclo, participaran:
- CORAL DE RUADA. Coro irmán e Histórico, neste ano está de centenario. Fundado o 5 de outubro de 1918. Moitos parabéns polos 100 !
- CORAL POLIFÓNICA EL ECO. 137 anos de historia musical coruñesa.
Se non chove, faremos pasarrúas pola rúa Real ás 18.30h.
-Pechará o acto o coro anfitrión, CÁNTIGAS DA TERRA, que nesta ocasión contará coa intervención especial do grupo de Zanfonas da Entidade, coordinado por Miro Casabella.
Se non chove, non vos perdades o pasarrúas pola rúa Real ás18.30h.!


...comentarios..
:: Enlace a esta nova ::



Obradoiro de percusións tradicionais en Carballo
https://www.facebook.com/events/206998476865733/
(texto engadido o día 22/ / 11/ / 18 )


Domingo, 23 de decembro

Aquí vos presentamos o primeiro obradoiro de percusión tradicional no Casino 1889, será este próximo domingo 18 de novembro, curso impartido por Carlos Martínez.
Inscripcións ata 15 de novembro no telf: 658030219.
Prezo: 20€(perc. doméstica)//25€(Pandeiros)//35€ xornada completa.
Desconto do 20% para soci@s e idades dos 11 a 18 anos.
Curso pensado co obxetivo de ampliar as sonoridades, e a
riqueza rítmica e técnica.
O método é coñecer outras técnicas de diferentes culturas e países, coas súas posibilidades de aplicación na música tradicional galega, no rock, funk, ou blues.
Esta dirixido a pandereteir@s, percusionistas e músicos en xeral con ganas de aprender ou experimentar.
Percusión doméstica, de 11:00 a 14:00 h: Roteiros polas raíces do folclore, técnicas e ritmos tradicionais xunto co seu contexto cultural e instrumental, adaptación de recursos percusivos ás percusións domésticas. Dunha forma entretida e dinámica coñeceremos diferentes maneiras de tocar instrumentos domésticos.
Pandeiros, técnicas e ritmos, de 16:00 a 20:00 h: Ritmos, sonoridades e contextos culturais de diferentes pandeiros do mundo, introducción das técnicas de percusión tradicionais e aplicacións destes recursos nos pandeiros galegos.

Non o perdades!

...comentarios..
:: Enlace a esta nova ::



Xornadas de percusión tradicional en Compostela
http://www.gaiteirosgalegos.gal/index.php?option=com_content&id=4044
(texto engadido o día 18/ / 11/ / 18 )


A AGG organiza o vindeiro domingo 25 de Novembro en Santiago de Compostela, ao abeiro das axudas para actividades culturais da Deputación de A Coruña, unhas xornadas de Percusión Tradicional que terán de protagonistas ao tambor e ao bombo na quenda da mañá, e a pandeira na quenda da tarde.

Os obradoiros estarán da man de expertos no mundo da percusión como Chema Cebeiro, Miguel López "Chino" e Blanca Villares.

PROGRAMA:

Domingo 25 de novembro

10.00 - 11.30 – Obradoiro de bombo con pratos – Chema Cebeiro.
11.30 - Descanso
12.00 - 13.30 - Obradoiro de tamboril - Miguel López "Chino"

Xantar

16.00 - 19.00 - Obradoiro de pandeira – Branca Villares

LUGAR: Local do OCT Ultreia (Rúa Pexigo de arriba nº28)

INSCRICIÓNS: Deberán facerse nos teléfonos 986 84 70 74 ou 982 22 99 66 ou enviando un correo electrónico a secretaria@gaiteirosgalegos.gal indicando nome, apelidos, un teléfono de contacto e mail.

Os obradoiros son de balde e as prazas limitadas, tendo preferencia @s soci@s da AGG, que disporán ata o mércores 21 para inscribirse, e partir desa data as prazas dispoñibles se cubrirán por orde de inscrición.

Animádevos a participar!!!

...comentarios..
:: Enlace a esta nova ::



V Xornadas sobre Baile Tradicional (Lugo)
http://gaiteirosgalegos.gal/index.php?option=com_content&view=article&id=4043:2018-11-09-11-27-52&catid=27:varios&Itemid=18
(texto engadido o día 16/ / 11/ / 18 )


A Asociación de Gaiteir@s Galeg@s abre o prazo de inscrición para as V Xornadas sobre Baile Tradicional, que terán lugar en Lugo o vindeiro 18 de novembro en horario de 11.30 horas a 13.30 horas e de 16.00 horas a 20.00 horas.

Estas xornadas, que están pensadas tanto para os profesionais do mundo da danza, como para todos aqueles interesados no baile galego que queiran completar os seus coñecementos e participar de xeito activo na mellora e dinamización da nosa tradición terán lugar na Tradescola - Salón de Actos do Centro Lug 2 (Rúa Pintor Corredoira nº 4 – LUGO).

Nestas xornadas contaremos con grande profesionais do baile tradicional como son Pedro Brañas, José Codesido e Xabier Iglesias, que serán os encargados de amosarnos e ensinarnos algúns dos bailes mais característicos da tradición galega.

Estas xornadas que están patrocinadas pola Secretaría Xeral de Cultura, son xa unha cita anual imprescindible para tod@s @s amantes do baile tradicional.

Lugar: Tradescola - Salón de Actos do Centro Lug 2 (Rúa Pintor Corredoira nº 4 – LUGO)

Data: 18 de novembro de 2018

Programa das V Xornadas de Baile Tradicional

11.15h - Recepción participantes e apertura da Xornada

11.30h - Relatorio- Obradoiro

Pedro Brañas - "Maneo na comarca de Bergantiños"

13.30h - Xantar

16.00h - Relatorio - Obradoiro

José Codesido - “ O Bailar en Arcos- Mazaricos"

18.00h - Descanso

18.15h - Relatorio - Obradoiro

Xabier Iglesias - "O baile solto ao xeito de Vilavexe - As Nogais"

20.15h - Peche das xornadas

A asistencia a estas xornadas será de balde. As prazas son limitadas por orde inscrición. Podedes realizar as inscricións a través do correo electrónico secretaria@gaiteirosgalegos.gal ou a través de teléfono nos números 986 847 074 – 982 229 966 indicando nome e apelidos, teléfono de contacto e mail.

Non esperedes que as prazas voan!!!

...comentarios..
:: Enlace a esta nova ::



II XORNADAS DE PORTAS ABERTAS en Peis d´hos (Cangas)
https://www.facebook.com/peisdhos/photos/a.415565358644437/951984871669147/?type=3&theater
(texto engadido o día 16/ / 11/ / 18 )


Venres 16 e sábado 17 de novembro
Esta fin de semana vén cheí­ña de obradoiros para todas as idades e niveis, e DE BALDE!!!
Sen necesidade de inscrición nin reserva, tan só pasade polo local e metédevos na aula que prefirades!
Aquí­ tendes toda a info!

...comentarios..
:: Enlace a esta nova ::



Obradoiro de percusións tradicionais en Carballo

(texto engadido o día 16/ / 11/ / 18 )


Aquí vos presentamos o primeiro obradoiro de percusión tradicional no Casino 1889, será este próximo domingo 18 de novembro, curso impartido por Carlos Martínez.
Inscripcións ata 15 de novembro no telf: 658030219.
Prezo: 20€(perc. doméstica)//25€(Pandeiros)//35€ xornada completa.
Desconto do 20% para soci@s e idades dos 11 a 18 anos.
Curso pensado co obxetivo de ampliar as sonoridades, e a
riqueza rítmica e técnica.
O método é coñecer outras técnicas de diferentes culturas e países, coas súas posibilidades de aplicación na música tradicional galega, no rock, funk, ou blues.
Esta dirixido a pandereteir@s, percusionistas e músicos en xeral con ganas de aprender ou experimentar.
Percusión doméstica, de 11:00 a 14:00 h: Roteiros polas raíces do folclore, técnicas e ritmos tradicionais xunto co seu contexto cultural e instrumental, adaptación de recursos percusivos ás percusións domésticas. Dunha forma entretida e dinámica coñeceremos diferentes maneiras de tocar instrumentos domésticos.
Pandeiros, técnicas e ritmos, de 16:00 a 20:00 h: Ritmos, sonoridades e contextos culturais de diferentes pandeiros do mundo, introducción das técnicas de percusión tradicionais e aplicacións destes recursos nos pandeiros galegos.

Non o perdades!

...comentarios..
:: Enlace a esta nova ::



[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20]


En 'Novas Relacionadas'



*

* A importancia de festivais como O Son do Pazo na cultura galega

* Cita coa música de outono, na Rebusca de Manzaneda

* Pazos de Merexo estrea o "Galiza" de Kepa Junkera

* Festival “De noso”, a proposta galega para o San Froilán


(mostráronse só as últimas recibidas)
buscar mais información
sobre xornada en
Ghastas Pista?

Voltar á páxina anterior

Ghastas Pista?

Falándoche de música galega dende o Século XX
info@ghastaspista.com

[ Discos ]-[ Historia..]-[ Novas ]-[ Concertos ]-[ Radio ]-[ De copas ]
[ Foro ]-[ Actualizacións ]-[ Videos ]-[ Outras ]