Ghastas Pista?

orballo
XML



   >> Iniciar Sesión  


Buscar información
sobre outro grupo / etiqueta:



Novas que incluen 'orballo':


XXXIV Día Da Muiñeira En Pontedeume

(texto engadido o día 26/ / 5/ / 17 )


Domingo 28 de maio ás 18:00h
Pabellon A Casqueira.
Avenida Da Marina.
Pontedeume.


Exaltación do baile máis tradicional de Galicia : A Muiñeira.

Se formas parte dunha asociación ou colectivo de baile tradicional e queres que o teu grupo participe, escríbenos a orballo@orballo.org e informámoste

Se che gusta o baile tradicional, non o podes perder!!!! Esperámoste o vindeiro 28 de Maio no Pavillón da Casqueira!!
- Orballo -

...comentarios..
:: Enlace a esta nova ::



XXXIII Día da Muiñeira en Pontedeume

(texto engadido o día 29/ / 5/ / 16 )


Domingo 29 de maio
PRAZA DO CONDE-PONTEDEUME

Exaltación do baile máis tradicional de Galicia : A Muiñeira.

Se formas parte dunha asociación ou colectivo de baile tradicional e queres que o teu grupo participe, escríbenos a orballo@orballo.org e informámoste

Se che gusta o baile tradicional, non o podes perder!!!! Esperámoste o vindeiro 29 de Maio na Praza do Conde!!!

Logo de tantos anos a Muiñeira voltará a soar aos pes do Torreón dos Andrade!!!!

...comentarios..
:: Enlace a esta nova ::



XXXIII Día da Muiñeira en Pontedeume

(texto engadido o día 21/ / 4/ / 16 )


Domingo 29 de maio
PRAZA DO CONDE-PONTEDEUME


Se formas parte dunha asociación ou colectivo de baile tradicional e queres que o teu grupo participe, escríbenos a orballo@orballo.org e informámoste

Se che gusta o baile tradicional, non o podes perder!!!! Esperámoste o vindeiro 29 de Maio na Praza do Conde!!!

...comentarios..
:: Enlace a esta nova ::



A.F.C.ORBALLO (Pontedeume) - Curso 2015/2016

(texto engadido o día 19/ / 9/ / 15 )


Arrancamos!!!! unha nova andaina para aprender!!!!
Información orballo@orballo.org - tfno: 669 751 832

...comentarios..
:: Enlace a esta nova ::



ASOCIACIÓN FOLCLÓRICA CULTURAL ORBALLO - ABERTO PRAZO DE MATRÍCULA PARA O CURSO 2014-2015
http://www.orballo.org/?p=347&lang=es
(texto engadido o día 1/ / 9/ / 14 )






...comentarios..
:: Enlace a esta nova ::



VI Noite da Moura en Rebordechán (Crecente)

(texto engadido o día 14/ / 6/ / 14 )


O 14 de xuño, a partir das 10 da noite, en Rebordechán (Crecente), ven vivir con nós a VI NOITE DA MOURA.

A lenda afirma que “a danza dunha moura encantada provocaba que, as cagalletas dunha cabra se converteran en pepitas de ouro coas que se regalaba fartura para todo o ano aos veciños de Rebordechán (Crecente), ademais dun fillo, para que se mantivese a estirpe. Os habitantes agradecíanllo aos deuses, tocando gaitas e tambores; comendo carne de porco, bebendo viño baixo o orballo, ata o raiar do novo día, para ver bailar o sol, cunha cunca de caldo na man”.

Por iso, este ano, segundo o peso das cagalletas da cabra, daremos ao seu fillo. E sortearemos trebellos da aldea.

E, durante toda a noite, música tipo serán.
Ven disfrutar con nós!

...comentarios..
:: Enlace a esta nova ::



Vive o ANTROIDO en ORBALLO (Pontedeume)
http://www.orballo.org/?p=319&lang=es
(texto engadido o día 28/ / 2/ / 14 )






- entroido2014 -

...comentarios..
:: Enlace a esta nova ::



V Noite da Moura en Rebordechán (Crecente - Tui)
http://www.todocondado.com/index3_eventos.php?pid=887
(texto engadido o día 15/ / 6/ / 13 )


O sábado 15 de xuño celébrase en Rebordechán, Crecente, A Noite da Moura.

A lenda afirma que “a danza dunha moura encantada provocaba que, as cagalletas dunha cabra se converteran en pepitas de ouro coas que se regalaba fartura para todo o ano aos veciños de Rebordechán (Crecente), ademais dun fillo, para que se mantivese a estirpe. Os habitantes agradecíanllo aos deuses, tocando gaitas e tambores; comendo carne de porco, bebendo viño baixo o orballo, ata o raiar do novo día, para ver bailar o sol, cunha cunca de caldo na man”.

Por iso, este ano, segundo o peso das cagalletas da cabra, daremos ao seu fillo. E sortearemos cousas da aldea.


E, durante toda a noite, Serán.



...comentarios..
:: Enlace a esta nova ::



Un orballo para Blanco Torres - En Cuntis

(texto engadido o día 16/ / 3/ / 13 )


18 de Marzo na Sala de Usos Múltiples do CPI Aurelio Marcelino Rey García

...comentarios..
:: Enlace a esta nova ::



Presentación do disco de ORBALLO na Casa de Cultura de Pontedeume
http://www.orballo.org/?p=252&lang=es
(texto engadido o día 2/ / 3/ / 13 )


A AAFC ORBALLO presenta o seu disco na Casa da Cultura de Pontedeume. Sábado 2 de marzo a partires das 20:30h

...comentarios..
:: Enlace a esta nova ::



Noite da Moura, 16 de Xuño en Rebordechán (Crecente)

(texto engadido o día 16/ / 6/ / 12 )


A lenda afirma que "a danza dunha moura encantada provocaba que, a cabra obsequiara aos veciños de Rebordechán cun fillo, para que se mantivese a estirpe. Os habitantes agradecíanllo aos deuses tocando gaitas e tambores, comendo carne de porco e bebendo viño baixo o orballo ata o raiar do novo día, para ver bailar o sol cunha cunca de caldo na man".

Nós, devanceiros, convidámosvos a compartir connosco esta noite máxica:

PROGRAMA:

21:30 Comeza a Noite da Moura
23:30 Queima das herbas polo Feiticeiro e Damas dos Castros, danza da Moura e saída da cabra
00:00 Carne de porco e caldo gratis

E, durante toda a noite, SERÁN!

VEN PASALO BEN CON NÓS!

...comentarios..
:: Enlace a esta nova ::



NOITE DA MOURA en Rebordechán
http://www.facebook.com/event.php?eid=128047237275034
(texto engadido o día 18/ / 6/ / 11 )


A lenda afirma que, “en Rebordechán dáse unha noite máxica cada mes de xuño, na que, a reunión das damas dos castros e o feiticeiro da aldea, fan posible un bo ano nas nosas terras; así como invocan a presenza da Moura encantada. Ela danza na eira do Castro do Coruxón, facendo que, as caghalletas dunha cabra, adquiran o valor do seu peso en ouro, regalando, deste xeito, fartura. Os habitantes, dende sempre, agradécenllo aos deuses, tocando gaitas e tambores de pel de carneiro; comendo carne de porco, bebendo viño e augardente con mel baixo o orballo, ata o raiar do novo día, para ver bailar o sol, cunha cunca de caldo na man”.

Este ano, a cabra encantada deixou de ser materialista e pensou en obsequiar aos veciños cun fillo, para que se mantivese a estirpe.

O programa é:
21:30 – Comeza o acto
23:30 – Queima das herbas polo Feiticeiro e Damas dos Castros
Danza da Moura na Eira do Castro
Saída da cabra
00:00 – Carne de porco gratis

E, durante toda a noite, música tipo serán.

Se queres disfrutar con esta historia, con esta festa, non o dubides... ¡VEN! ¡Unha aldea diferente, espérate!

...comentarios..
:: Enlace a esta nova ::



A «galecidade» do Brasil (segunda entrega)
http://www.lavozdegalicia.es/ocioycultura/2009/06/09/0003_7772893.htm
(texto engadido o día 10/ / 6/ / 09 )
O gaiteiro Carlos Núñez narra para La Voz as semellanzas que atopa entre a fala do interior do país tropical e o galego

Se damos unha volta polo Museo da Lingua Portuguesa de São Paulo atoparemos un vídeo no que Caetano Veloso nos di que o portugués do Brasil é a mellor lingua do mundo para cantar. ¿Lembrades cando na escola nos contaban aquilo de que o rei Alfonso X o Sabio, mentres utilizaba o castelán para as leis, escribía as cantigas en galego?

Alí sorpréndenos unha xigantesca árbore xenealóxica das linguas na que aparece o nacemento do portugués, fillo do latín vulgar coma o francés, o castelán, o catalán e o provenzal. E atención: nin rastro do galego...

Afortunadamente, tras o noso desencanto, na «sala interactiva» deste museo, xenialmente concibida polo meu amigo o erudito e artista José Miguel Wisnik, descubrimos como os meniños e os estudantes xogan e cantan a ritmo de rap o Ondas do mar de Vigo do noso Martín Códax, facendo unha ponte co Rúas do meu São Paulo do seu Mario de Andrade. Había tempo que eu intuía que a utilización do RAP ( rhythm and poetry ) permitiría a reinterpretación dunha canción que levaba esperando máis de cen anos: a Alborada de Rosalía de Castro. Naquel museo comprendín que ninguén mellor que os brasileiros para facer con mestría esa «poesía ritmada».

Calquera galego ao aterrar no Brasil ten a sensación de chegar a outro planeta, cunha paisaxe tropical e humana moi diferente. É a lingua a primeira en abrazar ao novo visitante... En poucas horas, esqueceremos que o que falan non é galego, senón un portugués sorprendentemente próximo ao galego. Tamén no museo achamos que a explicación disto parece ser que o portugués do Brasil ficou aferrado a unha versión arcaica da lingua, conservando variantes hoxe rexionais en Portugal. Se cadra, xusto como moitos portugueses perciben hoxe o galego.

Polo que ata agora me explicaron, aínda non están estudadas as posibles conexións entre o portugués do Brasil e o galego, porque oficialmente son dúas linguas diferentes. Pero tamén hai lingüistas que consideran que realmente son tres linguas: portugués do Brasil, portugués europeo e galego. E hainos que consideran que son só unha, malia que na actualidade haxa diferenzas importantes, especialmente na escrita.

Outra maneira que teñen de chamarlle a este suposto arcaísmo brasileiro é medievalismo. Esta idea está moi espallada no Brasil. Alí gustan de pensar que nalgúns recantos no mítico Sertão segue viva a Idade Media europea ou ibérica.

É sorprendente como aínda hoxe no Nordeste -a primeira rexión do Brasil en ser colonizada- seguen vivos moitos costumes medievalizantes: os romances, a literatura de cordel coma a dos nosos cegos nas romarías, os improvisadores e repentistas como os das nosas regueifas.

Modernistas e xeración Nós

Esta herdanza tivo tamén o seu reflexo na alta cultura , sobre todo a partir dos modernistas nos anos 20. Eles foron os grandes creadores do imaxinario brasileiro tal e como hoxe o coñecemos, baseado na misciginaçao -a mestura de indíxenas, africanos e europeos-. Interesáronse moito polo folclore e a música. E tamén estudaron esta parte medievalizante do Brasil. Como vimos no museo, os seus grandes poetas como Mario de Andrade e Manuel Bandeira, mesmo escribiron á maneira dun Meendinho ou Martín Códax, como fixeron aquí os neotrovadoristas.

Como nos comentou o antropólogo António Medeiros, «modernista adora arcaísmo». El salientou as semellanzas entre o Manifesto modernista no Brasil do 1922 e o galego de Nós, do 20. Un membro daquela xeración, Guilherme de Almeida, visitou Galicia no ano 33 e chegou a publicar un artigo na revista Nós , titulado Galliza, pátria da Canção . Non debemos esquecer que as cantigas galego-portuguesas eran poesía mais tamén música, e un brasileiro non ía pasar iso por alto... O seu cicerone en Galicia foi Valentín Paz Andrade.

E chegamos á tese dun dos nosos pioneiros, Paz Andrade: no Brasil consérvase moito da vella Gallaecia, que estaría aínda ben presente na cultura dos portugueses cando estes desembarcan no Brasil. Posteriormente, o galaico diluiríase en Portugal coa influencia de Lisboa, do sur, e na costa do Brasil, mais ficaría vivo no interior.

Paz Andrade estudou a galecidade, moi especialmente na obra do para moitos máis importante escritor brasileiro do século XX: o mineiro João Guimarães Rosa, quizais pouco coñecido fóra do Brasil por non tratar na súa obra a cultura do carnaval, praia e samba, senón a dese descoñecido interior. Minas Gerais é un estado máis grande que España. Culturalmente, mesmo na paisaxe, é do máis próximo a Galicia que achei alí. Os mineiros son parecidos a nós mesmo nos tópicos: son desconfiados, responden a unha pregunta con outra pregunta, son conservadores e calados, misteriosos?

No seu impresionante rastrexo, Paz Andrade atopou palabras e expresións tan galegas como: lusco-fusco, aquí e acolá, sol-se-por, arco da vella, demo, lobisomen, orballo, corozas, queixume, vagalume... E costumes como os toques das campás ou sinos, as alfombras de flores no Corpus, o carro de bois, a coca, as penlas, as fogueiras de San Xoán? Eu, que estiven alí, pódovos asegurar que todo isto é verídico. Incluso non puiden resistirme a gravar dúas cancións mineiras no disco de tan galegas como soaban.

O segredo de que a cultura de Minas sexa tan parecida á nosa é aparentemente sinxelo: cando no século XVIII se descubre a riqueza mineira no interior brasileiro os principais poboadores foron os miñotos, ou sexa, os galegos de Portugal. Lembremos que o Miño era o sur da Gallaecia histórica, que se parte en dúas, dando orixe a Portugal. O Miño, como Galicia, disfruta da revolución provocada polo millo chegado de América, a riqueza que se ve aínda nas construcións barrocas pero que provoca un exceso de poboación que ten que emigrar.

É curioso que este éxodo de miñotos a Minas está dalgún xeito na orixe da emigración galega ao Brasil. Os galegos emigran a Portugal desde sempre. Pero moi especialmente enchen este baleiro deixado polos miñotos e de aí pasarían ás cidades, Porto e Lisboa. Nelas escoitan as historias de riqueza dos brasileiros retornados e comezan a emigración galega a partir do XIX e XX que coñecemos.

¿Terá todo isto o seu reflexo na música?
- Carlos Núñez- Brasil -

+ 1 noticia relacionada

...comentarios..
:: Enlace a esta nova ::



Carlos Núñez: Brasil somos nós
http://www.lavozdegalicia.es/ocioycultura/2009/05/31/0003_7753371.htm
(texto engadido o día 1/ / 6/ / 09 )


O gaiteiro galego Carlos Núñez conta para La Voz de Galicia a súa experiencia de un ano en Brasil dedicado a investigar e a preparar o seu novo disco, «Alborada do Brasil», de próxima aparición.

Veño de pasar un ano percorrendo Brasil, gravando o meu novo disco. Lanzarémolo dentro de dúas semanas. Chamarase Alborada do Brasil en homenaxe a unhas proféticas palabras que deixou escritas o meu avó. O seu pai, meu bisavó, José María Núñez, emigrou alí a principios do século XX dende A Mezquita (Ourense) e desapareceu. Sempre se dixo que o mataran por celos profesionais. El era músico, coma min, e sempre sospeitei o que as pesquisas están confirmando: que, en realidade, como moitos galegos, iniciou unha nova vida no Novo Mundo.

Pero isto non é o máis importante da historia. A cuestión é que esta frutífera exploración musical acabou por se converter nunha auténtica viaxe iniciática na que aprendín unha chea de cousas que atinxen a Galicia. Estas son as que gustaría de compartir con vós nesta serie de artigos que hoxe comeza, esperando que as miñas andanzas polo Brasil sirvan a máis xente.

Onde pervive a alma da gaita

Brasil sempre ten sido para os galegos unha patria secreta onde desaparecer. En Brasil falan a lingua seguramente máis semellante ao galego que existe, se non é a mesma... No Brasil segue viva a alma da gaita, transmutada noutros instrumentos. Alí, a cultura das cantigas medievais galego-portuguesas, os nosos instrumentos musicais cáseque desaparecidos, as nosas tradicións... mesturáronse e fixéronse universais. En Brasil vive o noso pasado e quen sabe se o noso futuro.

Alí atopamos a nosa desexada síntese entre a cultura urbana e rural. No Brasil, as ondas do mar, a alborada, as noites de luar, as estrelas, as fogueiras de san Xoán, as sereas, as bruxas e o orballo, por non falar dos nosos diminutivos... gozan do glamour do artisticamente universal. Dito con outras palabras: no Brasil vive unha Galicia cool . Imaxinade a cara coa que ficaron os da Sony cando lles contei todo isto mentres escoitabamos o disco: «¡Carallo con estos gallegos! Ahora van y crean la música galego-brasileira!».

O caso é que volvo a casa convencido de que a nosa relación con Brasil pode ser clave para Galicia na nosa continua reinvención do país e, por que non dicilo, na creación de novos mercados. Sei que está todo por facer, pero penso que poderíamos estar diante dunha nova conexión artística tan potente como foi a música celta, coa que dalgún xeito conseguimos, dende mediados dos anos noventa, poñer a Galicia no mapa para moita xente.

Na ronda de sabios que entrevistamos para o documental que estamos a facer en paralelo ao disco, Ramón Villares, presidente do Consello da Cultura Galega, xa nos avisou: «Brasil é unha grande aposta, non só económica, senón tamén cultural». O meu amigo Manuel Bragado, director de Xerais, resumiuno en tres palabras: «Brasil somos nós». Hai pouco tempo, Juan Luis Cebrián foi aínda máis alá e dixo que «Galicia ten a sorte de ser a terra das cantigas e pode ser a ponte de España e Europa co Brasil».

Sorprende que semellante mina non teña sido explorada por Galicia. Brasil non forma parte do noso imaxinario de afinidades como Arxentina, Cuba, Irlanda ou Portugal. Ata agora a nosa relación con este xigante de xa case douscentos millóns de habitantes debémoslla ao calado e tenaz traballo dos nosos emigrantes, aos non sempre comprendidos reintegracionistas e amantes da lusofonía e a algún pioneiro como don Valentín Paz Andrade, que nos anos setenta publicou unha xoia da que xa falaremos a próxima semana e que nos descobre un novo concepto: a Galecidade do Brasil.

Ninguén lles dixo de nós

O brasileiro de a pé descoñece a existencia de Galicia. Non é a súa culpa, nunca llo contaron. Era duro para Portugal recoñecer que parte da súa cultura vén dun territorio «lá na Espanha». Incluso ignoran onde está exactamente Santiago de Compostela. En cambio, o Camiño fascínaos, proba é o éxito sen precedentes do escritor Paulo Coelho.

Cando descobren que «todo iso» vén dese misterioso país, que non trae aparellado o «imperialismo» europeo, que tanto amola aos brasileiros, entón apúntanse sen dubidalo... Dalgún xeito Galicia axuda aos brasileiros a descubrírense a eles mesmos, nunha parte da súa historia que nunca lles contaran.

Nélida, a introdutora

Comeza a renacer un orgullo sen precedentes. A galego-brasileira Nélida Piñón, primeira muller presidenta da Academia Brasileira das Letras, nas súas aparicións televisivas e na súa obra, fala habitualmente do seu pequeno país de orixe. Trátase dunha persoa cunha intelixencia e enerxía deslubrantes.

Nélida foi un dos meus introdutores na jet cultural de Rio de Janeiro. Nas elites brasileiras dáste de conta do importante que é a música para o país. Todos, absolutamente todos, dende os escritores, os políticos, os empresarios, os militares... saben de música. Todos teñen os seus gustos musicais ben definidos e saben que no fondo, a música é unha das identidades máis fortes de Brasil, por enriba doutras artes. Lembremos a Gilberto Gil como carismático ministro de cultura.

Cecais o único lugar do Brasil onde todos saben que é un galego sexa Salvador de Bahía. Alí a nosa comunidade é potente e está moi ben organizada. Carlinhos Brown contounos que os galegos foron os primeiros en darlle traballo, nunha panadería. Gravar con este xenio indomable foi algo máis que música, foi unha experiencia antropolóxica.

Ter diante ao meu tocaio do Candeal ulíndote e examinándote, como faría un paisano noso, confirmoume a teoría que fun consolidando en Bahía: que entre negros e galegos hai algo moi profundo que nos une e produce unha irreprimible atracción. Quizais por iso no Brasil galego tamén significa 'louro, rubio, branquiño'. Son os opostos que se atraen.

Os outros grandes centros actuais do «poderío galego» son São Paulo e Rio de Janeiro. Alí, é curioso que máis que exhibirse, sempre tenden a esconderse misteriosamente... No Brasil os galegos aprenderon a organizarse en empresas con varios socios. Raro é atopar cabezas visibles, con excepcións que ben darían unha novela ou un filme...

Os galegos alí sempre se camuflaron como portugueses, máis que españois, ou simplemente como brasileiros. Este é un país que se come todo, non crea guetos étnicos. Todo ser humano transfórmase nun tempo récord en brasileiro. Iso mesmo acho que fixo o meu bisavó.

É posible que as percepcións dun músico non sexan científicas, pero como dixo un tal Leite de Vasconcellos: «Os artistas adivinham muitas vezes o que, por outro lado, os investigadores de História descobrem a custa de fatigante labor cerebral».



Noticia enviada por Estevo das Horas

- Carlos Núñez- Brasil -

+ 2 noticias relacionadas

...comentarios..
:: Enlace a esta nova ::








Asociación Folclórica Cultural Orballo



Web oficial







buscar mais información
sobre orballo en
Ghastas Pista?

buscar mais información
sobre orballo en
Ghastas Pista?

Voltar á páxina anterior

Ghastas Pista?

Falándoche de música galega dende o Século XX
info@ghastaspista.com

[ Discos ]-[ Historia..]-[ Novas ]-[ Concertos ]-[ Radio ]-[ De copas ]
[ Foro ]-[ Actualizacións ]-[ Videos ]-[ Outras ]