Concerto a ceo aberto contra a megaminería contaminante en Galiza - 31 de Maio en Carballo
(texto engadido o día 22/ / 5/ / 13 )
GRUPOS: -María Xosé Silvar (SES) e Leo i Arremecághona!! -N.O.M (Nova Orde Mundial) -Quempallou -Zënzar Todos eles actúan de balde e A Plataforma pola Defensa de Corcoesto e Bergantiños pon a infraestrutura para que que a súa indignación cante. Só pedimos que respondas ao noso berro acudindo ao concerto, defendendo coa túa presenza a posibilidade de seguir tendo unha terra na que aínda se poida vivir, na que aínda se poida morrer. Porque ata a posibilidade dunha morte digna está en xogo. Faite presente para estar futuro.
MANIFESTACIÓN O DOMINGO 2 DE XUÑO EN COMPOSTELA ÁS 12 DA MAÑÁN NA ALAMEDA
Haberá autobuses dende Vigo e dende o Miñor. Custa 8 € e o percorrido e horario para coller á xente son os que siguen: Na Ramallosa (ao pé da capela da alameda) ás 9.15. En Nigrán (diante da casa do Concello) ás 9.25 Nas Travesas (diante do Sta. Irene) ás 9.45 Na Praza de España (na parada dos autobuses) ás 9.50 A volta é ás 4 da tarde. Por favor, reserva con tempo a túa praza.
O goberno galego quere facer de Galiza unha mina. Está malvendendo o noso territorio, cachiño a cachiño, ás multinacionais mineiras. De paso, saca un Plan Sectorial de actividades extractivas que pon a minaría por riba de calquera outra actividade. Mesmo por riba das que nos permiten obter os nosos alimentos, como se fose máis importante obter minerais que alimentarse. Non podemos permitirllo. Non deixaremos que nos rouben o noso futuro. Vén con nós o día 2 berrarlle á Xunta que queremos conservar o noso territorio. GALIZA NON É UNHA MINA
Galicia enteira está afectada: A Coruña (As Fragas do Eume, Corcoesto....), Lugo (A Terra Cha, A Fonsagrada....) , Ourense (Viana do Bolo, Quiroga, A Limia, O Ribeiro, Casaio ......... ) Pontevedra ( Forcarei, Vila de Cruces, A Groba, O Galiñeiro....).
Son minas a ceo aberto buscando ouro, plata, cobre, tantalio, columbita, seixo, feldespato, andalucita, Terras Raras....
En Corcoesto o método previsto para a extracción está prohibido na Unión Europea, pero aquí da o mesmo, pretenden utilizar cianuro! A expropiación faise forzosa e o precio do terreo, terreo en produción agricola e gandeira, márcano en pouco maís de un euro o metro cadrado. Se pasamos por esta aos demáis farannos o que lles pete.
A Consellería de Industria co lema "Galicia é unha mina" e as empresas canadianas co capital suizo darán cabo de nós se non lles facemos fronte. Este é un ataque ao territorio sen parangón, un ataque a nós, un golpe de morte ao medio natural, é a destrución de centos de postos de traballo, é a anulación do noso desenvolvemento social.....
Uxía Senlle na Escola Oficial de Idiomas de Compostela: MARTES 21, 20 HS http://ow.ly/l1DFd
(texto engadido o día 20/ / 5/ / 13 )
Concerto de Uxía Senlle "a voz do Atlántico" acompañada dos "brasilegos" Sergio Tannus e Paulo Silva. Uxía concibe escribindo palabras e músicas que saen do máis profundo e íntimo do ser, da alma. É unha das voces máis populares e valoradas da nosa lingua. As súas cancións teñen sempre a presenza latente ou explícita da música tradicional, cun tratamento anovador e persoal. MARTES 21 de maio ás 20:00 no Salón de actos da EOI.
RUA PEONIL DE BOIRO • Biblioteca e librarías na rúa. • Happening do grupo de “Teatro do Improvisto”: OS BOLAÑOS • Entrega de premios do Certame de Marcapáxinas. • Recital poético a cargo do alumnado dos Centros de Ensino Primario de Boiro. • Concerto de Xoán Curiel: poemas de autores galegos: Rosalía, Cunqueiro, Antía Otero...; autores portugueses e brasileiros (Gisneide, Ervedosa, Socorro Lira...).
PAZO DE GOIÁNS: 11:00 horas: apertura recinto e recibimento participantes. 11:45 horas: actuación do grupo de pandeireteiras Nunca é tarde e Albaroque. 12:30 horas: actuación do grupo de gaitas Algharabía e da Escola de Música Municipal de Boiro. 13:00 horas: mostra de baile galego a cargo do grupo Xilbarbeira. 13:30 horas: xogos tradicionais e populares para todas as idades. 13:30 horas: mostra de baile e música galega a cargo da A.C. Queixucas. 14:00 horas: mostra de encaixe a cargo de Palilleiras Galegas. 14:30 horas: xantar, coa presenza dun polbeiro, que ofrecerá racións de polbo, carne ao caldeiro, churraso, viño do país. 16:00 horas: lectura teatralizada da obra de: Roberto Vidal Bolaño, a cargo de grupo Airiños. 16:30 horas: actuación de Serafín Marcos, co espectáculo: Roberto Vidal Bolaño: unha vida de teatro. 17:15 horas: presentación do libro A noite branca, de Francisco Fernández Naval e discursos institucionais. 18:00 horas: xogos tradicionais e populares para todas as idades. 18:00 horas: paseo botánico e etnográfico pola leira do pazo de Goiáns, con explicacións do profesor Xulio Gutiérrez e Xosé Manel Vázquez Lijó. 19:00 horas: actuación do grupo de pandeireteiras O Son das Ferreñas, As Xoaniñas e Lumieira.. 20:00 horas: Actuación da Banda de Música Tradicional Suevia, de Porto do Son. 21:00 horas: Actuación do gaiteiro Edelmiro Fernández. 22:30 horas: Remate da III Romaría das Letras.
Así mesmo, durante toda a xornada estarán abertos ao público os stands dos colectivos colaboradores e a exposición fotográfica sobre Roberto Vidal Bolaño, de Manolo Blanco.
GRUPOS PARTICIPANTES Banda de Música Tradicional Suevia de Porto do Son Escola de Música Municipal de Gaitas de Boiro Riola Lumieira Albaroque Xilbarbeira O Son das Ferreñas As Xoaniñas Nunca é tarde Algharabía A.C. Queixucas Palilleiras Galegas
Dez anos despois, Noitarega volve ao Teatro da Área Panorámica de Tui: en 2003, para participar na temporada de inauguración dun espazo sonoro de calidade; en 2013, para celebrar unha década dese Teatro, e máis de dúas do propio Grupo.
Prometemos música, diversión, entretemento..., e sorpresas para os que cheguen desde 30 minutos antes...: non podes perder esta festa das letras e as músicas galegas!!!!!
A localidade de Vilanova dos Infantes, Celanova, celebra o venres, día 17 de maio, unha nova edición da Romería Etnográfica Raigame, declarada de Interese Turístico Galego.
O burgo medieval verá transformada unha vez máis a súa fisonomía para revivir vellas romerías de principios do século XX, albergar espectáculos, reunir oficios tradicionais e ofrecer a mellor gastronomía da nosa terra.
O Real Coro "Toxos e Froles" convídaos ao concerto que terá lugar no noso local social da rúa Magdalena 220 (Ferrol) o vindeiro sábado 18 de Maio ás 20:30 horas. Nesta ocasión contamos coa presenza do Coro Aimil de Xinzo de Limia (Ourense).
Formado por un grupo de xente que gosta do canto popular como mostra do espíritu lúdico da música, recolle a herdanza musical dos coros galegos iniciada en 1883 polo pontevedrés Coro Aires da Terra e continuada polo Real Coro Toxos e Froles, Cántigas da Terra, Coral De Ruada, Cantigas e Agarimos, ... Nesa arela de transmisión e continuidade, o Coro Aimil achega unha nova xeira na reinterpretación de cantos populares, así como incide na procura e desenvolvemento de temas da tradición musical galega. Ao longo de estes anos, o Coro Aimil participou en varios eventos musicais de carácter local, autonómico e internacional, como os organizados polo Orfeão de Barrô (Águeda, Portugal) e a Asoc. Cultural de Canidelo (Vilanova de Gaia, Portugal) ou o internacional de Coros organizado pola Coral De Ruada. Dende fai tres anos o Coro Aimil organiza un festival anual baixo o nome xenérico de "Coralimia", no que se van dando cita prestixiosas agrupacións de ámbeto internacional. Sendo así que na primeira edición contou coa presenza do Real Coro Toxos e Froles. Compoñen o Coro Aimil trinta voces mixtas e grupo instrumental. Dirixe o Coro Aimil dende a súa fundación o gaiteiro ferrolán Fernando Dopico Blanco.
CANCELADO - O Bule-Bule. Concertos na véspera do Día das Letras na Sala Capitol (Compostela)
(texto engadido o día 13/ / 5/ / 13 )
O xoves 16 de maio, véspera do Día das Letras Galegas, celebrarase un concerto por todo o alto na Sala Capitol de Santiago de Compostela, con motivo da festividade da lingua. O cartel estará formado por tres bandas galegas: Ruxe-Ruxe, Os da Ría e Banda Crebinsky, as tres con estilos inconfundibles e que ademais que se caracterizan pola calidade das súas propostas e o compromiso con Galicia.
A noite será unha auténtica festa, apta para todos os públicos, no que a boa música, o espírito transgresor e a diversión están garantidos, de xeito que o público asistente viva unha noite de baile e algarabía con bandas galegas, e en galego, a modo de preámbulo da festividade do Día das Letras Galegas, que este ano rende homenaxe o autor compostelán ao que se fai un aceno co sobrenome do evento a través do título dunha das súas derradeiras obras “A noite que os chífanos deixaron de zoar”.
Xa logo chega!!! Xa está aí unha nova edición de Ao Son do Masma, un festival que tenta achegar a música tradicional galega a tod@s @s amantes da música do país na Mariña e demáis xente que queira achegarse.
Pero ademáis de música o festival tamén pon en valor un dos nosos mellores e maís fermosos reclamos: o río Masma. Por iso, algunha das actividades como o ROTEIRO ou unha BAIXADA POLO RÍO, novidade este ano, xirarán entorno a este enclave.
Actividades durante o día: -Feira de Artesanía -Productos da Terra -Instrumentos Tradicionais -Obradoiros -Xogos Populares e Tradicionais -Constante animación musical da que se encargarán NOELIA FERSÁN, AIRIÑOS DA FREBA e CÉ ORQUESTA PANTASMA.
Á NOITE, a iso das 23h chegará o prato forte do Festival cos CONCERTOS:
-LEÑA VERDE -CARAPAUS -ZURRUMALLA
Recorda que haberá zona de acampada se así o desexas.
Domingo 12 de Maio 20:30 - entrada de balde Igrexa da Universidade - Santiago
Palestra: Jose Luís do Pico Orjais Concerto: Isabel Rei (GZ) + Roberto Moritz e Roberto Moniz (Madeira)
Dentro do proxecto de intercambio Comenius Regio entre entidades galegas e madeirenses, aCentral Folque organiza este acto no que se interpretarán en diferentes instrumentos de corda pulsada: guitarras, viola de arame, rexão,... un repertorio histórico recollido en Cancioneiros do século XIX de ámbalas dúas rexións. Previo ao concerto haberá unha palestra impartida por José Luis do Pico Orjais sobre o tema e a aparición de música para guitarra nos cancioneiros históricos galegos. O recital será a cargo de Isabel Rei (GZ) e Roberto Moritz e Roberto Moniz (Madeira) de Xarabanda. Esta é unha oportunidade única para apreciar as músicas transcritas para estes instrumentos e escoitar a riqueza das nosas músicas.
Este ano celebramos a XXXI edición da Festa dos Maios. Esta festa de recibimento da primavera e da fermosura e sensualidade que trae con ela, na que os campos se enchen de flores e as rúas de xentes contaxiadas polo optimismo que a luz e as caricias dos raios do sol sobre a pel espida produce nelas, é unha celebración ancestral que recuperamos para o goce da veciñanza.
Coincidindo coa festa dos Maios a Asociación veciñal e Cultural Casco Vello fai un recoñecemento a persoas ou colectivos que se teñan destinguido pola súa contribución na mellora da calidade de vida, coñecemento e/ou defensa do barrio histórico e da súa cultura. Como proba deste agradecemento, fáiselle entrega da escultura do Maio de Cor, escultura cerámica realizada por Emilia Guimerans.
Ese ano acordamos outorgarllo á Fundación Penzol, no ano en que se cumpren o cincuentenario da súa fundación e o centenario do nacemento do que do que fora o seu fundador e primeiro director don Francisco Fernández del Riego.
O traballo e compromiso e dedicación da Fundación Penzol con Galicia, con Vigo e co seu barrio histórico fana máis que merecedora deste recoñecemento.
PROGRAMA
10h Comezo dos obradoiros 11:00h Obradoiro de debuxo 12:00h Actuación de Codia e Miolo 13:00h Animación de rúa 17:00h Animación de rúa 18:00 Entrega Maio de cor. De seguido, representación da festa dramatizada dos Maios O remate presentación do quinto traballo discográfico d’ Os Carunchos, Ti que?
Xulio Formoso, Farruco Sesto Novás, Celso Emilio Ferreiro -tocando o pandeiro na
Pandirada do Che- e J.J. Sesto Novás, ademáis de temas de compoñentes de Voces Ceibes: Galicia Canta
