Resultados para:

pandeireta
XML



   >> Iniciar Sesión  


Buscar información
sobre outro grupo / etiqueta:

[1] [2] [3] [4] [5] [6] [7] [8] [9] [10] [11] [12]

Novas que incluen 'pandeireta':


Os cursos do Pichel..em breve! (Compostela)
http://gentalha.org/2014/08/os-cursos-do-pichel-em-breve/
(texto engadido o día 3/ / 9/ / 14 )


Em setembro começaremos a dar informaçom detalhada de todos os cursos que o centro social vai acolher a partir deste outono!

Começaram a princípios de outubro com:

Cursos em relaçom com a música: guitarra, baixo, música para peto, pandeireta e canto, gaita, tambor, pandeireta acompanhamento, tres níveis de baile tradicional, dança tribal, coro

Cursos de línguas: português, catalam, francês e inglês

Também haverá taichi, pilates, fotografia e teatro

Na manhá também aprenderemos gaita, tambor, baile, pandeireta,pilates, taichi ou francês.

E em monográficos repartidos polo ano, daremos-lhe à linguagem de signos, ao linux, ao futbol gaélico, á astronomia…

Prestam-vos????!!!!!

...comentarios..
:: Enlace a esta nova ::



IV Festa Popular de Flores Mareliñas (Chapela - Vigo)

(texto engadido o día 3/ / 9/ / 14 )


Sábado 13 de setembro na Alameda de Chapela (Vigo)

Festival folclórico coas actuacións dos grupos:

LEMBRANZAS DA RIA DE CANGAS
ESCOLA DE BAILE E PANDEIRETA DE FROLES MARELIÑAS
PANDERETEIRAS ONDIÑAS DO MENDO (EIRADO SALVATERRA)
PANDERETEIRAS DE FROLES MARELIÑAS
GRUPO DE COROS Y DANZAS NUESTRA SEÑORA DEL PRADO DE CIUDAD REAL
FROLES MARELIÑAS DE CHAPELA

Fin de festa con LUDOVAINA.

...comentarios..
:: Enlace a esta nova ::



IV Curso de Música e Baile Galego Concello de Salceda.

(texto engadido o día 31/ / 8/ / 14 )


27 e 28 de setembro de 2014

Modalidade de gaita impartida por Pablo Carpintero, baile por Pedro Brañas e Canto e Pandeireta por María Vidal. A matrícula está aberta a través do correo cultura@salcedadecaselas.es. Lembrade que as prazas son limitadas

...comentarios..
:: Enlace a esta nova ::



Peitieiros acolle presentación do proxecto “Elelelos” da Asociación Retrouso de Cela dentro da Semana Cultura
http://infogauda.blogspot.com/2014/08/peitieiros-gondomar_20.html
(texto engadido o día 21/ / 8/ / 14 )


 Este xoves 21 de agosto, ás 20:30h, o Centro Cultural de Peitieiros acolle a presentación do proxecto “Elelelos” da Asociación Retrouso de Cela dentro da Semana Cultural, que precede o XXI Festival Folclórico Internacional. A presentación terá lugar no Salón do Centro Cultural e a entrada é libre.


 O proxecto “Elelelos”, músicas de tradición oral no Concello de Bueu, será presentado por Guillerme Ignacio produtor artístico do proxecto, profesor de perfeccionamento da aula de pandeireta de Retrouso e autor da meirande parte das recollas do proxecto. Guillerme Ignacio é ademais fundador do grupo folk tradicional Quempallou, no que se ocupa de gaitas, frautas e voz.


 O proxecto “Elelelos” é unha recolleita de músicas de tradición oral do Concello de Bueu, que agora ve a luz en forma de dous discos. O primeiro é unha escolma do traballo de campo realizado por integrantes da Asociación Retrouso de Cela, un traballo de campo realizado nos últimos 15 anos entre a xente maior de Bueu. Son cancións que falan do ciclo da vida (arrolos, xogos) e do ano (reis, panxoliñas, cantares do entroido). O proxecto inclúe 47 cancións.


 O segundo disco consta de 14 pezas tradicionais reinterpretadas por músicos da agrupación de Cela, como homenaxe que fai Retrouso ás persoas que os informaron e que conservaron estas músicas. Este segundo CD conta coa participación de María do Caño, cantadeira da Illa de Ons que interpreta un antigo romance acompañada da zanfona de Guillerme Ignacio.


 O proxecto Elelelos desde o seu nacemento o pasado xuño de 2013 xa foi presentado en diversos lugares do noso país. Este xoves será presentado na Semana Cultural de Peitieiros e as persoas que se acheguen poderán colaborar co proxecto adquirindo os discos, pois este proxecto tamén explorou diversas vías de financiamento para poder ser publicado.

...comentarios..
:: Enlace a esta nova ::



Presentación en Bueu do Proxecto Elelelos

(texto engadido o día 27/ / 6/ / 14 )


Este venres, 27 de xuño estréase oficialmente o proxecto Elelelos: Músicas de tradición oral no Concello de Bueu, en concerto. Será ás 20.00h, de balde, no Centro Social do Mar, no centro da vila morracense.
O espectáculo estará centrado na interpretación das pezas do disco por parte dos músicos da Asociación Cultural Retrouso de Cela, responsables da iniciativa, aínda que, por ser a presentación oficial contará con varias sorpresas especiais.
A primeira será que haberá un recoñecemento público a todas e todos os informantes das que se recolleron as voces e pezas para compoñer o proxecto, facendo subir ao escenario aos que estean no evento para darlles de xeito simbólico o agasallo dun disco a cada un, como escusa para recibiren o aplauso e recoñecemento do público asistente.
Tamén, no transcurso do concerto, contaráse coa participación activa de tres dos infromantes: Paco Piñeiro e Seso Pesquella, que tocarán a filharmónica; e María do Caño, veciña da Illa de Ons, que interpretará unha peza acompañada por Guillerme Ignacio coa zanfona e outra máis coa súa pandeireta.
Agárdase unha grana fluencia de público, polo que se convida aos interesados a ir con certa antelación para poderen entrar. No caso de que se supere o aforo, a seguinte oportunidade de ver o espectáculo de Elelelos será o sábado 12 de xullo, no eirado de Cela, no Festival Retrouso.

O proxecto Elelelos contén dous discos. O primeiro é una escolma das recollidas de campo que os membros de Retrouso de Cela levan facendo a xente maior durante os últimos 15 anos en todos os recunchos de Bueu. Inclúe música de gaita, filharmónica, pandeireta e sobre todo moita música vocal. Cantares do ciclo da vida (arrolos, xogos) e do ano (reis, panxoliñas, cantares do entroido); un enorme repertorio de cantares e tocatas para o baile... Unha compilación que chega aos 47 cortes e que pretende achegarao público en xeral e aos estudosos en particular a achegarse ás músicas de raíz deste pequeno pero interesante concello morracense.

+ 1 noticia relacionada

...comentarios..
:: Enlace a esta nova ::



3º Encontro musical en Oza

(texto engadido o día 21/ / 6/ / 14 )


O 21 de xuño as 20:00 a Asociación veciñal Oza Gaiteira Os Castros organiza no Parque de Oza o III Encontro Musical OZA 2013.
No que participaran:
Escola de
Gaitas
Acordeón
Violín
Tamboril
Guitarra
Pandeireta
e os grupos
Xebre
Sindiñela

...comentarios..
:: Enlace a esta nova ::



Festa fin de curso de A Fervenza de Ouzade 2014
http://carreiros.blogspot.com/2014/06/festa-fin-de-curso-2014.html
(texto engadido o día 13/ / 6/ / 14 )



Un ano máis asociación celebra a FESTA de fin de curso das clases de música e canto tradicionais que se desenvolven todos os sábados no local social de Ouzande. O curso que agora finaliza volveu ter unha notable participación nestas clases, superando as sesenta persoas, de todas as idades, nas disciplinas de: gaita, tambor, pandeireta acordeón e cancións tradicionais.Convidámoste a unha foliada para o sábado 21 de xuño a partir das 9 da tarde no campo da festa. Convidaremos tamén a uns pinchos a todos os asistentes. (Se queres, podes achegarte a partir das 8 e cuarto para ir preparando todo) Non esquezas traer o teu instrumento musical. Están invitados todos os veciños e veciñas da parroquia e cantos amigos desexen vir.

...comentarios..
:: Enlace a esta nova ::



A TRADESCOLA ABRE O PRAZO DE PREINSCRICIÓN NAS AULAS DE MÚSICA E BAILE TRADICIONAL PARA O VINDEIRO CURSO 2014/2015
http://www.gaiteirosgalegos.com/index.php?option=com_content&view=article&id=3090:a-tradescola-abre-o-prazo-de-preinscricion-nas-aulas-de-musica-e-baile-tradicional-para-o-vindeiro-curso-20142015&catid=27&Itemid=18
(texto engadido o día 13/ / 6/ / 14 )


A TRADESCOLA,  o centro de ensino de música e de baile tradicional xestionado pola Asociación de Gaiteiros Galegos en Lugo, abre o prazo de preinscripción nas aulas de música e baile tradicional para o vindeiro curso que se iniciará no outono. 


A TRADESCOLA, que este ano contou con máis de 230 alumnos matriculados, conta no seu equipo docente con 9 dos mellores mestres no eido da música tradicional para impartir as aulas de: gaita, zanfona, acordeón, baile tradicional, canto e pandeireta, percusión, requinta, linguaxe musical e técnica vocal ademais de aulas específicas para os máis pequenos.


Os mestres e mestras implicados neste proxecto educativo son: Bruno Villamor, Mª Carmen Saborido, Luis Correa “ O Caruncho”, Gerardo Quintela, Xabier Iglesias, Pedro David Lamas, Pablo Carpintero, Xela Conde e Xose Lois Romero Cajigal. Todos eles son recoñecidos profesionais e contan cun dilatado curriculo, como músicos e como docentes, no eido da música tradicional galega.


Un dos obxectivos da Tradescola é normalizar e incrementar a presenza da música e da cultura tradicional galega na sociedade actual, e para conseguilo, realiza asiduamente numerosos actos como charlas, exposicións, concertos, certames ou xornadas que achegan a numeroso público a coñecer de preto o traballo que está a realizar esta escola, ofrecendo formación a todas as persoas interesadas na música e no baile tradicional, tanto na cidade de Lugo onde imparte as aulas diariamente, como en distintas comarcas da provincia a través da realización de diversas accións formativas relacionadas co mundo da cultura tradicional.


A Asociación de Gaiteiros Galegos (AGG) a través da Tradescola, mostra así a súa inquedanza por manter vivas as nosas tradicións e conservar, promocionar e difundir a nosa cultura.




PREINSCRICIÓNS NA TRADESCOLA


A Tradescola oferta as materias de gaita, zanfona, acordeón, baile tradicional, canto e pandeireta, percusión, requinta, linguaxe musical e técnica vocal, ademais de aulas específicas para os máis pequenos.


Na escola poden inscribirse alumn@s a partir de 4 anos, en niveles de iniciación ou perfeccionamento.


As clases impártense en horario de tarde, de luns a venres, e o curso iniciarase en outubro.


Poden solicitar máis información nos locais da Tradescola (Centro Lug 2 - Rúa Pintor Corredoira Nº4 - Lugo ) en horario de 9.00 a 14.00 horas e de 16.00 a 19.00 horas, chamando ó teléfono 982229966 ou a través do correo electrónico tradescola@gaiteirosgalegos.com

...comentarios..
:: Enlace a esta nova ::



XV ENCONTROS DE MÚSICA TRADICIONAL NO MOSTEIRO DE CARBOEIRO

(texto engadido o día 6/ / 6/ / 14 )


7 DE XUÑO DE 2014 NO MOSTEIRO DE CARBOEIRO (SILLEDA)

13h. SESIÓN VERMÚ a cargo dos grupos da bisbarra
· Poxa das andas e PROCESIÓN DA SANTA FERREÑA (acompañada polos cabezudos de VIRAVOLTA e os papamoscas de SANTISO)

- APERTURA DA EXPOSICIÓN:
'A PROCESIÓN VAI POR DENTRO' adicada ás manifestacións folclóricas arredor das procesións en Galicia, acompañada polos títeres do Museo da Marioneta, Casa do Títere (Lalín)

- FEIRA DE ARTESANÍA: instrumentos tradicionais, coiro, abalorios, xoguetes, cerámica, títeres, bixutería...

- XANTAR POPULAR (empanada, carne ao caldeiro, larpeira, pan, viño/auga, café e ghotas -13€)

DURANTE A TARDE:

· XOGOS TRADICIONAIS PARA CATIVOS/AS E MAIORES con Xandobela e Itaca de Compostela.
· 'A PROCESIÓN VAI POR DENTRO E O CONTAR POR FÓRA' contacontos de Celsiño F. Sanmartín de Lalín.
· MÁSCARA FÓRA! de Fantoches Baj
· 'RECUNCHO DO TOCAR' no patio do mosteiro.

E ao que se vaia facendo noite…

FOLIADA ATA QUE O CORPO AGhUANTE!

ACAMPADA Á BEIRA DO RÍO DEZA

santaferrenha@gmail.com // 658 628 239

VIVA A XUVENTUDE E A XENTE VELLA QUE NON MORRA!!
____________________________________________

A cultura tradicional está de festa, un ano máis, no Mosteiro de Carboeiro, en Silleda. A Asociación Intercultural Santa Ferreña organiza os XV Encontros de Música Tradicional,unha festa que sae da xente e para a xente.

Este sábado 7 de xuño hai unha cita coa música e a cultura tradicionais no Mosteiro de Carboeiro: un lugar para o encontro de xente moza e vella, para a recuperación da tradición e da festa de noso. Non hai artistas convidados, senón que calquera que vaia pode tocar, botar unhas coplas ou sacar uns puntos. “Todo isto sae de xente que achega o seu traballo, o seu compromiso coa cultura tradicional”, din dende a asociación Santa Ferreña. Artesás, bailadores, músicos, teatreiras, ou simplemente xente que se achegue a gozar da festa e participar son os auténticos protagonistas.

Este ano, o programa comeza, como de costume, cunha sesión vermú amenizada por músicos da bisbarra, convocando así un punto de encontro para todos eles, e non han faltar bailadores e bailadoras de Toutón, Zobra, Tordoia, Muíño de Zas... Será entón cando saia en procesión a Santa Ferreña, unha santa pagá co sorriso na cara, paniño na cabeza, e pandeireta na man, acompañada polos cabezudos de Viravolta e os papamoscas de Santiso, seguindo o costume das procesións do Corpus de Santiso e Laro. Pero antes hai que poxar as andas... Os postos para levar a Santa serán para quen máis ferreños pague por eles, seguindo tamén a tradición. E despois dela, dará comezo o xantar popular, con empanada, carne ao caldeiro e larpeira, ademais de pan, viño ou auga e café “con gotas”, todo por 13 euros. Ao fin e ao cabo, esta festa é unha recuperación das romarías tal e como se facían antigamente, sobre todo recuperando o seu espírito, e a devoción pola Santa, que neste caso é unha muller do común, coa experiencia dos anos no rostro e gana de festa, vestida coas mellores galas e coa pandeireta disposta.

Xa pola mañá abrirá ao público a exposición “A procesión vai por dentro”, este ano dedicada ás manifestacións folclóricas arredor das procesións, e que conta outro ano coa “compañía” dos títeres do Museo da Marioneta, Casa do Títere de Lalín. A exposición foi realizada grazas á colaboración desinteresada de asociacións de múltiples puntos de Galicia que se ofreceron a achegaren o seu material e información.

Non ha faltar a feira de artesanía (instrumentos tradicionais, coiro, abelorios, xoguetes, cerámica, títeres, bixutería...), e, xa pola tarde, para facer a dixestión despois do xantar popular, á parte de botar unhas bailas, haberá xogos tradicionais para cativos e non tan cativos, con Xandobela e Itaca.

Celso F. Sanmartín, “Celsiño”, contador lalinense que leva ben anos investigando na tradición oral, achega os seus contos, “A procesión vai por dentro e o contar por fóra”, como leva facendo desde o comezo dos Encontros. O seu repertorio está composto por “contos, historias e memorias ligadas á tradición oral galega e tamén á europea, na que temos arte e parte, asentadas na cultura agrícola-gandeira e pedestre. E cun toque contemporáneo, para apalparlles que tamén son actuais, que aquí as están e non coma pezas de museo”. Ademais, Fantoches Baj achegarán tamén o seu novo espectáculo itinerante de narración oral, en que se emprega a técnica do Kamishibai (coma no anterior As pombas de Carboeiro), para axudar a vender o panfleto do escritor oleirense Manuel Pardo de Andrade titulado Os rogos d'un gallego establecido en Londres, dedicados aos seus paysanos para abrirlles os ollos sobre certas iñorancias e o demáis que verá o curioso lector. O Kamishibai é unha técnica xaponesa de narración oral que se relaciona directamente coa literatura de cordel dos cegos cantores, pero que se diferencia en que, na vez de estar todas as imaxes expostas desde un principio, van aparecendo unha detrás doutra gañando un sentido máis filmico e sorpresivo.

E xa ao que se vaia facendo da noite, comezará a foliada, que durará... Ata que o corpo aguante. Desde a Asociación Intercultural Santa Ferreña dos Encontros de Música Tradicional de Carboeiro queren destacar que esta festa é posible grazas a que unha chea de persoas poñen o seu traballo desinteresadamente, sexa botando contos, preparando a información, na barra, servindo as mesas, organizando a exposición, tocando, desde o posto dos tiquets, ou coordinando o tráfico, un traballo laborioso para o que agradecen a colaboración e comprensión de todos e todas. Tamén sinalan que, para sufragar os gastos, cóntase coa propia cantina da festa e cunha pequena axuda do Concello, así que convidan a quen queira manter viva esta festa a colaborar. Tamén remarcan a importancia do respecto pola festa tal e como é, sen viren ao caso “pinchadiscos” espontáneos ou a presenza de xeneradores eléctricos para desenvolver outro tipo de festas, xa que os Encontros son unha vez ao ano e hai que gozalos tal e como son. Así se presenta unha nova edición dos Encontros. Como di a Santa Ferreña... Viva a xuventude e a xente vella que non morra!

...comentarios..
:: Enlace a esta nova ::



Brincadeira (Compostela) - Reedición do curso de Técnicas de Acompañamento con Pandeireta

(texto engadido o día 14/ / 3/ / 14 )


30 de Marzo
Imparte: Suso Vaamonde

...comentarios..
:: Enlace a esta nova ::



II Serán ao Son do Cruceiro

(texto engadido o día 8/ / 3/ / 14 )


O próximo sábado 8 de marzo co gallo do día da Muller celebraremos nas Cruces o II Serán ao Son do Cruceiro.

As actividades comezarán ás 18h coa proxección dunha curtametraxe, seguida dunha mesa redonda sobre a situación actual da muller na que participarán muleres de distintos ámbitos e que estará aberto a todo o público.

A partir das 19'30h. comezarán os concertos:

- Mary Luz Mosteiro e Leticia Rey

- Maria José Pérez presentando "Ollos que non ven, síntoma de cegueira" e que contará coa colaboración de Maruxa (Fuxan os Ventos)


E ás 21'30h.cos foles das gaitas ben inchados, as ferreñas das pandeiretas e os redobres de tambor resoando comezamos co II serán!!

Haberá callos e tortillas!!

Agardámosvos a todas e a todos o próximo sábado coas mesmas ganas de troula ou máis que o ano pasado!

...comentarios..
:: Enlace a esta nova ::



Cultura do País organiza un curso de construción de pandeiro en Lugo
http://culturadopais.blogaliza.org/2014/02/10/febreiro-dereito-civil-galego-e-curso-de-pandeiro/
(texto engadido o día 21/ / 2/ / 14 )


O sábado 22 de febreiro a partir das 16:00 hs. temos programado no Lar da Cultura do País un curso de construción de pandeiro, impartido polo percusionista Xosé Maceda, coñecido integrante do grupo Quempallou.

As persoas asistentes poderán aprender en catro horas a facer un pandeiro tradicional e levalo para casa polo prezo de 60 euros, con custo reducido para persoas asociadas a Cultura do País e alumnado dos nosos cursos de pandeireta, de 53 euros.


Esta actividade completarase co curso ‘Vide cantar ao son do pandeiro’, que se impartirá de maneira gratuíta a quen se inscribira no curso de pandeiro, os xoves do mes de marzo de 19:00 a 20:00 hs.

Podédesvos anotar no seguinte contacto:

brancavillaresnaveira@hotmail.com (651672551-Branca)

...comentarios..
:: Enlace a esta nova ::



Nova aula de pandeireta e canto da Asociación Cultural Trepia (Pontevedra)
http://www.trepia.org/78-nova-aula-de-pandeireta.html
(texto engadido o día 11/ / 2/ / 14 )


Co novo ano comezamos un grupo de iniciación á pandeireta e o canto tradicional, con Xandre Outeiro.
Todos os xoves ás 19:00h. no 3º andar do Antigo Conservatório de Pontevedra (Rua Afonso XIII).

Inscricións na própia aula ou en info@trepia.org



...comentarios..
:: Enlace a esta nova ::



Vai de Amores - Concerto en Ponteareas

(texto engadido o día 10/ / 2/ / 14 )


Tequeletequele celebra o vindeiro domingo 23 de febreiro as 18.00 horas a I edición do Concerto VAI DE AMORES!.
Este ano participarán neste evento de música tradicional grupos e solistas de extraordinario nivel.
AUDITORIO MUNICIPAL REVERIANO SOUTULLO. Ponteareas

GRUPOS

A.C. TRASPÉS
XUNIÑEU
SADEO PANDEREITEIRAS
VOLTA E DÁLLE
O SON DA TRIGA

GRUPO TRADICIONAL formado especilamente para o concerto e integrado por
ABRAHAM FERNÁNDEZ ( gaita)
RAQUEL FARO ( tambor )
MIGUEL GONZÁLEZ DIZ ( gaita)
e ALBERTO COSTAS COMESAÑA ( bombo) .


SOLISTAS

ALEJO AMOEDO ( piano)
NERA FERNÁNDEZ ( violín )
XABIER DOMÍNGUEZ ( oboe)
DANIEL P.PRADO ( Zanfona)
MAROLA BARRAL ( voz)
GABRIEL GASIO ( guitarra )
NURIA GESTEIRA( voz, pandeireta e baile )
NOELIA BARGIELA ( violín )
EMILIO RODRÍGUEZ ( clarinete )
ROBERTO MERA ( acordeón )
Estes últimos catro músic@s actuarán xuntos nunha espléndida formación musical especial para o evento.

.....para namorarse.

...comentarios..
:: Enlace a esta nova ::



Obradoiro intensivo de canto e tecnica vocal en Pazos de Borben
http://www.blogoteca.com/malmequer/index.php?cod=128024
(texto engadido o día 6/ / 2/ / 14 )


Obradoiro intensivo de canto e tecnica vocal aplicada à musica tradicional galega



- Profesora: Xela Conde (SondeSeu, Tradescola, O Fiadeiro...)

- Dia: 15 fevereiro

- Horario: de 11:00 a 14:00 e de 16:00 a 19:00 (6 horas con parada para xantar)

- Lugar: Casa Rural "Maria da Pepa"



- Prezo: 40€ (Inclue Obradoiro e aloxamento na Casa Rural. Para xantar temos a opcion de preparar a paparota na propria casa....



Traballara-se sobre exercizos e recursos de tecnica vocal, prepararan-se alguns temas con diferente tratamento e enfoque para por en practica os contidos do obradoiro, e habera un pequeno espazo para o traballo individualizado.



@s que toquedes pandeireta, levade-a convosco!



Logo iremos ao Seran dos Namorados de Touton, que esta ben pertinio!



O enderezo da casa rural Maria de Pepa:



Amoedo, s/n

36840 - Pazos de Borben - Ponte Vedra



Arrimai-vos!!!!



Para mais info: 696607342 /maghua.cantareiros@gmail.com





Prazas limitadas!

...comentarios..
:: Enlace a esta nova ::



Obradoiros de Cultura Tradicional en Brincadeira (Compostela)
http://www.gaiteirosgalegos.com/index.php?option=com_content&view=article&id=2899:obradoiros-de-cultura-tradicional-en-brincadeira-compostela&catid=27&Itemid=18
(texto engadido o día 6/ / 2/ / 14 )


- Técnicas de acompañamento coa pandeireta


Impartido por Suso Vaamonde


Domingo 23 de febreiro de 10:30 a 14:30 e de 17 a 19 horas


Prezo: 22€


- Bailes agarrados tradicionais galegos


Impartido por Manuel Cobas


Sábado 29 de marzo de 10:30 a 13:30 horas


Prezo: 12€


- Técnicas de afinación para gaita galega


Impartido por Suso Vaamonde


Sábado 26 de abril de 17 a 21 horas


 


Inscrición: Ata o domingo anterior a cada obradoiro enviando un correo a gbrincadeira@gmail.com ou no teléfono 625 600 692. Prazas limitadas.


Lugar de celebración: AC Brincadeira. Rúa do Home Santo 62 (Compostela)

...comentarios..
:: Enlace a esta nova ::



Obradoiro: Técnicas de acompañamento con pandeireta (Compostela)
http://www.gaiteirosgalegos.com/index.php?option=com_content&view=article&id=2898:-tecnicas-de-acompanamento-con-pandeireta&catid=27&Itemid=18
(texto engadido o día 6/ / 2/ / 14 )


Domingo 23 de febreiro de 10:30 a 14:30 e de 17 a 21 horas


Prezo 22 €


Prcísanse nocións básicas do instrumento


Inscrición: Ata o domingo anterior ao obradoiro enviando un correo a gbrincadeira@gmail.com ou no teléfono 625 600 692. Prazas limitadas.


Lugar de celebración: AC Brincadeira. Rúa do Home Santo 62 (Compostela)

...comentarios..
:: Enlace a esta nova ::



Obradoiro intensivo Maghúa de canto tradicional e técnica vocal + visita ao Serán dos Namorados!!!!

(texto engadido o día 4/ / 2/ / 14 )


Obradoiro intensivo de canto e técnica vocal aplicada à música tradicional galega
- Profesora: Xela Conde (SondeSeu, Tradescola, O Fiadeiro...)
- Día: 15 fevereiro
- Horario: de 11:00 a 14:00 e de 16:00 a 19:00 (6 horas con parada para xantar)
- Lugar: Casa Rural "María da Pepa"

- Prezo: 40€ (Inclue Obradoiro e aloxamento na Casa Rural. Para xantar temos a opción de preparar a paparota na própria casa....

Traballará-se sobre exercizos e recursos de técnica vocal, prepararán-se algúns temas con diferente tratamento e enfoque para pór en práctica os contidos do obradoiro, e haberá un pequeno espazo para o traballo individualizado.

@s que toquedes pandeireta, levade-a convosco!

Logo iremos ao Serán dos Namorados de Toutón, que está ben pertiño!

O enderezo da casa rural María de Pepa:

Amoedo, s/n
36840 - Pazos de Borbén - Ponte Vedra

Arrimai-vos!!!!

Para mais info: 696607342 /maghua.cantareiros@gmail.com


Prazas limitadas!

...comentarios..
:: Enlace a esta nova ::



IV Ruada da EMTR “A Ribeirana” (Ribeira)
http://aribeirana.wordpress.com/2014/01/20/iv-ruada-da-emtr-a-ribeirana/
(texto engadido o día 28/ / 1/ / 14 )


Chegou o 2014 e con el a IV Ruada da Ribeirana.

Este ano festexarémolo o día 1 de Febreiro no Club Artístico de Ribadavia.

O serán comezará ás 20.00 cun obradoiro de iniciación ó baile tradicional. E a iso das 21.00 o grupo de pandeireta e canto da escola abrirá o serán para que poidamos comezar a beilar e tocar sen descanso!
Na barra haberá comida e bebida a prezos populares e a xente que veña tocar estará convidada á cea.
E a iso da media noite chiculate e bica para todas e todos!

...comentarios..
:: Enlace a esta nova ::



Leilía leva o seu último disco 'ConSentimento' á Estrada

(texto engadido o día 29/ / 11/ / 13 )


O vindeiro día 29 deste mes o grupo de música tradicional Leilía presenta o seu novo disco 'ConSentimento' na Estrada. Alí as integrantes do grupo cantarán o seu agradecemento personificado a Eva Castiñeira e a todas as nosas cantareiras e poetas, o noso ConSentimento. Será ás dez da noite no Teatro Principal da vila pontevedresa.

ConSentimento, o novo disco de Leilía, é unha homenaxe a todas as mulleres que fixeron e fan realidade a creación, a conservación e a transmisión da tradición oral galega. Un agradecemento personificado na figura de Eva Castiñeira, unha cantadora, unha pandeireteira, unha muller como tantas e tantas mulleres que, desde case o anonimato, sementaron a nosa terra de arte, cultura e beleza.

Coa inestimable colaboración do músico e arranxista compostelán Xoán Porto, propoñemos neste noso quinto traballo unha concepción musical acorde a unha nova realidade. Un disco no que a guitarra, o acordeón, o contrabaixo e a gaita, abrigan á perfección a beleza do canto tradicional e os versos de varias das mellores poetas galegas da actualidade como son Ana Romaní, Yolanda Castaño, Eva Moreda, Mariña Pérez, Eva Veiga, Ana Amado e Marilar Aleixandre. O deseño do espectáculo corre por conta doutro dos grandes profesionais da escena galega: Quico Cadaval.

A finais do 1989 Felisa Segade, Ana Rodríguez, Patricia Segade, Merchi Rodríguez, Montse Rivera e Rosario Rodríguez decidiron dar a coñecer a música tradicional de Galicia ao son de pandeiretas e voces convencidas de que o canto galego, pola súa singularidade e forza, debía ter un espazo propio nos escenarios. Así chegan ao seu quinto disco, que poderedes ver, escoitar e sentir o vindeiro 29 de novembro no Teatro Principal da Estrada ás 22 horas.

As entradas, a un prezo de dez euros, están á venda desde o 15 de novembro en De Cotío (Rúa Xelmírez, 26, Compostela) ou poden reservarse no teléfono 986 573 601 e retiralas media hora antes do inicio do concerto.

...comentarios..
:: Enlace a esta nova ::



[1] [2] [3] [4] [5] [6] [7] [8] [9] [10] [11] [12]


En 'Novas Relacionadas'



* XIII Encontro de Pandeireta Galega e Asturiana - Malmequer

* Día de emocións e sorpresas con Kepa Junkera e Pazos de Merexo

* Verkami para un disco de Retrouso

* 1º Concurso de Cabazas na Taberna Café Museo "A Baiuca" (Arteixo)

* "Sentímonos orgullosas de revalorizar a función da muller na música tradicional galega"


(mostráronse só as últimas recibidas)
buscar mais información
sobre pandeireta en
Ghastas Pista?

Voltar á páxina anterior

Ghastas Pista?

Falándoche de música galega dende o Século XX
info@ghastaspista.com

[ Discos ]-[ Historia..]-[ Novas ]-[ Concertos ]-[ Radio ]-[ De copas ]
[ Foro ]-[ Actualizacións ]-[ Videos ]-[ Outras ]