Resultados para:

pandeireta
XML



   >> Iniciar Sesión  


Buscar información
sobre outro grupo / etiqueta:

[1] [2] [3] [4] [5] [6] [7] [8] [9] [10] [11]

Novas que incluen 'pandeireta':


Brincadeira (Compostela) - Reedición do curso de Técnicas de Acompañamento con Pandeireta

(texto engadido o día 14/ / 3/ / 14 )


30 de Marzo
Imparte: Suso Vaamonde

...comentarios..
:: Enlace a esta nova ::



II Serán ao Son do Cruceiro

(texto engadido o día 8/ / 3/ / 14 )


O próximo sábado 8 de marzo co gallo do día da Muller celebraremos nas Cruces o II Serán ao Son do Cruceiro.

As actividades comezarán ás 18h coa proxección dunha curtametraxe, seguida dunha mesa redonda sobre a situación actual da muller na que participarán muleres de distintos ámbitos e que estará aberto a todo o público.

A partir das 19'30h. comezarán os concertos:

- Mary Luz Mosteiro e Leticia Rey

- Maria José Pérez presentando "Ollos que non ven, síntoma de cegueira" e que contará coa colaboración de Maruxa (Fuxan os Ventos)


E ás 21'30h.cos foles das gaitas ben inchados, as ferreñas das pandeiretas e os redobres de tambor resoando comezamos co II serán!!

Haberá callos e tortillas!!

Agardámosvos a todas e a todos o próximo sábado coas mesmas ganas de troula ou máis que o ano pasado!

...comentarios..
:: Enlace a esta nova ::



Cultura do País organiza un curso de construción de pandeiro en Lugo
http://culturadopais.blogaliza.org/2014/02/10/febreiro-dereito-civil-galego-e-curso-de-pandeiro/
(texto engadido o día 21/ / 2/ / 14 )


O sábado 22 de febreiro a partir das 16:00 hs. temos programado no Lar da Cultura do País un curso de construción de pandeiro, impartido polo percusionista Xosé Maceda, coñecido integrante do grupo Quempallou.

As persoas asistentes poderán aprender en catro horas a facer un pandeiro tradicional e levalo para casa polo prezo de 60 euros, con custo reducido para persoas asociadas a Cultura do País e alumnado dos nosos cursos de pandeireta, de 53 euros.


Esta actividade completarase co curso ‘Vide cantar ao son do pandeiro’, que se impartirá de maneira gratuíta a quen se inscribira no curso de pandeiro, os xoves do mes de marzo de 19:00 a 20:00 hs.

Podédesvos anotar no seguinte contacto:

brancavillaresnaveira@hotmail.com (651672551-Branca)

...comentarios..
:: Enlace a esta nova ::



Nova aula de pandeireta e canto da Asociación Cultural Trepia (Pontevedra)
http://www.trepia.org/78-nova-aula-de-pandeireta.html
(texto engadido o día 11/ / 2/ / 14 )


Co novo ano comezamos un grupo de iniciación á pandeireta e o canto tradicional, con Xandre Outeiro.
Todos os xoves ás 19:00h. no 3º andar do Antigo Conservatório de Pontevedra (Rua Afonso XIII).

Inscricións na própia aula ou en info@trepia.org



...comentarios..
:: Enlace a esta nova ::



Vai de Amores - Concerto en Ponteareas

(texto engadido o día 10/ / 2/ / 14 )


Tequeletequele celebra o vindeiro domingo 23 de febreiro as 18.00 horas a I edición do Concerto VAI DE AMORES!.
Este ano participarán neste evento de música tradicional grupos e solistas de extraordinario nivel.
AUDITORIO MUNICIPAL REVERIANO SOUTULLO. Ponteareas

GRUPOS

A.C. TRASPÉS
XUNIÑEU
SADEO PANDEREITEIRAS
VOLTA E DÁLLE
O SON DA TRIGA

GRUPO TRADICIONAL formado especilamente para o concerto e integrado por
ABRAHAM FERNÁNDEZ ( gaita)
RAQUEL FARO ( tambor )
MIGUEL GONZÁLEZ DIZ ( gaita)
e ALBERTO COSTAS COMESAÑA ( bombo) .


SOLISTAS

ALEJO AMOEDO ( piano)
NERA FERNÁNDEZ ( violín )
XABIER DOMÍNGUEZ ( oboe)
DANIEL P.PRADO ( Zanfona)
MAROLA BARRAL ( voz)
GABRIEL GASIO ( guitarra )
NURIA GESTEIRA( voz, pandeireta e baile )
NOELIA BARGIELA ( violín )
EMILIO RODRÍGUEZ ( clarinete )
ROBERTO MERA ( acordeón )
Estes últimos catro músic@s actuarán xuntos nunha espléndida formación musical especial para o evento.

.....para namorarse.

...comentarios..
:: Enlace a esta nova ::



Obradoiro intensivo de canto e tecnica vocal en Pazos de Borben
http://www.blogoteca.com/malmequer/index.php?cod=128024
(texto engadido o día 6/ / 2/ / 14 )


Obradoiro intensivo de canto e tecnica vocal aplicada à musica tradicional galega



- Profesora: Xela Conde (SondeSeu, Tradescola, O Fiadeiro...)

- Dia: 15 fevereiro

- Horario: de 11:00 a 14:00 e de 16:00 a 19:00 (6 horas con parada para xantar)

- Lugar: Casa Rural "Maria da Pepa"



- Prezo: 40€ (Inclue Obradoiro e aloxamento na Casa Rural. Para xantar temos a opcion de preparar a paparota na propria casa....



Traballara-se sobre exercizos e recursos de tecnica vocal, prepararan-se alguns temas con diferente tratamento e enfoque para por en practica os contidos do obradoiro, e habera un pequeno espazo para o traballo individualizado.



@s que toquedes pandeireta, levade-a convosco!



Logo iremos ao Seran dos Namorados de Touton, que esta ben pertinio!



O enderezo da casa rural Maria de Pepa:



Amoedo, s/n

36840 - Pazos de Borben - Ponte Vedra



Arrimai-vos!!!!



Para mais info: 696607342 /maghua.cantareiros@gmail.com





Prazas limitadas!

...comentarios..
:: Enlace a esta nova ::



Obradoiros de Cultura Tradicional en Brincadeira (Compostela)
http://www.gaiteirosgalegos.com/index.php?option=com_content&view=article&id=2899:obradoiros-de-cultura-tradicional-en-brincadeira-compostela&catid=27&Itemid=18
(texto engadido o día 6/ / 2/ / 14 )


- Técnicas de acompañamento coa pandeireta


Impartido por Suso Vaamonde


Domingo 23 de febreiro de 10:30 a 14:30 e de 17 a 19 horas


Prezo: 22€


- Bailes agarrados tradicionais galegos


Impartido por Manuel Cobas


Sábado 29 de marzo de 10:30 a 13:30 horas


Prezo: 12€


- Técnicas de afinación para gaita galega


Impartido por Suso Vaamonde


Sábado 26 de abril de 17 a 21 horas


 


Inscrición: Ata o domingo anterior a cada obradoiro enviando un correo a gbrincadeira@gmail.com ou no teléfono 625 600 692. Prazas limitadas.


Lugar de celebración: AC Brincadeira. Rúa do Home Santo 62 (Compostela)

...comentarios..
:: Enlace a esta nova ::



Obradoiro: Técnicas de acompañamento con pandeireta (Compostela)
http://www.gaiteirosgalegos.com/index.php?option=com_content&view=article&id=2898:-tecnicas-de-acompanamento-con-pandeireta&catid=27&Itemid=18
(texto engadido o día 6/ / 2/ / 14 )


Domingo 23 de febreiro de 10:30 a 14:30 e de 17 a 21 horas


Prezo 22 €


Prcísanse nocións básicas do instrumento


Inscrición: Ata o domingo anterior ao obradoiro enviando un correo a gbrincadeira@gmail.com ou no teléfono 625 600 692. Prazas limitadas.


Lugar de celebración: AC Brincadeira. Rúa do Home Santo 62 (Compostela)

...comentarios..
:: Enlace a esta nova ::



Obradoiro intensivo Maghúa de canto tradicional e técnica vocal + visita ao Serán dos Namorados!!!!

(texto engadido o día 4/ / 2/ / 14 )


Obradoiro intensivo de canto e técnica vocal aplicada à música tradicional galega
- Profesora: Xela Conde (SondeSeu, Tradescola, O Fiadeiro...)
- Día: 15 fevereiro
- Horario: de 11:00 a 14:00 e de 16:00 a 19:00 (6 horas con parada para xantar)
- Lugar: Casa Rural "María da Pepa"

- Prezo: 40€ (Inclue Obradoiro e aloxamento na Casa Rural. Para xantar temos a opción de preparar a paparota na própria casa....

Traballará-se sobre exercizos e recursos de técnica vocal, prepararán-se algúns temas con diferente tratamento e enfoque para pór en práctica os contidos do obradoiro, e haberá un pequeno espazo para o traballo individualizado.

@s que toquedes pandeireta, levade-a convosco!

Logo iremos ao Serán dos Namorados de Toutón, que está ben pertiño!

O enderezo da casa rural María de Pepa:

Amoedo, s/n
36840 - Pazos de Borbén - Ponte Vedra

Arrimai-vos!!!!

Para mais info: 696607342 /maghua.cantareiros@gmail.com


Prazas limitadas!

...comentarios..
:: Enlace a esta nova ::



IV Ruada da EMTR “A Ribeirana” (Ribeira)
http://aribeirana.wordpress.com/2014/01/20/iv-ruada-da-emtr-a-ribeirana/
(texto engadido o día 28/ / 1/ / 14 )


Chegou o 2014 e con el a IV Ruada da Ribeirana.

Este ano festexarémolo o día 1 de Febreiro no Club Artístico de Ribadavia.

O serán comezará ás 20.00 cun obradoiro de iniciación ó baile tradicional. E a iso das 21.00 o grupo de pandeireta e canto da escola abrirá o serán para que poidamos comezar a beilar e tocar sen descanso!
Na barra haberá comida e bebida a prezos populares e a xente que veña tocar estará convidada á cea.
E a iso da media noite chiculate e bica para todas e todos!

...comentarios..
:: Enlace a esta nova ::



Leilía leva o seu último disco 'ConSentimento' á Estrada

(texto engadido o día 29/ / 11/ / 13 )


O vindeiro día 29 deste mes o grupo de música tradicional Leilía presenta o seu novo disco 'ConSentimento' na Estrada. Alí as integrantes do grupo cantarán o seu agradecemento personificado a Eva Castiñeira e a todas as nosas cantareiras e poetas, o noso ConSentimento. Será ás dez da noite no Teatro Principal da vila pontevedresa.

ConSentimento, o novo disco de Leilía, é unha homenaxe a todas as mulleres que fixeron e fan realidade a creación, a conservación e a transmisión da tradición oral galega. Un agradecemento personificado na figura de Eva Castiñeira, unha cantadora, unha pandeireteira, unha muller como tantas e tantas mulleres que, desde case o anonimato, sementaron a nosa terra de arte, cultura e beleza.

Coa inestimable colaboración do músico e arranxista compostelán Xoán Porto, propoñemos neste noso quinto traballo unha concepción musical acorde a unha nova realidade. Un disco no que a guitarra, o acordeón, o contrabaixo e a gaita, abrigan á perfección a beleza do canto tradicional e os versos de varias das mellores poetas galegas da actualidade como son Ana Romaní, Yolanda Castaño, Eva Moreda, Mariña Pérez, Eva Veiga, Ana Amado e Marilar Aleixandre. O deseño do espectáculo corre por conta doutro dos grandes profesionais da escena galega: Quico Cadaval.

A finais do 1989 Felisa Segade, Ana Rodríguez, Patricia Segade, Merchi Rodríguez, Montse Rivera e Rosario Rodríguez decidiron dar a coñecer a música tradicional de Galicia ao son de pandeiretas e voces convencidas de que o canto galego, pola súa singularidade e forza, debía ter un espazo propio nos escenarios. Así chegan ao seu quinto disco, que poderedes ver, escoitar e sentir o vindeiro 29 de novembro no Teatro Principal da Estrada ás 22 horas.

As entradas, a un prezo de dez euros, están á venda desde o 15 de novembro en De Cotío (Rúa Xelmírez, 26, Compostela) ou poden reservarse no teléfono 986 573 601 e retiralas media hora antes do inicio do concerto.

...comentarios..
:: Enlace a esta nova ::



X dí­a do orgullo gaiteiro (Ourense)
http://gaiteirosgalegos.com/index.php?option=com_content&view=article&id=2853:x-dia-do-orgullo-gaiteiro-ourense&catid=27&Itemid=18
(texto engadido o día 29/ / 11/ / 13 )


O vindeiro sábado día 30 de novembro no AUDITORIO MUNICIPAL de Ourense, salas bermella e azul, organizada pola AOFT Gomes Mouro.

Hai actividades específicas para nenos/as Este ano o homenaxe e as actividades están centradas no baile tradicional galego.

Mañá 11h Conferencia de Mercedes Peón, “o xénero no baile tradicional galego” 12-13.30 h Mesa redonda sobre “o ensino do baile tradicional galego. Presente e futuro”.

Tarde: 16.30-17.30 Pablo Díaz e Olga Kirk “Canta música” obradoiro infantil. 17.30 ACTO DE HOMENAXE: A LUIS PREGO, investigador, Mestre e divulgador da música e baile tradicional galego

A SENÉN MORGADE e ELENA DURÁN de Couso, Beariz, como perpetuadores do baile galego

18:00 h Presentación por Xandre Outeiro do Manüele. Método de pandeireta e canto tradicional galego

19:00-21:00 h Actuacións DE PÉ FEITO Agrupación tradicional Formada por 30 alumnos e profesores da Escola de Música Tradicional de Ourense, dirixida por Gonzalo Abelairas (parte musical) e Patricia López (parte vocal). http://aoftou.wordpress.com/

COANHADEIRA Recoñecido grupo folk ourensá

Programación guiada por Carlos Rafael

22 h CEA – FESTA do ORGULLO GAITEIRO En AIXIÑA, R/ Recaredo Paz, 1 (xunto Paco Paz) Prezo: 20 € (15 € alumn@s e socios AOFT Gomes). Reservas antes do 28 novembro a gabelairas@yahoo.es

...comentarios..
:: Enlace a esta nova ::



III Edición da Hora Galega no bar Baloca (Cambados)
http://atimeucambados.blogspot.com/2013/11/o-baloca-prepara-xa-iii-edicion-da-hora.html
(texto engadido o día 22/ / 11/ / 13 )


O Bar Baloca de Cambados , sito na praza de Alfredo Brañas , está xa a preparar  o 29 de novembro a iso das 10 da noite a III Edición da “HORA GALEGA” , que non é nada mais e nada menos  que facer sonar os nosos instrumentos preferidos , a gaita, tamboril,bombo e pandeireta, acompañada. Nesta ocasións os organizadores téñennos preparada a actuación dunhas pandereteiras cuxo nome non queren desvelar. A Verdade que vai ser difí­cil  superar  a II edición , pois a actuación de Vendavalada puxo o listón moi alto. E coma sempre haberá empanada e tortillas gratis e consumicións rebaixadas de prezo. Así­ que animádevos  e achegadevos o 29 de novembro polo “Baloca Bar” nos vos ides a arrepentir.

...comentarios..
:: Enlace a esta nova ::



IV Fia e Baile de Pandeireta (Trazo)
http://www.gaiteirosgalegos.com/index.php?option=com_content&view=article&id=2836:iv-fia-e-baile-de-pandeireta-en-trazo&catid=27&Itemid=18
(texto engadido o día 22/ / 11/ / 13 )


O sábado 23 de novembro ás 21 horas no Pavillon de Viaño Pequeno en Trazo. Coa músoca de:


- Gharatuxa Gaiteiros


- Coral de Castrosúa


- Retrouso e Recantos


- Grupo de pandeireta Xentiña de Trazo


- Pana Raiada


- Faiscas da Pontagra


- Pandereteirs de Anxeriz


- AC Raiolo


- Os Xeitosos  de Trazo


 

...comentarios..
:: Enlace a esta nova ::



Festa de Samaí­n en Xinzo de Limia
http://www.tempodelecerourense.com/eventos/consultar/6583/festa_de_samain_campo_da_feira_do_toural_xinzo
(texto engadido o día 30/ / 10/ / 13 )


O Campo da feira do Toural, en Xinzo de Limia, acolle o xoves, día 31 de outubro, a festa do Samaín.

Dende ás 17.00 horas haberá obradoiros de cabazas, coañeiras, cociña, colgaxes... concurso de tapas e bebedizos, xogos populares para todas as idades, procesión e chamada dos defuntos a toque de pandeireta e bombo (Solveira, Laroá, Rebordachá...)

A partires das 21.00 horas, cea e foliada das ánimas a cargo de Jalos de Antioquía, Cantaralai e Un feixe e músicos da Limia.

Para máis información dos concursos de pinchos e bebedizos ou inscricións, contactar nos teléfonos 988 460.824, 658.043.135 ou no mail trespes@yahoo.es. Os participantes deberán inscribirse antes do 29 de outubro e presentarse no campo da feira o día 31, ás 18.00 horas. Ás 19.00 horas o xurado elixirá aos gañadores.

O evento está organizado pola Asociación Escaparate de Ideas.

...comentarios..
:: Enlace a esta nova ::



Festa do Samaí­n e Foliada de Defuntos na praza do Berbés
http://avcascovello.com/
(texto engadido o día 30/ / 10/ / 13 )


A véspera de Santos, o xoves 31 de outubro, a partires das 17.30 horas, na praza do Berbés, celebraremos a Festa do Samaín. Unha festa, dirixida de xeito especial ás criaturas, pero na que tamén participaremos as xentes de máis idade para transmitirlles as tradicións, os costumes, as lendas, e divertírmonos todos e todas.
A Festa do Samaín é unha celebración das máis antigas do mundo celta, na que se celebra o remate do verán e das colleitas, e se lle abre a porta a estación escura, o inverno, coa que comezaba o novo ano. Unha oportunidade de relación entre os vivos cos seus antepasados.

PROGRAMA

A partir das 17:30 horas
Obradoiro de calacús
Obradoiro de caracterización con maquillaxe
Monstruiño total de Victor Cantero
Magosto infantil

FOLIADA DE DEFUNTOS

A partir das 20:00 horas, coa participación de
Chandainas de Alcabre
Aula de gaita, percusión e pandeireta do Casco Vello
Pandereteiras do Faneco
Tralovalo de Moreira

...comentarios..
:: Enlace a esta nova ::



Leilí­a: vinte e catro anos de camiño para unir pasado e presente - Homenaxe e actuación en Compostela
http://www.elcorreogallego.es/santiago/ecg/leilia-vinte-catro-anos-camino-unir-pasado-presente/idEdicion-2013-10-18/idNoticia-832652/#
(texto engadido o día 23/ / 10/ / 13 )


A cita está marcada no calendario. Leilía estará coas súas cantigas o vindeiro xoves, día 24, no Palacio de Congresos na XXIV Gala Gallegos del Año.

Foron pioneiras na recuperación do esquecemento da nosa tradición oral. A finais dos oitenta, Leilía, aquel grupo de seis mulleres iniciaban unha andaina baseada na posta en valor das pandeiretas e voces, máis alá dun simple acompañamento á música de baile. Despois de cinco traballos discográficos recoñecendo a creatividade da muller galega, levarán as súas cantigas ó Palacio de Congresos de Compostela na XXIV edición da Gala Gallegos del Año, onde recibirán unha merecida homenaxe.

"Os aplausos enchen, pero que sexas capaz de chegar a emocionar ou a facer recordar algo que leva camiño de extinguirse, é, sen dúbida, o máis importante, o que fai que pague a pena seguir". Así define Ana Rodríguez a filosofía que mantén Leilía desde hai case vinte e cinco anos no máis alto do panorama do folclore galego.

Será coincidindo co seu 24 cumpreanos, o vindeiro xoves, cando as cantareiras agasallarán coa súa música a todos os asistentes á XXIV Gala Gallegos del Año, promovida polo Grupo Correo Gallego.

Dicían os latinos que o término clasicus facía referencia ó primeiro no seu xénero ou a aquel que debe tomarse como modelo. Este é, sen dúbida, o caso de Leilía. Pero as cousas non xorden porque si. Até chegar aquí, o camiño foi longo e, ás veces, non exento de atrancos, aínda que, iso si, cheo de satisfaccións.

Corría outono de 1989, cando a un grupo de seis rapazas, así como por un cúmulo de casualidades, se lles empezaron a abrir unhas portas que nin elas mesmas esperaban. Desde aquela primeira aparición en público nun curruncho de Cacheiras estaban dispostas a demostrar que a música era universal. "Nós reivindicábamos no escenario un espectáculo unicamente definido por pandeireteiras, algo que até aquel momento non o fixera ningúen. Era algo anecdótico".

Ana Rodríguez e a súa irmá Rosario, Mercedes Rodríguez, Montse Rivera, Felisa Segade e a súa irmá Patricia non poden negar que están orgullosas de que, agora, 24 anos e cinco álbumes despois de iniciar a súa andaina, semella con total naturalidade a proliferación de grupos de pandeiretas ou a unión das voces das cantareiras xunto ós sons dos grupos de folk. É a percepción de que cantareiras e músicos son dúas linguas diferentes, pero complementarias.

A sucesión de premios obtidos polo grupo en máis de dúas décadas é tan extensa como merecida. Pero o primeiro semella que sempre ten un valor engadido, especial. Ana recorda que non foi outro que o concedido en 1991 na II Mostra Cidade Vella, ó mellor grupo folk-tradicional. O tempo encargaríase de que Leilía chegase polo seu propio peso a compartir as súas cantigas cos máis grandes e nos foros por excelencia da música folk: Ortigueira, Lorient...

"Detrás do labor de Leilía hai un gran traballo de campo e de recollida de material. Ti chegabas a algunha casa e aquelas mulleres tiñan que sacar como unha especie de telarañas da súa cabeza e romper moitos tabús. Pero aquelas mans recobraban vida. Hai que ter en conta que nós non somos creadoras, só transmisoras", di Ana Rodríguez.

Esta é a base fundamental do proxecto do grupo: a aldea e a defensa da muller como recuperadora da tradición oral. Baixo esta raíz, Leilia abría o seu propio camiño ó que nunca renunciaría. Cando chega o primeiro disco, Leilía (1994), aquel grupo de rapazas tiveron a forza e a coherencia necesaria para transmitir a súa verdadeira mensaxe "A razón de Leilía era, e seguirá a ser, rescatar do esquecemento as melodías que forman parte do noso pobo, unhas melodías abocadas a desaparecer con cada persoa que morre".

Unha vez consolidada esta raíz, era lóxico que chegara a evolución, un paso máis. Chegou entón o segundo traballo, I é verdade I é mentira (1998). A decisión non foi doada. "Custounos moito traballo dar este paso, pero é certo que a incorporación de arranxos musicais (feitos por Nando Casal e Antón Seoane, de Milladoiro) axudaron a moita xente a escoitar o folclore. Ana di que nesta decisión foi fundamental o labor de Suso de Toro, "sodes fillas da vosa terra, pero tamén do voso tempo". Milladoiro sempre foi moi importante para nós".

Con Madama (2003) o grupo seguía a mirar cara adiante. Incorporaría novos instrumentos e letras que abordaban temas de actualidade como o Prestige ou o conflito xudeo palestino en Pedras contra tanques, que foi elixida a mellor canción en galego pola Academia de las Artes y de las Ciencias de la Música. Dous anos despois, coincidindo co quince aniversario, sairía á luz Sons de Leilía, "un recompilatorio no que o grupo se propuxo incorporar temas que fixeramos nós, pero que estaban en traballos doutra xente como Milladoiro, Budiño, Bleizi Ruz ou Kepa Junquera".

Máis alá da evolución de Leilía, Ana Rodríguez destaca o último traballo, Consentimento (2011). Dalgún xeito, é como un resumo de toda a traxectoria do grupo. "Decidimos plasmar nun traballo e de xeito específico, neste caso dedicado a unha delas: Eva Castiñeira, unha cantareira anónima.

E vinte e catro anos despois aquí estamos. ¿O segredo? Unha perfecta sintonía e un proxecto común entre todas elas, moitísimas historias comúns e "seguir tendo ilusión por estar xuntas. Eso é máis que suficiente"

+ 1 noticia relacionada

...comentarios..
:: Enlace a esta nova ::



Aulas de música e danza "O Carballo" - Sárdoma (Vigo)

(texto engadido o día 22/ / 10/ / 13 )


"A Asociación Veciñal de Sárdoma, en Vigo, no seu afán por reimpulsar as súas actividades educativo-musicais neste curso 2013/2014, amplía o abano de materias a ofertar (ao lado dos tres grupos tradicionais xa existentes: Gaita, Canto e Pandeireta, Baile Galego), as cales poden ser consultadas no cartel que xuntamos.
Non deixemos pasar esta ocasión para aprender, reforzar ou ampliar en aulas individuais ou colectivas, como se prefira, aquel instrumento que sempre soñamos tocar ou na súa técnica afondar, ou dar renda solta ás arelas por aprender diferentes estilos de baile, desde o Ballet ao Hip-Hop!
Ponte en contacto con nós e infórmate sen compromiso!
Un saúdo.

O Equipo de Organización: Javier Santalices, Rosana Francisco e Xosé Oliveira."

...comentarios..
:: Enlace a esta nova ::



1º Concurso de Cabazas na Taberna Café Museo "A Baiuca" (Arteixo)

(texto engadido o día 20/ / 10/ / 13 )


- Pode participar quen quixer sen lí­mite de idades
- As cabazas iranse expoñendo a medida que vaian chegando, entre o 27 e o 29 de Outubro
- Do 29 de outubro ata o 30 haberá unha votación popular e o 31 decidirase a cabaza premiada na festa de comezo do SAMAíN
- O premio é unha cea para dous na BAIUCA + Unha pandeireta fabricada polo Obradoiro de Instrumentos Tradicionais J.R. de Carballo.

...comentarios..
:: Enlace a esta nova ::



IV Serán en Randufe (A Cañiza)
http://www.blogoteca.com/pradodacanda/index.php?cod=125295
(texto engadido o día 19/ / 10/ / 13 )


O campo de fútbol será testemuña dunha noite onde a música tradicional, terá o protagonismo no lugar das ilusións e decepcións futbolí­sticas.



O barrio da parroquia cañizense de Achas celebrará. este sábado, o seu IV Serán. A Asociación Cultural A Ruada de Randufe organiza esta festa. ís vinte e unha e trinta comezarán as pandeiretas e todo tipo de instrumentos, mesmo piñas, si fai falta, a interpretar o amplo repertorio que ofrece a música tradicional. O campo de fútbol de Randufe acollerá a carpa, que dará acubillo a músicos, bailadores e curiosos que se animen a asistir a esta cita. Os organizadores ofrecen pinchos e unha gran chocolatada.

...comentarios..
:: Enlace a esta nova ::



[1] [2] [3] [4] [5] [6] [7] [8] [9] [10] [11]


En 'Novas Relacionadas'



* XIII Encontro de Pandeireta Galega e Asturiana - Malmequer

* Día de emocións e sorpresas con Kepa Junkera e Pazos de Merexo

* Verkami para un disco de Retrouso

* 1º Concurso de Cabazas na Taberna Café Museo "A Baiuca" (Arteixo)

* "Sentímonos orgullosas de revalorizar a función da muller na música tradicional galega"


(mostráronse só as últimas recibidas)
buscar mais información
sobre pandeireta en
Ghastas Pista?

Voltar á páxina anterior

Ghastas Pista?

Falándoche de música galega dende o Século XX
info@ghastaspista.com

[ Discos ]-[ Historia..]-[ Novas ]-[ Concertos ]-[ Radio ]-[ De copas ]
[ Foro ]-[ Actualizacións ]-[ Videos ]-[ Outras ]