De repente chegas a unha sala chea de xente expectante e impaciente, nervios, os asistentes mirando o escenario e ¡comenza o espectáculo!, subidón, as
..>>
De repente chegas a unha sala chea de xente expectante e impaciente, nervios, os asistentes mirando o escenario e ¡comenza o espectáculo!, subidón, asombro e os corpos non poden estar sen bailar, miles de watios afinados e moitos músicos facendo festa, isto é A TUNA RASTAFARI (descarga de enerxía, posta en escea, un comando de xente nova con experiencia para facer vibrar, saltar e cantar). Dez xóvenes músicos que producen, deseñan, improvisan: o espectáculo é a súa bandeira. Unha banda con unha soa misión: reventar todos os escenarios que se lles poñan a tiro; súas armas: sonidos imaxinativos combinados con humor, compenetración e factor sorpresa. Grupo formado no Morrazo no ano 2005 con compoñentes de outras bandas locais, pero que atoparon un vinculo e un estilo que os une para disfrutar da música. Comenzan a súa andadura con cinco compoñentes ampliando pouco a pouco o seu número ata a actualidade que son dez. Incorporando un acordeonista, dous saxos ,unha trompeta e un trombón que fan que o sonido dos inicios evolucione a un máis festeiro. O seu repertorio de imaxinativas letras e música que fai bailar e disfrutar, fan que na actualidade sexan un dos grupos máis requeridos para festivais e concertos en salas, destacando os últimos concertos no Festivalinho, na Sala Aturuxo, no Pub Labranza, no Festival Antifascista de Cangas, na Semana do Mar de Moaña...
(fonte: www.myspace.com/atunarastafari )
Novas que incluen 'Tuna Rastafari':
Romaría de San Roque do Monte (Cangas), co concerto de despedida da Tuna Rastafari
Xa esta pechado o cartel Do I-Festival Verbena Son , o Primer Festival do ano no Morrazo que se celebrara os dias 4,5 de febreiro en Vilariño nunha carpa pechada e con entrada de Balde, Venres 4 a partir das 21:30h concerto cos grupos: LUME DE CAROSO, SONS DA EIRA, LUDOVAINA.Sabado 5 a partir das 12:00h do mediodia sesion bermut cos PUNKIS DA TELLADA.As 18:00.h MAXIA para nen@s no local social de Vilariño.E a partir das 21:30.h concerto cos grupos: QUEMPALLOU, OS TRES TREBONS, LA TUNA RASTAFARI
O INCIO ACOLLE UNHA NOVA EDICIÓN DO FESTIVAL TERRA BRAVA O DOMINGO 29 DE AGOSTO
Os Campantes da Baña, A Tuna Rastafari, Pan de Capazo e Medomedá completan a proposta musical deste ano.
O Incio, 25 de Agosto de 2010. Xa está todo preparado para a celebración da VIII edición do Festival Terra Brava. Unha cita na que a música tradicional, os xogos populares, os contos de sobremesa e as propostas musicais máis innovadoras, reúnen nunha mesma carballeira a xentes de tódalas idades e condición. As actividades comezarán pola mañá coa actuación da murga tradicional Os Campantes da Baña, que farán un percorrido pola vila e animarán os instantes previos ao xantar que se celebra cada ano no mesmo recinto que o festival. A sobremesa tamén estará animada pola murga e os músicos espontáneos que queiran sumarse á festa. Xa pola tarde, os obradoiros de xogos para cativos e maiores apenas deixará tempo libre antes de que á noitiña comecen os concertos. Un cartel que se completa con A Tuna Rastafari e a súa festa e baile sen descanso, Pan de Capazo - pura enerxía dende a música de raíz -, e Medomedá, que nos presenta o rock galego máis irreverente e divertido do momento. En palabras de Luís Pombo, un dos organizadores, “ano tras ano o festival procura actividades e actuacións para todos os gustos, para a xente nova e para os que vivimos unha segunda xuventude”. O Festival está organizado pola Asociación Cultural Terra Brava, e conta coa colaboración da Vicepresidencia Primeira da Deputación de Lugo a través da Área de Cultura, a Asociación de Gaiteiros Galegos e o Xacobeo 2010.
O próximo Venres 6 de Agosto, na Chousa de San Pedro de Bembibre [Taboada - Lugo], organizado pola Asociación Madialeva, celébrase a Festa da Mocidade 2010. A partir das 23:00hs. estarán no escenário: A Tuna Rastafari. Os Tres Trebóns.
Antes haberá um pasarruas e umha foliada com Os d'eiquí e umha Cea por 12€ [camiseta cea Bebida].
Obradoiros: útiles de pedra, arqueoloxía, elaboración de pan e pintura corporal. Demostracións: tiro con arco e tiro con propulsor. Compañía de títeres Tanxarina. Grupo de percusión Bata-Unga. Gastronomía: carne ó caldeiro, polvo á feira e asados. - Pola tarde:
Ataque na cova: Enfrentamento entre as tribos participantes no Penedo da Pucha. Recepción: Benvida ás tribos participantes e intercambio de agasallos. Xogos Olímpicos entre as tribos e carreira de relevos Na Procura do Lume. Construcción do monumento megalítico. Invocación ós espíritos da Mámoa da Penacova co chamán Leo e Arremecaghoná. - Pola noite concertos de:
O Leo i Arremecaghona Skandalo GZ La Tuna Rastafari. A Banda Potenkim.
DOMINGO, 9 DE AGOSTO
Excursión as cobas naturais de Mos.
Coa colaboración do Clube de Espeleoloxía “Maúxo” visitaremos varias cobas naturais, algunhas delas catalogadas coma patrimonio arqueolóxico. Ademáis visitaremos varios lugares de interés histórico: a mámoa e o petróglifo do Salgueirón, o xacemento do Calcolítico de Pedradita, o Coto dos Castros e o Castelo.
Saída: ás 10 da mañá, do Pazo de Mos.
Chegada: ás 13:30 h. aprox.
A ruta faise en vehículos todoterreo cedidos por Rofervigo, S. L.
Para asistir é imprescindible a inscripción previa na seguinte dirección de correo electrónico:
festadaprehistoria@gmail.com
Do 15 de XULLO Ó 15 DE AGOSTO:
Exposición “Mostra da Prehistoria” No Pazo de Mos.
O Incio celebra as festas patronais os días 8, 9 e 10 de Maio
(texto engadido o día 6/ / 5/ / 09 )
(Na foto: O Sonoro Maxín)
Os festexos comezan este venres pola noitiña cunha sardiñada e pancetada popular e concertos ata altas horas da madrugada
A comisión de festas do Incio, formada por un grupo de mozos desta localidade, ultima os detalles dos actos festivos das festas patronais que comezan este venres 8 de Maio e se prolongarán durante toda a fin de semana. Levan varios meses traballando para acadar os recursos necesarios e organizar un completo programa no que non faltarán as Orquestras, Charangas e Banda de Música, pero tamén os concertos de grupos para a xente máis nova. Segundo o presidente da comisión, Manuel Maceda, “Tentamos facer un programa de festas diferente, no que ademais de orquestras haxa outro tipo de actuacións e actividades todo o día e para toda a xente”. O venres 8, pola noitiña, comezan os festexos cunha pancetada e sardiñada gratuíta e a tirada do folión a cargo de Fuegos Pin. A partires das 22:30 celebraranse os concertos dos grupos: Gaiteiros novos do Incio; O Sonoro Maxín, de Ourense; A banda do Watio, de Ribeira e Colloada Salvaxe, de Sarria. O sábado 9, a Charanga NBA será a encargada das alboradas, sesión vermú e concerto de tarde, para dar paso a festa e verbena coa Orquestra Suavecito e A Tuna Rastafari, que dende o Morrazo nos trae a súa mestura festiva de rancheras, rumba e reggae. Para o domingo 9 está prevista a actuación na sesión vermú e nun concerto de tarde da Banda de Música de Paradela, financiada pola Vicepresidencia Primeira da Deputación de Lugo, a través da Area de Cultura. Tamén pola tarde haberá xogos e animación para os cativos e pola noite a Orquestra Poceiro será a encargada de amenizar a festa e verbena.
Aqui estamos outra vez para presentarvos unha nova programacion que comeza o 8 de Maio e remata o 26 de Xuño data na que nos despediremos deica Outubro cunha actuacion como sempre memorabel de Carlos Blanco que volta con novas historias. Como sempre teremos moita variedade pop, rock, musica indie, folk, mestizaxe, rancheras, cumbias, swing, musicas, balcanicas, cancion de autor, cine, contacontos...
Comezamos cunha das nosas propostas favoritas deste ano Alò Django un concerto divertido, elegante e desenfadado onde se bromea co público ao máis puro estilo cabaré. Este grupo de músicos, partindo musicalmente do jazz, do claqué e do swing acústico, especialmente do gypsy swing (cuxo máximo representante é Django Reinhardt), ofrece un concerto cun amplo abano de xéneros musicais traducidos todos ao estilo dos xitanos centroeuropeos mesturado co jazz: o gypsy swing, un estilo lírico, alegre e acústico apto para tocar tanto en sala como na rúa; un concerto para un público de todas as idades. Ademais Aló Django pretende ser un obradoiro musical de músicos, cómicos, clowns e bailaríns para o cal en moitas ocasións invitan a outros artistas destas disciplinas a participar con eles nos concertos para ofrecer un show completo e divertido máis alá do estritamente musical, enfiando así con xéneros escénicos de entretemento como o cabaré ou o music-hall. www.myspace.com/alodjangoswingband. Sera o venres 8 as 23 horas. Os prezos 6 euros normal, 5 anticipada e 3 para socios
A semana seguinte actuacion por partida doble o venres A Tuna Rastafari un grupo de oito mozos que descargan toda a súa enerxía enriba do escenario, tomando como bandeira o espectáculo e a festa rachada. Aire fresco e descarado dentro do espectro musical galego. Son sinónimo de festa, alegría e boa música que invita a participar ao público en tódolos seus concertos. Da canción popular galega ao corrido mexicano pasando polo tango, o reggae e a rumba, todo vale para este grupo con tal de facer pasalo ben. O seu repertorio de imaxinativas letras e música fan bailar e desfrutar, isto fai que na actualidade sexan un dos grupos máis requeridos para festivais e concertos en salas, destacando a súa participación no Festival Cultura Quente, no Festivalinho, no Festival de Alberite (La Rioja), no Senuncan de Carballiño, no festival de Ponte Louco (Castrocaldelas-Ourense) i enchendo salas como o Aturuxo Bar de Bueu, o Pub Ache, La Fabrica de Chocolate de Vigo....Este ano foron elexidos entre os programadores de salas galegas para participar no Mercat de Musicas Vivas de Vic, ademáis de ser unha das bandas que entraron no Programa Música ao Vivo do IGAEM e no Artistas en Ruta. Grupo considerado pola Radio Galega como grupo revelación da escena musical da Galiza. www.fotolog.com/la_tunarastafari www.myspace.com/atunarastafari. Sera o venres 15 as 23 horas. Os prezos 6 euros normal, 5 anticipada e 3 para socios
E o sabado debuta no Porriño Maryland reforzados cun novo membro desta inmensa vila de musicos que e Porriño. Inician a súa andaina a comezos do ano 2008. Non tardan en chamar a atención de salas galegas e españolas, e en cuestión de pouco tempo pechan numerosas datas de concertos, algúns deles abrindo para importantes e xa asentadas bandas como Deluxe, Dover, Vacazul, Camping ou Holywater. Agora presentan os temas do seu primeiro longa duración "Surprise". O disco foi gravado nos estudios Areamaster (Vigo) por Pancho Suárez de Lis, esta producido por Jaime Gª Soriano (Sexy Sadie) e mesturado e masterizado en Urban Producciones (Mallorca) por Rafa Rigó (Sunflowers) e Toni Toledo (Sexy Sadie, Sterlin, Iván Ferreiro, …). O primeiro single promocional “I´ll be ready” xa se pode escoitar no seu MySpace, un adianto do que será o seu disco que verá a luz en breve e que xa está recollendo os seus froitos, alcanzando o 10º posto como “Grupo revelación nacional 2009” (entre un total de 600 bandas) no concurso que organiza o estremeño e indie Festival Contempopránea. Tamén foron semifinalistas da "XXXIV edición Queixo Maquetón” en Arzúa e do concurso "nsaio no camino” en Lugo. www.myspace.com/atunarastafari. www.fotolog.com/marylandvigo. Sera o sabado 16 as 23 horas. Os prezos 5 euros normal, 4 anticipada e 2,5 para socios
A semana seguinte e outro ano máis, unha vez rematado o Festival de Curtas de Cans, o Bar Liceum será escenario da proxección das curtas gañadoras da edición deste ano do Festival. É unha cita obrigada para tód@l@s amantes do cine, e máis concretamente das curtametraxes. www.festivaldecans.com. Sera o mercores 29 as 22 horas. Os prezos 2 euros normal e gratis para socios.
A semana seguinte voltamos a ter doble actuacion o venres Vilma y los Señores: se Chavela Vargas fora a Noiva Cadáver. Ten gorxa de lixa, e olliños de lagartixa. Logo hai que pórlle un toque de cabaré, outro pouco de deserto, outro de tequila, outro lixeiramente de tango, moita perplexidade ante a vida e algunha furtiva bágoa. Unha voz ultraexpresiva, unhas letras tan doentes como misteriosas e un envoltorio musical sobrio pero terroso, fráxil pero moi carnoso: póñeno Ricardo Moreno (ex-Ronaldos) á percusión, e David Gwynn, maxistral coa guitarra.Para que nos entendamos, é canción adulta tocada como con aire de rancheira, como nun aramio, pura artesanía. Vilma soa a vella, a ron vello, a garganta rota, e as letras son auténticos poemas ortopédicos, entre o humor negro e certa postración ante o que poida vir ao final. E o que vén ao final xa se sabe o que é. Eles, os Señores, envolven con sutileza e moita intelixencia toda esa rugosa fraxilidade, pero iso non é noticia: son músicos profesionais que levan participado en bandas como os Ronaldos, Marlango, Quique Gonzalez, que veñen a presentarnos un excelente disco con colaboracions de Mastretta e Pablo Novoa entre outros. www.myspace.com/vilmaylossenores. www.vilmaylosseñores.es. Sera o venres 29 as 23 horas. Os prezos 6 euros normal, 5 anticipada e 3 para socios
E o sabado por primeira vez no Porriño o folk de Tarxa. Nace no ano 1984 no seno da Asociación Veciñal, Cultural e Deportiva "Monte da Mina" de Castrelos o 14 de Febreiro coa intención de facer música popular galega, recollida dos cánticos tradicionais e do amplo cancioneiro de diversos poetas galegos, entre outros Rosalía, Celso E. Ferreiro, Eduardo Pondal e Lamas Carvajal e Canción Popular. O grupo componse actualmente de nove membros que nas súas actuacións empregan diversos instrumentos musicais, sobre todo guitarras, laúde, frauta, pandeiro, pandeireta, ... Entre as actuacións máis destacadas do grupo encóntranse as realizadas na Festa Labrega de Lancara (Lugo), en Homenaxe ó Vello Mariñeiro de Marín, na Festa do Viño do Condado de Salvaterra, no Ateneo de Combarro, no Festival para a Integración do Minusválido (AISGA), no pobo de Castelo (Chantada), no programa de TVG, LUAR, así coma noutras ó longo do noso país. En Maio do ano 2001, participa nun certame de folk en Aveiro (Portugal). Tamén cabe destacar as actuacións no auditorio de Baiona, Riveira (Coruña), etc. www.unaplauso.com/grupo-folk-tarxa_av34a886.html. Sera o sabado 30 as 23 horas. Os prezos 5 euros e 2,5 para socios.
A semana seguinte presentacion do disco “Estado natural” o novo traballo do cantautor José Córdoba. Este madrileño de 31 anos leva varios anos na música e anteriormente foi coñecido baixo o pseudónimo de “Chivi”. “Estado natural” é o traballo que José Córdoba sempre quixo facer. Producido polo selo EPC records e distribuido por Factoría Autor, Estado Natural é un disco de cantautor que pretende ser un sopro de aire fresco no panorama musical español. No disco mestúranse estilos e temáticas; desde unha rancheira, ata cancións máis rockeiras ou de amor. José Córdoba dálles a razón aos que sempre lle dicían “coa voz e o talento que tes, se cantarás outro tipo de cancións…” www.josecordoba.com. www.myspace.com/josecordobachivi. Sera o venres 5 de Xuño as 23 horas. Os prezos 8 euros normal e 4 para socios
A semana seguinte seguimos coa nosa obriga de presentarvos aos musicos da intensa canteira musical porriñesa Small Coffins. Esta formación toca un estilo musical que fusiona e alterna rock, indie rock, pop e pop rock. Entre as súas influencias, a súa música denota un grande abano de gustos musicais, estarían desde Pearl Jam, Kings of Lion ou Los Planetas, pasando por The Beatles, Rolling Stones, Muse ou Led Zeppelin. A idea dos impulsores deste grupo era crear unha banda de rock con claros toques de pop retro e así se comprobou ao escoita-la súa primeira maqueta “Reverb” (2007). Unha formación integrada por Isaac Mariño (voz e guitarra acústica), Carlos Costas “Colmillo” (guitarra), Juan Vázquez “Juanchi” (guitarra), Pablo Méndez “Piru” (baixo) e Rubén (batería). www.myspace.com/smallcoffins. Sera o venres 12 de Xuño as 23 horas. Os prezos 3 euros normal e 1,5 para socios
A semana seguinte o concerto que tivemos que suspender na programcion anterior por accidente dun dos seus membros O sonoro Maxin. Comezar de novo e camiñar a modo, inventando o camiño... Esta é a consigna da que parte O Sonoro Maxín con convencemento. Sabendo que a creatividade é imaxinación e que para crear hai que camiñar, cóntannos como todo ten unha onda sonora que nos fai mover e actuar con toda a forza do corazón, unha onda que transmite directamente de peito a peito, sen intermediarios. Ésa é a máquina sonora, a imaxinación sonora.Neste afán de camiño continuo O Sonoro Maxín anda á procura dun baile sen fin, dunha máquina creativa que nos faga mover ao ritmo da onda que marca. E para iso apelan á verbena e á cumbia, a soberana absoluta das verbenas, que converte o torreiro da festa nun baile tropical onde cada un manda na súa forma de bailar, onde cada un inventa o seu propio baile. Esta máquina sonora, este camiñar imaxinativo vai dende a cumbia á rumba, dende o reggae ao ska, actualizando a verbena e traéndoa até a fusión musical do s. XXI.Volve a imaxinación, volve a máquina, volve a onda sonora que camiña sen fin...Bailar de novo, cantar de novo e sorrir de novo co Sonoro Maxín. www.myspace.com/osonoromaxin www.osonoromaxin.com. Sera o venres 19 as 23 horas Os prezos 6 euros normal, 5 anticipada e 3 para socios
E imos rematar con esta programacion co artista que por costume sempre enche a nosa sala e deixa sen a oportunidade de miralo a moitisimas persoas. Volta Carlos Blanco, o Bar Liceum ten a honra de ofrecer un novo espectáculo monologuístico deste ilustre e polifacético vilagarcián. Con máis de vintecinco anos de experiencia profesional en Teatro, Cine, Televisión e Radio, traballou recentemente como protagonista na película para televisión “Una bala para el Rey” (Globomedia) que foi emitida en Antena 3 e levantou moita expectación. Nos últimos anos ven desenvolvendo unha actividade continuada como Narrador Oral tanto na Galiza como en toda España ( Madrid, Barcelona, Zamora, Salamanca ou Avila ), asi como en Polonia, Holanda, Alemaña ou Portugal. Na actualidade ten en cartel o espectáculo “Humor Neghro” na compaña do músico guineano Manecas Costa. Unen os seus talentos nun espectáculo de humor e música onde la negritude e o humor danse a man. Pouco se pode engadir dun artista como Carlos Blanco máis que foi quen de traballar con directores do prestixio de Pedro Almodóvar, Gerardo Herrero ou o propio Antón Reixa, e que compartiu escenario e plató con actores e actrices de prestixio mundial. .Sera o venres 26 de Xuño as 23 horas. Os prezos 8 euros normal e 4 para socios.
Antes de despedirme quixera recordarvos que ainda podedes facervos socios do Liceum custa 60 euros o anos (5 euros ao mes) e da dereito a un 50% de desconto minimo en todos os concertos, a sentarse (cando hai cadeiras) no mellor sitio da sala, a recibir informacion na sua casa de todas as nosas actividades e a ter reservada sempre unha localidade ate 24 horas antes do seu comezo.
Continuamos a campaña Queda No Porriño por 35 euros persoa en habitacion individual ou por 30 persoa en habitacion doble ofrecemoste unha noite en hotel de 3 estrelas con almorzo e aparcamento (Hotel Parque ou Hotel Internacional), unha cea con 2 pratos, postre bebida e cafe,(restaurante Celtiña), a entrada para o concerto e unha consumicion no Liceum. Podes plantexarnos o que te gustaria e faremoste un rapido e marabilloso orzamento para que te quedes no Porriño.
Decirvos que o resto da semana o Liceum aspira a ser o voso lugar de encontro e temos actividades diversas como clases de Bailes de Salon os xoves ou clases de danza do ventre os luns.
Narf, Kérkennai e Miguel Costas xirarán por salas de todo o estado no segundo semestre do programa Artistas en Ruta
(texto engadido o día 1/ / 2/ / 09 )
Os grupos galegos seguen a protagonizar as temporadas musicais do programa "Artistas en ruta". No segundo trimestre de 2009 Narf, Kérkennai e Miguel Costas xirarán por todo o estado ao conseguir os conxuntos galegos as tres prazas que "Artistas en ruta" destinaba á zona do noroeste peninsular. Tomarán o relevo de A Tuna Rastafari e Zënzar, que están a participar neste programa durante o trimestre actual.
A Consellaría de Cultura, a través da Dirección Xeral de Creación e Difusión Cultural, asinou un convenio para colaborar coa Sociedad de Artistas Intérpretes y Ejeutantes (AIE) no programa Artistas en ruta. Este programa, con trece anos de historia, pretende crear un circuíto de inverno consolidado e estable que dea cobertura ás numerosas propostas artísticas de todo o Estado. Para iso, divídese o territorio en varias zonas e os artistas en estilos.
Este programa é unha iniciativa da AIE para fomentar a música en directo en pequenos locais e salas de concertos. "Artistas en ruta" contempla todo tipo de estilos musicais (encadrados en tres grupos: pop/rock, flamenco/canción de autor, e "folk/jazz/novas músicas") coa intención de dar a coñecer por todo o Estado español os novos valores artísticos así como consolidar aos artistas xa recoñecidos.
Das tres opcións que corresponden ao noroeste, para o segundo trimestre de 2009, dúas son galegas: Kérkennai en folk/jazz/novas músicas, Miguel Costas en pop/rock e Narf en canción de autor. As salas integrantes do circuíto son pequenos locais de música ao vivo que desenrolan un papel fundamental no achegamento dos artistas ao público.
O programa conta tamén coa colaboración de: Generalitat de Catalunya, Comunidad de Madrid, Gobierno Vasco, Govern de les Illes Balears e Caja Madrid – Obra Social. RNE Radio 3 e Canal Sol Música apoian o programa mediante a difusión do mesmo.
Os representantes galegos neste circuíto dende os seus comezos en 1995 son tan diversos coma: Heredeiros da Crus, La Marabunta, Os Diplomáticos, Emilio Cao, Budiño, Chouteira ou a Psicofónica de Conxo. Nas últimas convocatorias, os grupos galegos están copando as prazas correspondentes á zona noroeste, o que demostra a boa saúde da música feita en Galiza. En 2008 foron Diego Massimini, Isga Collective, Safari Orquestra, Nadadora e Marful.
http://www.myspace.com/outonalidades08 c i r c u i t o p o r t u g u ê s d e m ú s i c a a o v i v o 10 Outubro a 20 Dezembro 2008 12º OuTonalidades com maior roteiro de sempre! 22 grupos, 19 espaços de música ao vivo, 59 concertos em Portugal e na Galiza
O OuTonalidades, à 12ª edição, não bastando estender a sua implantação a quase toda a geografia nacional, literalmente de norte a sul, passa a integrar também a Galiza no seu roteiro. Mais de 20 grupos portugueses e galegos, de vários géneros musicais, garantirão quase 60 concertos, em Portugal e na Galiza, durante as 11 semanas de duração do evento, que atravessa todo o Outono. Inicia a 10 Outubro, simultaneamente em Águeda e Lisboa. Nas semanas seguintes, o roteiro espalha-se do topo norte da Galiza (Ferrol) até plena costa algarvia (Tavira), passando por espaços de música ao vivo de 19 vilas e cidades, no maior roteiro de sempre deste evento d’Orfeu. A d’Orfeu estabeleceu um convénio com a AGADIC http://www.agadic.info/, que garante o inédito alargamento do circuito português à Galiza. Da cooperação entre o OuTonalidades e a Rede Galega de Música ao Vivo, circuitos congéneres a sul e a norte da fronteira, haverá canal directo para a participação de 6 grupos portugueses na Galiza, bem como à presença de 5 grupos galegos no circuito português, num total de 36 concertos em regime de intercâmbio, dos 59 concertos programados nesta 12ª edição.
Com as várias adesões a norte e a sul, também em Portugal o evento cresce e já chega este ano a nove distritos (mais um que na última edição): Vila Real, Porto, Aveiro, Viseu, Guarda, Castelo Branco, Lisboa, Évora e Faro.
O cartaz deste ano, de um ecletismo invejável, apresenta 22 grupos, entre portugueses e galegos, de genéros que vão do jazz ao tradicional, do rock ao fado, do ska aos blues, do experimental às músicas do mundo.A festa e a diversidade são marcas distintivas das programações do OuTonalidades, evento rotativo de música ao vivo que começou por ser, há doze anos, um pequeno circuito local de bares em Águeda, cidade que continua a ser epicentro do circuito agora luso-galaico. Com um OuTonalidades assim, escolhe o roteiro e vive o Outono a cores!
en Myspace