Resultados para:

pandeireta
XML



   >> Iniciar Sesión  


Buscar información
sobre outro grupo / etiqueta:

[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18]

Novas que incluen 'pandeireta':


II Serán dos Maios (Cuntis)
https://www.facebook.com/1514926775475584/photos/a.1567719220196339.1073741829.1514926775475584/1840371716264420/?type=3&theater
(texto engadido o día 12/ / 5/ / 18 )


Empeza a conta atrás... Afinade gaitas, encerade pandeiretas e preparade as gorxas que este sábado tendes festa rachada en Cuntis!!!!! Vinde a desfrutar de boa compaña e botarlle uns bailes.... Esperámosvos!!!

...comentarios..
:: Enlace a esta nova ::



Concerto Xabier Díaz & Adufeiras de Salitre en Burela
http://www.facebook.com/944559292377406
(texto engadido o día 9/ / 5/ / 18 )


Xoves 17 de maio ás 19:30h
Auditorio-Casa da Cultura de Burela.
Pardo Bazán, nº 6 - Baixo.
Burela.


Tras rematar a súa xira por terras xermanas Xabier Díaz e as Adufeiras de Salitre darán un concerto na Casa da Cultura de Burela para celebrar o Día das Letras Galegas.
Será o Mércores 17 de Maio ás 19:30 horas cando presentarán na nosa vila "Noró" (Norte), o seu novo disco, un espectáculo con 15 músicos en escena para un poderoso directo coa clara intención de revisar ao vivo o repertorio da gravación que Xabier e este grupo de 11 cantoras e percusionistas (Cristina Pico, Iria Penabad, Montse García, Patricia Gamallo, Maite López, Noemí Basanta, Carolina Vázquez, Bea Mariño, Lidia Sanmartín, Gisela Sanmartín e Mariña García) están presentando acompañadas de Gutier Álvarez (violín e zanfona) e Javier Álvarez (acordeón diatónico).
Humildes e poderosos a un tempo. Adufes, pandeiretas, cunchas, pandeiras. Todo un exército de parches para montar unha foliada de dimensións ciclópeas.
Entradas xa á venda en Entradas Ataquilla.com https://goo.gl/wZNGTs, proximamente na Biblioteca Municipal e no Restaurante Mis en Plas.

...comentarios..
:: Enlace a esta nova ::



IV Foliada de Cervo

(texto engadido o día 6/ / 5/ / 18 )


Sábado 12 de maio
Cervo.


O vindeiro 12 de maio celébrase a #IVFoliadaCervo e a XII Festa de degustación da carne de porco na Praza do Souto (Cervo).

12:00 Obradoiro de pandeireta e canto para crianzas
13:00 Sesión vermú con Pan Sen Fron
16:00 Obradoiro de percursión impartido por Xosé Lois Romero
20:00 Foliada:
-Nova Semente
-OS Do 21
-Troula&stone
- Acm Dambara Burela
- A Rebolaxe
-As Maiolas
- Pandeireteiras do CEIP N' 1 de Cervo
23:00 Concerto de SUSO VAAMONDE e Xosé Lois Romero

...comentarios..
:: Enlace a esta nova ::



1º Concurso de Música Tradicional Soalleira de Dorrón

(texto engadido o día 5/ / 5/ / 18 )


Domingo 6 de maio ás 10:00h
Auditorio Emilio Pardo Bazán - Sanxenxo.


BASES

1. Poderán participar asociacións folclóricas, culturais, xuvenís, de veciños, ANPAS… sen ánimo de lucro.

2. Modalidade: pandeireta e percusión tradicional, distribuidos nas seguintes categorías:
CATEGORÍA A: Ata 11 anos
CATEGORÍA B: De 11 a 16
CATEGORÍA C: De 16 en diante

3. A media de idade do grupo determina a categoría, ningún compoñente poderá superar máis de dous anos a idade máxima.

4. A peza a interpretar, debe ser tradicional. Se houbese algunha reclamación de dereitos de autor, a organización remitirá o cargo ao grupo correspondente.

5. O xurado estará composto por tres persoas e será nomeado pola Asociación Cultural Soalleira. O seu fallo será inapelable.

6. O xurado terá en conta os seguintes aspectos para a cualificación:
• Autenticidade.
• Dificultade.
• Afinación.
• Interpretación.

7. O xurado poderá requerir DNI ou Libro de Familia de calquera participante.

8. O tempo límite da interpretación da peza non excederá os cinco minutos.

9. O xurado poderá descualificar a calquera grupo que non cumpra as normas do concurso.

10. Os premios serán os seguintes:

• CATEGORÍA A:
- 1º premio: 300 €
- 2º premio: 150 €
- 3º premio: 75 €
• CATEGORÍA B:
- 1º premio: 400 €
- 2º premio: 200 €
- 3º premio: 100 €
- Accésit de vestiario (Categorías A e B): 100 €
• CATEGORÍA C:
- 1º premio: 800 €
- 2º premio: 400 €
- 3º premio: 200 €
- Accésit de vestiario (Categoría C): 100 €

11. Se o número de grupos participantes nunha categoría é inferior a cinco, a organización reservarase o dereito da supresión desa categoría, unha vez avisados os grupos inscritos na mesma.

12. Ningún premio poderá quedar deserto.

13. É obrigatorio o uso de traxe tradicional.

14. O concurso terá lugar o domingo 6 de maio no Auditorio do Pazo Emilia Pardo Bazán. Rúa Miraflores, 3. 36960 – Sanxenxo

15. O concurso desenvolverase ao longo de todo o día, mañá e tarde, incluíndo a entrega de premios correspondente.

16. O horario e a orde de actuación remitirase aos grupos participantes, unha vez rematada a inscrición.

17. O prazo de inscrición remata o 20 DE ABRIL

18. A folla de inscrición deberá remitirse debidamente cumprimentada ao correo electrónico soalleira@gmail.com
Pódese descargar no enlace: https://www.dropbox.com/l/scl/AAB7afhGCYcisnslbLVcnZNHQ6VLYS8b4AI ou solicitala no noso correo electrónico

19. Non se permite a gravación do concurso. A organización realizará fotografías e vídeos do concurso, os cales pasarán á propiedade da ASOCIACIÓN CULTURAL SOALLEIRA e do CONCELLO DE SANXENXO que poderán ser publicadas nas redes ou utilizadas como publicidade de calquer evento organizados pola Asociación ou Concello.

20. A Asociación cobrará unha entrada simbólica de 2 €/mañá e 2 €/ tarde.
O grupos participantes poderán solicitar na inscrición invitacións para os menores que participen nalgunha das categorías.

21. A participación nesta convocatoria requirirá a aceptación das normas contidas nas presentes bases.

22. Calquera dúbida será resolta por medio do correo electrónico da asociación: soalleira@gmail.com

...comentarios..
:: Enlace a esta nova ::



I Xuntanza de Músicos de Tradición Galega en Paderne (A Coruña)
https://www.facebook.com/events/261953697666703/
(texto engadido o día 5/ / 5/ / 18 )


Sábado 5 de maio ás 19:00h
Paderne, 15314 Paderne (A Coruña),


Tocas o tamboril, bombo, pandeireta ou gaita?

Convidámoste á I Xuntanza de Músicos de Tradición Galega organizada pola Comisión de Festas de Villozás que se levará a cabo no Concello de Paderne, concretamente, no campo do Telleiro o día 5 de maio do 2018.

Con esta xuntanza pretendemos que o maior número de gaiteiros interprete a mesma peza, neste caso, optouse pola “MUIÑEIRA DE BUXOS VERDES”. Deste modo superaremos a Bulgaria no record de interpretar todos xuntos unha peza (pendente de aprobación por parte da organización Ginness).

Habendo tantos gaiteiros en Galicia, porqué teñen que ter o record noutro país?

Ademáis, trala actuación conxunta teredes á vosa disposición comida típica galega e a posibilidade de continuar coa foliada ata que o corpo aguante.

...comentarios..
:: Enlace a esta nova ::



9º Curso de Música Tradicional en Sarria

(texto engadido o día 13/ / 4/ / 18 )


Sábado 14 de abril ás 09:30h
Granxa de Barreiros.
LU-633.
Sarria.


O Curso está destinado a público a partir de 18 años, interesados/as na musica tradicional galega, músicos, mestres de educación musical, profesionais da música, danza, teatro,... e ten como obxectivo mostrar unha visión completa da música tradicional galega, participando e disfrutando os alumnos dunha visión global do folclore.
Os profesores participantes son os seguintes: Pepe Vaamonde (Gaita), Miguel Anxo López Buján "Chino" (percusión), Javier Feijoó "Chisco" (canto e pandeireta), Xabier Iglesias Castro (baile)

Ademáis, o domingo 15, de 13 a 14 horas haberá un concerto titulado "As cantigas de Elena" a cargo de: María Vidal (voz), Miryam González (acordeón) e Pipo Alvariño (guitarra).
+ info
http://fingoi.com/musica/index.php/es/noticias/proximos-eventos/235-ix-curso-de-musica-e-baile-tradicional

...comentarios..
:: Enlace a esta nova ::



Obradoiro de percussões tradicionais com Carlos Martínez en vilar de Santos (Ourense)

(texto engadido o día 19/ / 1/ / 18 )


Sábado 20 de xaneiro ás 11:00h
A Arca da Noe.
Rua do Forno, 13, Vilar de Santos.
Ourense.


20 de janeiro, obradoiro de percussão com Carlos Martínez .

Horário: 11h00-14h00 // 16 h00-20 h00
Preço: 25€ meia jornada //35€ jornada completa//
Inscrições no telf:658030219 até 18 de janeiro (imprescindível)
-Percussão doméstica:

Roteiro pelas raízes do folclore através dos antigos instrumentos do agro, das cozinhas e as sobremesas.

Técnicas e ritmos galegos, da península ibérica,o Mediterrâneo e Sul de América, junto o seucontexto cultural e instrumental. Possibilidadesdestes ritmos na música tradicional galega.
Adaptação nas percussões domésticas de recursos de outros instrumentos como diferentes baquetas, técnicas de dedos e ritmos modernos.
Exemplos com audios e partituras.
-Pandeir@s técnicas e ritmos:

Encontro com os ritmos, sonoridades e contextos culturais
de diferentes pandeiros primos e irmãos da pandeireta, o pandeiro e a pandeira galega.

Introdução das técnicas e ritmos tradicionais junto a diferentes
aplicações e possibilidades destes recursos nos instrumentos galegos.
Pandeiro brasileiro, kanjira, pandeiros do norte da África
e o Mediterrâneo, como o riqq, daff, frame drum e bendir.
O principal objectivo é aumentar as sonoridades e a riqueza rítmica e técnica, abrindo portas cara outros folclores e músicas modernas.
Exemplos com audios e partituras.

...comentarios..
:: Enlace a esta nova ::



Fía e Baile de Pandeireta en Viaño Pequeno. Trazo (A Coruña)

(texto engadido o día 8/ / 12/ / 17 )


O vindeiro venres, 8 de decembro, celébrase a 'Fía e Baile de Pandeireta' dos Xeitosos de Trazo. Comezará a partir das 21:30 horas no pavillón polideportivo de Viaño Pequeno. Ademais do grupo organizador, intervirán os de San Martiño de Cerceda, Camiño Real de Poulo, Pandeireteiras Silandeira de San Xulián de Sales (Vedra), a A.C. Rosalía de Castro de Cacheiras (Teo), Faíscas da Pontraga e as Pandeireteiras e Pandeireteiros da Escola de Cantigas e Agarimos.

...comentarios..
:: Enlace a esta nova ::



Xornadas de percusión tradicional en Narón
http://www.naron.es/web/cat/gal/noticias/get/2426
(texto engadido o día 17/ / 11/ / 17 )


Este sábado 18 de novembro, a partir das 10:00 horas, terán lugar no Café Teatro do Pazo da Cultura unhas Xornadas de Percusión Tradicional, organizadas pola Asociación de Gaiteiros Galegos coa colaboración do Padroado.

O programa previsto para estas Xornadas de Percusión Tradicional comezará ás 10.00 horas coa entrega de documentación e a partir das 10.30 iniciarase o primeiro dos obradoiros, sobre “O pandeiro cadrado na Galiza”, a cargo de dous profesionais da percusión, Xulia Feixoo e Guillerme Ignacio. Ás 13.10 horas haberá un descanso e ás 13.20 presentarase en primicia a publicación O tamborileiro técnico, de Marcos Saburido, Kinhos. O autor estará acompañado no acto de presentación por Juan Luna, director da Escola de Música Tradicional Galega “A Pintega Marela”, editora do libro.
Xa pola tarde, a partir das 16.15 horas comezará o segundo dos obradoiros, “Achegamento á pandeireta en Galicia: ritmos”, a cargo de Xermán Muíños e ás 18.30 terá lugar o último, sobre “Pandeireta e canto en Bergantiños”, con Fransy González.

As persoas interesadas en recibir máis información sobre as xornadas ou inscribirse –son de balde- poden facelo a través dos números de teléfono 986 847 074 ou 982 229 966, ou enviando un correo electrónico á dirección: secretaria@gaiteirosgalegos.gal, sendo preciso facilitar nome e apelidos e un teléfono de contacto. As prazas son limitadas e cubriranse por rigorosa orde de inscrición. Esta convocatoria está subvencionada pola Deputación da Coruña.


...comentarios..
:: Enlace a esta nova ::



Serán do Samaín no Calvario (Vigo)

(texto engadido o día 31/ / 10/ / 17 )


Martes 31 de outubro ás 19:00h
Peatonal do Calvario (Vigo) Diante do Mercado do Calvario.


O próximo martes 31 de outubro a partir das 19.00 terá lugar diante do mercado do Calvario o Serán do Samaín.

Abrirán o serán os mais pequenos e a continuación haberá varias agrupacións tocando e cantanto, así que se formas parte dalgunha agrupación de gaitas ou pandeireta non dubides en vir a participar.

Teremos festa ata ás 23.30, repartiremos chocolate e rosca para todos os asistentes

Este ano contaremos con Tarambainas, Pandereteiras A Buxaina, Sete Cuncas e as agrupacións de O Fiadeiro entre outros.

Teremos talleres para nenos organizados por Koremi e Troula durante toda a tarde.

Agradecementos ó Concello de Vigo por confiar un ano mais na Asociación O Fiadeiro para organizar o evento.

Vos esperamos para pasar unha tarde/noite de med

...comentarios..
:: Enlace a esta nova ::



Clases de Pandeireta e de Baile Tradicional na Arca da Noe (Vilar de Santos)

(texto engadido o día 20/ / 10/ / 17 )



Aqui temos os novos cursos de pandeireta e de baile tradicional da Arca.
Começamos 20 de outubro ( sextas-feiras (venres) cada 15 dias) .

17h00- 18h30 Curso de pandeireta e canto. Nível I
18h30- 20h00 Curso de pandeireta tradicional. Nível II
20h00- 21h30 Curso de baile tradicional

Preço: 15€ curso ao mês

Aponta-te enviando uma sms ao facebook da Arca.

Est@s são @s profes:

Patricia

Cantora no grupo Coanhadeira e colaboradora no grupo Pesdelán.
Começa a sua andaina na música tradicional desde bem pequena no centro Xanquín Lorenzo Xocas en Ourense, no ano 2000 continua a sua formação na Aula de Música tradicional Gomes Mouro, Conservatório de Música Tradicional e Folque de Lalim e aCentral Folque de Santiago, complementando essa formação com numerosos cursos de percussão da mão de Javier Feijoo, Luis Prego, Xabier Diaz, Francy González, Chuco Estévez, Ugía Pedreira, Xosé Lois Romero, Henrique Peón, Eliseo Parra, Xermán Muiños.. Básico na sua formação o trabalho de recolhida aprendendo das nossas maiores.
Complementa essa formação com cursos de técnica vocal com Guadi Galego, Sally Albaugh Edmunds, Paulina Ceremuzynska, Ramón Bermejo…
Ampla trajetória na docência desde 2004 por distintos concelhos e associações da província de Ourense.

Roberto

Vinculado ao mundo da música tradicional com a gaita desde os dez anos, inicia-se mais tarde no baile no “Grupo de Baile e Gaitas, Orcellón”, do Carvalhinho.
Desenvolve a sua atividade docente na Assoc. Cultural Os Serandeiros de Boborás e posteriormente na AOFT, Asoc. Ourensá de Folclore Tradicional, de Ourense.
É asíduo dos Venrespirar, ruadas, foliadas da Arca, etc.
Tem por isso assistido a diferentes cursos ministrados por Xandre Outeiro, Henrique Peòn, Luis Prego ou Miguel Sotelo entre outros

...comentarios..
:: Enlace a esta nova ::



Obradoiro de percusións tradicionais:perc. doméstica, pandeir@s. Compostela

(texto engadido o día 13/ / 10/ / 17 )


Domingo 15 e sábado 21 de Outubro
Horario: 11:00-14:00 // 16:00-20:00

Prezo: 25€ media xornada //35€ xornada completa// 40€/60€
facendo os dous días.
Inscripcións no telf:658030219 ata 13 e 18 de outubro (imprescindible)


-Percusión doméstica:
Roteiro polas raíces do folclore a través dos
antigos instrumentos do agro, das cociñas e as
sobremesas.
Técnicas e ritmos galegos, da península ibérica,
o mediterraneo e sudamérica, xunto o seu
contexto cultural e instrumental. Posibilidades
destes ritmos na música tradicional galega.
Adaptación nas percusións domésticas de
recursos doutros instrumentos como diferentes
baquetas, xogos de dedos e ritmos modernos.
Exemplos con audios e partituras.

-Pandeir@s técnicas e ritmos:
Encontro cos ritmos, sonoridades e contextos culturais
de diferentes pandeiros primos e irmáns da pandeireta,
o pandeiro e a pandeira galega.
Introdución das técnicas e ritmos tradicionais xunto a
diferentes aplicacións e posibilidades destes recursos
nos instrumentos galegos.
Pandeiro brasileiro, kanjira, pandeiros do norte de África
e o mediterráneo como o riqq, daff, frame drum e bendir.
O principal obxectivo é aumentar as sonoridades e a
riqueza rítmica e técnica, abrindo portas cara outros
folclores e músicas modernas.
Exemplos con audios e partituras.

...comentarios..
:: Enlace a esta nova ::



Abeladeiras (Muxía) - Curso 2017/2018

(texto engadido o día 13/ / 10/ / 17 )


Hoxe comezou o curso nas Abaladeiras de Muxía... Os grupos de baile de adultos e nenos, e tamén as pandereteiras de adultos empezaron con moita ilusión este venres... Mañá é a quenda da pandeireta de nenos...

Se alguén quere sumarse aínda está a tempo... A disfrutar este novo curso!!!

...comentarios..
:: Enlace a esta nova ::



Obradoiro de percusión de man por Felisa Segade. Ferrol

(texto engadido o día 13/ / 10/ / 17 )


Domingo 15 de outubro ás 10:00h
Lar De Toxos.
R/ Magdalena, 220 - 15402
Ferrol.


Este curso está enfocado cara aqueles instrumentos que forman parte da nosa tradición oral diferentes á pandeireta que normalmente se empregaban para acompañar ao canto, tales como: culleres, cunchas, ferriños, sacho, tixola, lata, pandeira, pandeiro e tambor de man.

...comentarios..
:: Enlace a esta nova ::



Obradoiros da Nova Escola Galega (Ames)

(texto engadido o día 6/ / 10/ / 17 )


Sábado 7 de outubro ás 10:00h


OBRADOIROS: Técnica vocal (Nastasia Zürcher), Xestión Cultural (Diego Vázquez Meizoso), Canto tradicional e pandeireta (Davide Salvado), Iniciación ao audiovisual (Seispés Producións Creativas) e Novas masculinidades (Sonia Fernández Casal e Xosé Cabido Pérez)

INFORMACIÓN:

**7 DE OUTUBRO / “O meu corpo como instrumento”. Taller vocal e corporal

Horario: 11 a 14h e de 16 a 19h
Matrícula: 60 € / 45 € socios/as NEG
Lugar: Pazo da Peregrina (Bertamiráns) Por confirmar
Imparte: Nastasia Zürcher
Recentemente gañadora do Premio Martín Códax da Música na categoría de Blues, Funk & Soul, esta xoven cantante e compositora suízo-galega leva máis de 10 anos dedicándose plenamente á música, cunha gran formación que vai desde a coñecida escola compostelá “Estudio, escola de música” ata a súa graduación en “Canto, Interpretación y Técnicas de Escenario” na Escuela Internacional de Artistas de Jesús Yanes (CEV, Madrid). A día de hoxe e tras pasar como alumna polas mans de moitísimos profesionais da técnica vocal e as artes escénicas, Nastasia conta cunha carreira musical en pleno auxe, está a piques de sacar o seu segundo disco ao mercado e é considerada unha das mellores cantantes e formadoras en técnica vocal de Galicia.

Descrición do obradoiro:
Toma de contacto cas diferentes e amplísimas posibilidades vocais e físicas do noso instrumento chamado corpo.
Dirixido a quen desexe profundizar nos seu coñecementos e vivencias sensoriais coa súa propia Voz.
Trataremos os seguintes puntos:
1. A voz como instrumento. Que é o son? Introdución sobre o aparato vocal e a respiración.
2. Preparación e conexión co meu corpo - Equilibrio interno.
3. As emocións como motor verdadeiro para as diferentes calidades vocais - Sentir é transmitir.
4. A improvisación como método de investigación e descubrimento.

Necesidades:
Roupa cómoda e unha manta ou esterilla.

**28 E 29 DE OUTUBRO/ “Organización e implementación de actividades culturais: taller de xestión sociocultural”

Horario: 10 a 14h e de 16 a 18h
Matrícula: 60 € / 45 € socios/as NEG
Lugar: Sede de NEG (R/ das Hedras, 4-2ºO. Novo Milladoiro)
Imparte: Diego Vázquez Meizoso
É xestor cultural e traballou, entre outros, no Festival do Mundo Celta de Ortigueira, no Festival Internacional de Teatro Universitario de Galicia, nas actividades do 30 aniversario do Museo do Pobo Galego e na produción do ALT (festival alternativo das artes escénicas de Vigo), do Corpo(a)Terra (festival de danza e artes do corpo de Ourense) e do ciclo musical De Lugares e Órganos. Como docente ten impartido obradoiros e monográficos sobre xestión cultural, análise fílmica, teatro e desenvolvemento persoal ou traballo sobre a memoria a través do audiovisual en, entre outros, diversas asociacións e espazos de formación, Concello de Santiago ou Escola Unitaria.

Descrición do obradoiro:
A xestión cultural como concepto mudou radicalmente nos últimos anos, por causas socioeconómicas evidentes, cara un traballo máis horizontal de contacto coa comunidade, participación e labor sociocultural. Neste curso aprenderemos as claves para a organización de acción culturais dentro destas novas coordenadas profesionais, en contextos de proximidade e con actividades enfocadas ao desenvolvemento sociocultural e educativo das persoas.

NOTA: Se os/as participantes están inmersos/as nalgún proxecto ou teñen unha idea tentaremos ir encaixando cada un dos conceptos e puntos do programa dentro do marco de traballo dos mesmos, co gallo de que o obradoiro sexa o máis personalizado posible.

**4 DE NOVEMBRO / Taller de percusión e canto tradicional

Horario: 10 a 14h e de 16 a 20h
Matrícula: 60 € / 45 € socios/as NEG
Lugar: Pazo da Peregrina (Bertamiráns) Por confirmar
Imparte: Davide Salvado
É sen dúbida unha das voces máis carismáticas do noso país e vén de gañar o Premio Martín Códax da Música na categoría de Música Tradicional. De formación autodidacta, leva media vida percorrendo as aldeas galegas na procura de ritmos, coplas e danzas. De todas esas mulleres que foi atopando, aprendeu non só a tradición na música, se non todo un xeito de vivir. O amor a todas esas prácticas tradicionais, a fía, a cestaría, a agricultura, o respeito á terra e á lingua, fan do xeito de entender o canto para Davide moito máis que simplemente música. Co seu último traballo, “Lobos” está a acadar un gran recoñecemento a nivel internacional.

Descrición do obradoiro:
Curso de canto e pandeireta. Aprenderemos técnica de ámbolos dous instrumentos, así como repertorio e interpretación aplicados ao noso folclore.

Necesidades:
A túa pandeireta, roupa cómoda e unha manta ou esterilla.

**18 E 19 DE NOVEMBRO / Iniciación ao audiovisual. Aprende a facer os teus propios vídeos

Horario: Sábado de 10 a 14h e de 16 a 20h e domingo de 10 a 14h
Matrícula: 60 € / 45 € socios/as NEG
Lugar: Sede de NEG (R/ das Hedras, 4-2ºO. Novo Milladoiro)
Imparte: Seispés Producións Creativas
Produtora audiovisual, comunicación, deseño gráfico e produción musical que nace do desexo dun grupo de profesionais xóvenes e dinámicos de dar renda solta á súa creatividade.
www.seispes.com

Descrición do obradoiro:
Darémosche os recursos necesarios a través de contidos teóricos (valores de plano, movementos de cámara, son, fases e tarefas de preprodución, produción e postprodución...) e exercicios prácticos (guionización, gravación e montaxe), para que aprendas a facer pezas audiovisuais de maneira sinxela, xeitosa e asequible, ben para ti ou para traballar con grupos ou na aula.

Necesidades:
Trae un teléfono móbil e os cables correpondentes para poder cargar a batería e volcar o que gravemos no teu ordenador portátil. Comproba que este teña instalado algún programa de edición como poden ser o Movie Maker (pc) ou o IMovie (Mac).

**24 E 25 DE NOVEMBRO / “Autoestima feminina e novas masculinidades: Desaprendendo o sexismo desde as aulas”
(ACTIVIDADE HOMOLOGADA POLA XUNTA CON 12H DE FORMACIÓN PARA O PROFESORADO)

Horario: Venres de 17 a 21h e sábado de 10 a 14h e de 16 a 21h
Matrícula: 50 € / 30 € socios/as NEG
Lugar: Sede de NEG (R/ das Hedras, 4-2ºO. Novo Milladoiro)
Imparte:
Mª Sonia Fernández Casal: Licenciada en Ciencias Exactas. Máster en Xénero e Políticas de Igualdade.
Xosé Cabido Pérez: Licenciado en Filosofía. Co-responsable da Dinamización de Igualdade do IES Plurilingüe Fontexería.

Obxectivos:
• Presentar ferramentas e metodoloxía que permita realizar seminarios temáticos con alumnado de secundaria, separados por sexos, nos que abordar aqueles aspectos da construción da identidade de xénero que dificultan ou impiden o mantemento de relacións de igualdad entre os sexos.
• Reflexionar sobre formas de afortalar a autonomía e a autoestima das alumnas desde as aulas.
• Reflexionar sobre como promover o compromiso dos alumnos coa igualdade, a renuncia aos seus privilexios de xénero e a superación dos aspectos máis nocivos para eles mesmos do modelo masculino imperante.
• Coñecer mellor a forma na que viven alumnas e alumnos a súa identidade de xénero.

Metodoloxía:
Presentarase a experiencia desenvolvida en aulas de 2º, 3º, 4º de ESO e en 1º de BAC, dentro do proxecto coeducativo “Nós tamén navegar” do IES Plurilingüe Fontexería (Muros). Reproduciranse as dinámicas e actividades que se realizan co alumnado, en obradoiros separados por sexos, no marco deste proxecto que recibiu o III Premio Concepción Arenal da deputación da Coruña.

TODA A INFORMACIÓN E INSCRICIÓNS EN WWW.NEG.GAL

...comentarios..
:: Enlace a esta nova ::



Xesús Vaamonde & Xosé Lois Romero en Lugo

(texto engadido o día 29/ / 9/ / 17 )


Sábado 30 de setembro ás 22:45h

Rua Irmáns Vilar Ponte.
Lugo.


Xesús Vaamonde e Xosé Lois Romero son dous referentes da música popular galega actual. Nas súas longas traxectorias como intérpretes, compositores, docentes ou investigadores, teñen formado parte de destacados grupos e proxectos como Leliadoura,Luvas Verdes , Grupo Tradicional da Agadic, Vaamonde Lamas & Romero, Nova Galicia de Danza, Xacarandaina, Orquestra de Jazz de Galicia, Aliboria ademáis de seren os autores da colección didáctica Pel & Madeira, e teren colaborado con un sinfín de artistas.
Agora presentannos unha completa viaxe a través das ferramentas da tradición musical de Galicia : Os Instrumentos Populares Galegos.
O seu amplo coñecemento do folclore galego e a súa condición de virtuosos multiinstrumentistas permitelles ofrecer un entretido Concerto no que amosan 24 Instrumentos Populares interpretado en formato de dúo, combinando un instrumento melódicoe outro de percusión.
Os instrumentos que se incluen son: gaitas de diferentes feituras e sonoridades, acordeón diatónico e cromático, zanfona, asubío, requinta, frauta, trompa, tambor, bombo, pandeiro, pandeira, tarrañolas, lata, tixola, noz, pandeireta, cunchas, culleres e charrasco.
O Concerto completase coa presentación e descripción básica de cada instrumento, a súa evolución ó longo dos anos e as posibilidades que hoxe en día ofrecen.
A duración do Concerto é de aproximadamente unha hora.

...comentarios..
:: Enlace a esta nova ::



ACD Carcaxía (Malpica de Bergantiños) - Actividades 2017/2018

(texto engadido o día 25/ / 9/ / 17 )


- BAILE TRADICIONAL
- PANDEIRETA
- GAITA
- PERCUSIÓN

O curso empezará en Outubro, por eso é importante que vos anotedes antes do 1 de Outubro.
Podedes poñervos en contacto a través do facebook e dos seguintes números:
IRENE: 637093997
MARIA HAZ (ESTANCO VISI): 630117189
ELENA: 657919272

...comentarios..
:: Enlace a esta nova ::



Foliada Itinerante polos Viños. AC Algaravía 2017

(texto engadido o día 24/ / 9/ / 17 )


Venres 29 de setembro ás 19:30h
Praza do Ferro, 32005 Ourense (Ourense),


Como cada ano convocámosvos a todas á xa tradicional Foliada Itinirante polos Viños pra reencontrarnos despois das vacacións de verán e coñecer xente nova. Despedir o verán cunha boa festa e inaugurar as nosas aulas de baile, canto e pandeireta e máis sorpresas que temos preparadas.

Vinde bailar, cantar, tocar, beber un viño, contar un conto...!

...comentarios..
:: Enlace a esta nova ::



INICIO DE CLASES PANDEIRETA e CANTO en Barcelona

(texto engadido o día 24/ / 9/ / 17 )


Xoves 28 de setembro ás 19:30h
Barcelona.
Barrio de Gràcia.


Clases informáis de CANTO e PANDEIRETA galega en pleno corazón do Barrio de Gràcia. Non é necesario ter coñecementos musicais nin ter cantado antes. Só fai falta gañas de pasalo ben, de seguir en contacto coa cultura galega e facer novas amizades. Esperámosvos!!!

pandeiretaclasesbcn@gmail.com

...comentarios..
:: Enlace a esta nova ::



Praza Miúda - Romaría de Santa Margarida (A Coruña)

(texto engadido o día 25/ / 8/ / 17 )


Sábado 26 de agosto ás 11:00h
Praza de Lugo, 15004 A Coruña (A Coruña),


A Romaría de Santa Margarida expándese un ano máis por toda A Coruña! As máis pequenas teñen un espazovo sábado 26 de agosto na Praza de Lugo, que este ano rebautizamos como Praza Miúda. A partir das 11.00h e durante todo o día haberá obradoiros gratuítos, así como actuacións das asociacións da cidade e un pequeno petisco do concerto de Pablo Díaz. Debullamos o programa a continuación:

- 11.00h, Xandobela. Construción de pandeiretas con material de refugallo. (Ata as 14h poderán unirse)
- 12.50h, Obradoiro da A.C. Donaire. Xogos bailables. (45')
- 16.30h, Obradoiro coa A.C. Xacarandaina (45')
- 17.20h, Intervención de Pablo Díaz (15')
- 17.45h, Obradoiro con A.C: Son d'aquí . Xoga, toca e baila (45')

...comentarios..
:: Enlace a esta nova ::



[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18]


En 'Novas Relacionadas'



* Tierra Bierzo | II Festival Lágrimas de San Lorenzo de Pumarín

* III Serán de Alxén - todocondado.com

* XIII Encontro de Pandeireta Galega e Asturiana - Malmequer

* Día de emocións e sorpresas con Kepa Junkera e Pazos de Merexo

* Verkami para un disco de Retrouso


(mostráronse só as últimas recibidas)
buscar mais información
sobre pandeireta en
Ghastas Pista?

Voltar á páxina anterior

Ghastas Pista?

Falándoche de música galega dende o Século XX
info@ghastaspista.com

[ Discos ]-[ Historia..]-[ Novas ]-[ Concertos ]-[ Radio ]-[ De copas ]
[ Foro ]-[ Actualizacións ]-[ Videos ]-[ Outras ]