Ghastas Pista?

O Fiadeiro
XML



   >> Iniciar Sesión  


Buscar información
sobre outro grupo / etiqueta:

[1] [2] [3] [4] [5]

Novas que incluen 'O Fiadeiro':


Festa Monteira de Danzas do Mundo no Barrio do Lourido, Vigo

(texto engadido o día 14/ / 12/ / 17 )


Venres 16 de nadal a partires das 20:30h no local da A.A.V.V. Rosalía de Castro

Baile con música en directo cos grupos Grupo de Gaitas da Escola ACF O Fiadeiro (danzas galegas), Karabuska (danzas de Escocia, Bretaña e Bulgaria) e Gergelyes (danzas csango, húngaro-moldavas).

...comentarios..
:: Enlace a esta nova ::



O Fiadeiro en Baltar

(texto engadido o día 17/ / 11/ / 17 )


AGRUPACIÓN O FIADEIRO
dentro do ciclo...
DANZA 3 - Folclore na rúa

Sábado 18 de novembro de 2017 ás 22:00h
Lugar: Baltar (no pabellón de deportes)

Entrada: de balde.
Organiza: Agadic, Concello de Baltar

O proxecto Danza 3 levado a cabo conxuntamente entre o AGADIC e as agrupacións Cantigas e Agarimos de Santiago de Compostela, Xacarandaina de A Coruña, e o grupo de baile e música O Fiadeiro de Vigo, pretende dignificar e amosar a riqueza do extenso e amplo patrimonio inmaterial da Cultura Galega.

O proxecto pretende acercar o folclore á rúa levando a cada unha destas agrupacións a distintos Concellos da xeografía galega.

Nesta ocasión, o grupo de baile e música de O Fiadeiro, pretende dar mostra do seu amplo repertorio a pé de rúa. Para esta proposta, contará cun repertorio baseado en pezas e bailes do seu propio arquivo, que adaptará ás necesidades do momento. Creando en 60 minutos un espectáculo único, espontáneo e persoal, polo que non haberá dous espectáculos iguais.
Para isto, O Fiadeiro, contará co grupo de baile, grupo de pandereteiros, pandereteiras e da súa charanga, para animar á xente a que participe deste FOLCLORE NA RÚA.
Os temas que interpretarán serán variados, en canto a ritmos e formacións.
- O Fiadeiro -

...comentarios..
:: Enlace a esta nova ::



Serán do Samaín no Calvario (Vigo)

(texto engadido o día 31/ / 10/ / 17 )


Martes 31 de outubro ás 19:00h
Peatonal do Calvario (Vigo) Diante do Mercado do Calvario.


O próximo martes 31 de outubro a partir das 19.00 terá lugar diante do mercado do Calvario o Serán do Samaín.

Abrirán o serán os mais pequenos e a continuación haberá varias agrupacións tocando e cantanto, así que se formas parte dalgunha agrupación de gaitas ou pandeireta non dubides en vir a participar.

Teremos festa ata ás 23.30, repartiremos chocolate e rosca para todos os asistentes

Este ano contaremos con Tarambainas, Pandereteiras A Buxaina, Sete Cuncas e as agrupacións de O Fiadeiro entre outros.

Teremos talleres para nenos organizados por Koremi e Troula durante toda a tarde.

Agradecementos ó Concello de Vigo por confiar un ano mais na Asociación O Fiadeiro para organizar o evento.

Vos esperamos para pasar unha tarde/noite de med

...comentarios..
:: Enlace a esta nova ::



XVI Xornadas culturais O Fiadeiro (Vigo)

(texto engadido o día 22/ / 9/ / 17 )


Sábado 23 de setembro a partires das 17:30h no barrio do Calvario (Vigo)



- O Fiadeiro -

...comentarios..
:: Enlace a esta nova ::



O Fiadeiro en Mos (Vigo)

(texto engadido o día 6/ / 8/ / 17 )


Domingo 6 de agosto de 2017 ás 20:00h
No Aufitorio de Torroso

Entrada: 5 euros.
Se poden mercar durante toda a semana en Oficinas auditorio das Pozas ou nas Oficinas do auditorio de Torroso
Tamén o propio día
Entradas numeradas
Organiza: Agadic, Concello de Mos

...comentarios..
:: Enlace a esta nova ::



XVI Festival Retrouso e IV Retro-Foliada (Cela - Bueu)

(texto engadido o día 8/ / 7/ / 17 )



Xa está aquí, un ano máis, o FESTIVAL RETROUSO!!!
Convidámosvos a que veñades ao Eirado de Cela (Bueu) o vindeiro sábado 8 de xullo a partir das 21:00h.
Nesta XVI edición contaremos coa participación do grupo Pousos da Area de Marín e Andorinhos de Espargo que chegan dende a localidade de Aveiro, no país veciño.
Ademais, as distintas formacións da nosa asociación farán coma vén sendo habitual a súa actuación de baile, de gaita e de pandeireta.


E tralo gran éxito acadado nos anos anteriores, repetimos coa RETRO-FOLIADA!!!
A partir das 22:30h. gran foliada no Eirado de Cela na que contaremos, ademais de con todos vós, cos seguintes grupos convidados que virán tocar e participar da festa:
ACF O Fiadeiro (Vigo), Cantigas e frores (Lugo), A. C. Sadeo (Ponteareas), Faíscas da Pontraga (Tordoia) e traspès (Vigo).

Por suposto, trátase dunha foliada aberta a todo o mundo.
Estades todos convidados!!!

Todos aqueles grupos que queiran vir a tocar e/ou cantar, podedes anotarvos de xeito anticipado aquí neste evento ou ben enviando mensaxe privada ao facebook de Retrouso; ou alí no mesmo día da Retro-Foliada.

Haberá bochinche con comida e bebida para repoñer forzas e combater a calor e a sede!!

...comentarios..
:: Enlace a esta nova ::



Actuación O Fiadeiro en Chapela (Redondela) - Ciclo Danza3

(texto engadido o día 1/ / 7/ / 17 )


AGRUPACIÓN O FIADEIRO
dentro do ciclo...
DANZA 3 - Folclore na rúa

Domingo 2 de xullo de 2017 ás 12:00h
No paseo da Praia de Arealonga
Chapela (Redondela)

Entrada: de balde.
Organiza: Agadic, Concello de Redondela

Nesta ocasión, o grupo de baile e música de O Fiadeiro, pretende dar mostra do seu amplo repertorio a pe de rúa. Para esta proposta, contará cún repertorio baseado en pezas e bailes do seu propio arquivo, que adaptará ás necesidades do momento. Creando en 60 minutos un espectáculo único, espontaneo e persoal, polo que non haberá dous espectáculos iguais.
Para esto, O Fiadeiro, contará có grupo de baile, grupo de pandereteiros, pandereteiras e da súa charanga, para animar á xente a que participe
Os temas que interpretarán serán variados, en canto a ritmos e formacións.

Para isto, O Fiadeiro, contará có grupo de baile, grupo de pandereteiros, pandereteiras e da súa charanga, para animar á xente a que participe deste FOLCLORE NA RÚA.

...comentarios..
:: Enlace a esta nova ::



Serán fin de curso O Fiadeiro (Vigo)

(texto engadido o día 1/ / 7/ / 17 )


Sábado 1 de xullo ás 18:00h
Avda. Sta. Mariña, 95 – Cabral.
Vigo.


O Fiadeiro despide o curso cunha tarde de espectáculos e noite de festa tradicional

O sábado 1 de Xullo os alumnos e alumnas da escola da A.C.F. O Fiadeiro darán mostra de todo o aprendido durante o curso, será ás 18 horas no salón de actos da A.V. Santa Mariña de Cabral (avda. Sta. Mariña nº 95). Durante as horas que durará o acto actuarán os diferentes grupos da escola de baile moderno, baile tradicional, canto e pandeireta, gaita e percusión entre outros.
Unha vez rematadas as actuacións, a partir das 20:00 horas, faremos un pequeno desfile coas prendas feitas polos alumnos de costura durante o curso, así como mostraremos algunha peza de roupa antiga.
Ás 21.30 horas comezará a festa serán con música e baile tradicional durante toda a noite, que contará coa participación de agrupacións musicais da comarca convidadas ao evento e doutras moitas que se achegarán para participar de xeito espontáneo tal e como rexe na celebración dos seráns.
A A.C.F. O Fiadeiro convida a toda a cidadanía a achegarse na tarde noite do 1 de Xullo á asociación veciñal de Cabral e vibrar coas actuacións dos alumnos da escola e divertirse ao xeito tradicional da festa serán. A entrada é gratuíta e haberá bebida e comida a prezos populares. Chegada a certa hora da noite tamén haberá chocolate para todos os asistentes.
Novo curso
A elevada demanda dos cursos durante todo o ano ten animado á asociación a iniciar xa a reserva das matrículas para o próximo curso no que se impartirán clases de gaita, percusión, acordeón, pandeireta, requinta e habilidades relacionadas coa música e movemento para cativos e moitas actividades mais.
Podedes contactar nos teléfonos 986 253 585 / 629 585 355 ou ben por correo electrónico ofiadeiro@ofiadeiro.com

...comentarios..
:: Enlace a esta nova ::



III Curso de análise musical en O Fiadeiro (Vigo)

(texto engadido o día 14/ / 6/ / 17 )


Sábado 17 de xuño ás 10:00h
ACF O Fiadeiro.
R/ Xesús Fernández Nº3 Baixo.
Vigo.


Curso de introdución á análise de cancións tradicionais
8 horas de duración.

Nº máximo de participantes: 15
Prezo socios 45,00 euros
Prezo non socios 50 euros

Contidos
O sistema de análise comprende os seguintes puntos:
• Aspectos básicos da notación e edición da partitura
• Conxunto de notas, ámbito, escala
• Compás, ritmo
• Cadencias, perfil melódico, forma
• Métrica poética, número de sílabas, forma do texto
• Función, ocasión; outros datos
• Descrición dos xéneros musicais galegos

Como introdución á análise propiamente dita, falaremos de características xerais da música tradicional galega, en especial da canción, e da música de tradición oral en xeral. Prestaremos especial atención á relación entre música e texto. Consideracións xerais sobre as variantes e a variación como elemento esencial da canción tradicional. O traballo con partituras (que cantamos antes de analizalas) será ademais acompañado de audicións musicais.

Obxectivos
• Comprender as estruturas musicais das que se compón a canción tradicional.
• Coñecer algúns dos criterios máis empregados na descrición de repertorios musicais.
• Obter os coñecementos básicos cos que acometer a descrición e clasificación iniciais da música tradicional.
• Obter unha comprensión xeral dos procesos creativos inherentes á interpretación tradicional (fundamentalmente a variación melódica).


Info para público
Queres saber algo máis sobre:
• as variantes dunha mesma melodía e como varían ou improvisan os músicos tradicionais?
• a importancia do ámbito para datar a antigüidade dunha melodía?
• a relación entre música e texto e as distintas formas estróficas postas en música?
• a métrica do verso dunha canción galega e en que se distingue da do verso dunha canción inglesa?

Sergio de la Ossa

Etnomusicólogo, encargado desde 2007 dos arquivos de música tradicional do Museo do Pobo Galego (www.apoi.museodopobo.gal). É mestre especialista en Educación Musical (USC, 1999) e no método Kodály (2010); ensinou música tradicional no Instituto Kodály da Academia Liszt (Kecskemét, Hungría) entre 2011 e 2015. Ofrece regularmente cursos e conferencias, entre os que destaca a única de temática galega no WOMEX 2014. Participou en publicacións do eido da música e do baile tradicional, como Así fan os bailadores... (Dos Acordes, 2009) ou Repente Galego (Deputación de Pontevedra, 2016) de Ramon Almuinha. Actualmente imparte aulas de teoría no Curso Maxistral da Central Folque. Publica sobre cuestións relacionadas coa análise de música tradicional no blogue www.analisemusical.wordpress.com.

...comentarios..
:: Enlace a esta nova ::



Noite de Fiadeiro 2017. Ramirás (Ourense)

(texto engadido o día 12/ / 5/ / 17 )


Sábado 13 de maio ás 11:00h
Vilavidal, 32811 Ramirás (Ourense),


O vindeiro 13 de Maio celebrarase en Vilavidal, Concello de Ramirás, unha nova edición da Noite de Fiadeiro. Con esta serán XI as ocasións nas que se leva recuperado a esencia dos antigos fiadeiros celebrados na comarca. Deste xeito, o colectivo Rebulir Cultura Tradicional, coa colaboración do Concello de Ramirás, a Deputación de Ourense, a Xunta de Galicia, Abanca e Socitransa xunto coa axuda de ducias de empresas e entidades; traza un programa cheo de actividades que se extende a xornada.

As actividades programadas están dirixidas a todos os públicos, facendo que mozos e maiores podan sentir a celebración como propia, e de maneira interxeracional. Así, haberá espazo para obradoiros, mostras, animacións, pasarrúas, teatro de rúa, concertos... e por suposto, a xa tradicional feira de artesanía e gastronomía, con especial protagonismo e atención aos productos locais e comarcais.

Pero cabe salientar, que a actividade principal chega coa caída do sol. Esto é o Fiadeiro en sí, onde máis dunha trintena de grupos chegados de múltiples puntos do territorio galego porán a nota musical para que o torreiro se convirta nun lugar de baile co estilo máis tradicional e popular.

Desde a organización apóstase un ano máis por unha festa participativa que implique ao visitante na súa dinámica, onde cobra protagonismo a cultura tradicional, e se demostra que aínda se pode disfrutar con aqueles ritmos e músicas propias, sen maior pretensión que o lecer.

PROGRAMACIÓN 2017

11:00 h. OBRADOIRO: O Baile solto en seráns e foliadas.
Imparte: Alexandre Sotelino

12:00 h. PANEL: Conversas sobre o traxe tradicional
Imparte: Francisco Rodríguez (Pancho)

13:30 h. PASABARES e Sesión Vermú
17:00 h. Apertura FEIRA de produtos artesáns e gastronómicos
Mostra de Oficios Artesáns
- Animación de rúa
- Xogos tradicionais con CCP Xaquín Lorenzo
- Xogos Cooperativos

17:00 h. ANIMACIÓN “Xogamos bailando, bailamos xogando”
con Xurxemurxe

18:00 h. OBRADOIROS para nen@s
- Traballo en coiro – con Laura Durán
- Enredos e Brinquedos – con CCP Xaquín Lorenzo
- As tamancas a escala – Tango Zapateiro

18:30 h. CONCERTO da Banda Municipal de Música de Ramirás

19:00 h. TEATRO de rúa “A Queimada das Remendeiras” con Arunrun Teatro

19:30 h. Chamada á festa con PASARRÚAS de Xigantes e Cabezudos

20:00 h. o Fiadeiro Cativo con escolas de música tradicional

21:00 h. XI Noite de FIADEIRO


E moito, baile e troula ata que os pés aguanten !

Durante toda a noite teremos CONCURSOS, SORTEOS e algunha que outra SORPRESA a maiores.

Toda a información en www.noitedefiadeiro.com

...comentarios..
:: Enlace a esta nova ::



Actuación de O Fiadeiro en Vigo polo Día Internacional da Danza

(texto engadido o día 28/ / 4/ / 17 )



Este sábado 29 de abril, co galo do Día Internacional da Danza, actuará a Agrupación O Fiadeiro, xunto con outras agrupacións da cidade.

Hora: 20.00
Lugar: Diante do MARCO (Rúa do Príncipe) Vigo

Organiza: Agrupación de centros deportivos e culturais

...comentarios..
:: Enlace a esta nova ::



Festival infantil Por cantar e por bailar en Vigo (O Fiadeiro)

(texto engadido o día 7/ / 4/ / 17 )


Sábado 8 de abril ás 17:30h
ACF O Fiadeiro.
R/ Xesús Fernández Nº3 Baixo.
Vigo.


Volve o ciclo “Por cantar e por bailar” no que participan os máis pequenos da Asociación O Fiadeiro, xunto con Lembranzas da Ría (Cangas), Crac De Coruxo (Vigo), as Agrupacións do CEIP do Hío e CEIP de San Roque (Cangas) e da ACF Tarambainas (Vigo).

Desta volta imos a Vigo, cunha nova edición, onde participarán os anfitrións, a Asociación O Fiadeiro, Lembranzas da Ría, de Cangas e o grupo de baile da Asociación Veira do Río de Pontesampaio

Hora: 17.30
Lugar: AAVV Santa Mariña de Cabral (Cabral, Vigo)

Vinde a pasar un bo rato

...comentarios..
:: Enlace a esta nova ::



Serán O Fiadeiro 2016 (Vigo)

(texto engadido o día 2/ / 12/ / 16 )


Sábado 3 de decembro ás 20:00h
Avda. Sta. Mariña, 95 – Cabral.
Vigo.

O Fiadeiro despide o ano cunha tarde-noite de festa tradicional, para todas as idades
A A.C.F O Fiadeiro convida a toda a cidadanía á celebración do seu serán, que terá lugar o vindeiro sábado 3 de Decembro, no salón de actos da A.V. Santa Mariña de Cabral. Pequenos e maiores podrán disfrutar coas actuacións musicais en directo, e divertirse e bailar ao xeito tradicional da festa serán.
A partir das 20:00 horas, comezará o serán infantil con música e sorteos para os nenos/as que se acheguen ata Cabral.
Ás 22:00 horas comezará a festa serán con música e baile tradicional durante toda a noite, que contará coa participación de agrupacións musicais da comarca convidadas ao evento, e doutras moitas que se achegarán para participar de xeito espontáneo, tal e como rexe na celebración dos seráns. Así que non o dubidedes; traede o voso instrumento e participade.
A entrada é gratuíta e haberá chocolate para todos os asistentes á festa.
Contacto – tfno. 986 253 585 / 629 585 355
ofiadeiro@ofiadeiro.com

...comentarios..
:: Enlace a esta nova ::



Monográfico sobre o maneo en Vigo

(texto engadido o día 20/ / 11/ / 16 )


Sábado 26 de novembro ás 10:00h
Ceip Lope de Vega (R/ Emilia Pardo Bazán 121, Vigo).


O maneo é unha das variantes máis comúns da jota na comarca de Bergantiños. Cando na copla (punto), ten un toque diferenciado e característico o do resto das jotas de toda a xeografía galega. Tamén se extende, en menor medida a zona de Ordes (Tordoia e Trazo).

A música sempre é interpretada por pandeiretas.

Destaca, tamén, na realización dos puntos, xa que, adoitan facerse cuns adiante/atrás arrastrados, con pausa e elegancia. Na súa forma máis común, o maneo faise en 2 filas, unha de homes e outra de mulleres, aínda que existen variantes no posicionamento do baile nalgunhas zonas.

Neste curso aprenderemos a:

Aprendizaxe de movementos no ritmo.
Diferenciación dos puntos segundo a zona á que pertenzan:
Erbecedo(Coristanco)
Limiñoa(Ponteceso)
Imende(Carballo)
Anxeríz(Tordoia)
Realización dunha estructura completa dun baile.
Os interesados poden poñerse en contacto no correo electrónico ofiadeiro@ofiadeiro.com ou chamade ó 629585355/986253585.

Uns poucos datos do Mestre, Javi Pose:

Empezou a bailar alá polo ano 1993 na Escola Municipal de Danza de Vigo con Wenceslao Cabezas (Polo), da que deu o salto á ACF O Fiadeiro, de Vigo 8 anos despois baixo a dirección de Francisco Javier Feijoó (Chisco), e anos máis tarde no grupo “A Buxaina” de Coruxo.
Actualmente é membro da formación titular de baile da “A.C. Xacarandaina” de A Coruña, e participa activamente no espectáculo “O Poder do Arcabuz”, xunto a compañía “Quique Peón Cia”.
En 2012 decide dedicarse por completo á docencia do baile tradicional, na “ACF O Fiadeiro”, impartindo iniciación ao baile tradicional a nenos e adultos. Pouco tempo despois, en xuño de 2013, incorpórase como monitor de baile na “AAVV Santa Mariña” de Cabral, e como director de baile da “AC Os Muiños” de Oliveira, en Santiago de Oliveira Ponteareas e en 2014 comeza a dirixir a “AC A Vella Barca”, do concello de Arbo e por fin, en 2016, toma a dirección do grupo “Refaixos e Polainas” de Baldráns, parroquia pertencente ó concello de Tui.

...comentarios..
:: Enlace a esta nova ::



Actuación da Agrupación O Fiadeiro en O Barco - Danza 3

(texto engadido o día 10/ / 11/ / 16 )


Sábado 12 de novembro ás 20:00h
Teatro Lauro Olmo, O Barco de Valdeorras


O próximo sábado 12 de novembro, a Agrupación O Fiadeiro representará a súa VIII Gala “Esta noite hai unha fía: nas catro esquinas”, no Teatro Lauro Olmo do Barco de Valdeorras (Ourense). No escenario estarán un total de cincuenta artistas entre músicos e bailadores, sobre unha idea orixinal e bailes de Miguel Souto, con arranxos musicais de Rafa Crespo e Javier Feijoó “Xisco”, e vestiario de Begoña Martínez.

Neste espectáculo, incluido no programa Danza 3 de difusión do baile e da música tradicionais, O Fiadeiro recrea as formas de festexar que tiñan os galegos nas diferentes zonas xeográficas; esas diferenzas e semellanzas que, xuntas, forman o conxunto de saberes que forxaron a identidade da cultura galega ao transmitirse de xeración en xeración.

Na nosa terra as festas populares sempre tiveron unha presenza fundamental. Como no resto das culturas, o espazo e os rituais das celebracións serviron para axudar á convivencia e ás relacións entre as persoas. Nese marco lúdico, as músicas e os bailes populares atoparon o seu acubillo natural, o medio para se conservar, o lugar onde se transmitir. Como en tantos outros asuntos, foi o lugar de orixe o que lles deu os nomes. Mentres que no Suroeste -Condado, Val da Louriña, Val Miñor, Val do Fragoso, etc.- recibiron o nome de seráns, no Noroeste -Bergantiños, As Mariñas, Compostela, etc.- son ruadas; polavilas cando nos diriximos cara o Oriente (Ancares, Fonsagrada, Courel, etc) e fiadeiros na esquina que resta, o Sueste galego. Nomes diferentes para referirse a realidades moi semellantes nos catro puntos cardinais do noso país. Reciban o nome que reciban, todas estas xuntanzas e costumes caracterizan, potencian e dan identidade á nosa cultura.

Como é norma no traballo da agrupación, o contido do espectáculo está integramente baseado no traballo de campo realizado ao longo de todas as bisbarras galegas polos membros da agrupación desde a súa fundación en 1996.

Este programa de difusión do baile e da música tradicionais Danza 3 conta co apoio da Consellería de Cultura, Educación e Ordenación Universitaria a través da Agadic (Axencia Galega das Industrias Culturais).

...comentarios..
:: Enlace a esta nova ::



Serán do Samaín no Calvario (Vigo)

(texto engadido o día 27/ / 10/ / 16 )


Luns 31 de outubro ás 19:00h
Mercado Municipal do Calvario.
Rúa Urzaiz.
Vigo.

Para pasar unha tarde “de medo”, o luns 31 de octubro, nada mellor que que “O serán do Samaín” do Calvario! Para ir quentando os corpos abrirán o serán as sete da tarde, ou se queredes ás 19,00, fronte ao Mercado do Calvario, o grupo “Algarabía Flok” que tocan de medo. Despois as sempre animadas “Lagharteiras” que son unhas artistas terroríficas, seguidas da “ACF O Fiadeiro” que somos uns artistas que parecemos de outro mundo. E non sería un serán sen a participación de todos vos! Así que, xa sabedes!: todo o mundo a cantar e bailar, que haberá chocolate para os asistentes!



- O Fiadeiro -

...comentarios..
:: Enlace a esta nova ::



XV Xornadas de Portas Abertas O Fiadeiro (Vigo)

(texto engadido o día 24/ / 9/ / 16 )


Sábado 24 de setembro

18.15 Riamonte, da recollida ao escenario
Proxección audivisual e presentación a cargo de Miguel Souto e Sergio Cobos

19.30 Aula de baile tradicional na rúa.
Imparte Sergio Cobos

Aberta para todos/as

...comentarios..
:: Enlace a esta nova ::



XX Encontro Folclórico Malveiras (Vilagarcía de Arousa)

(texto engadido o día 26/ / 8/ / 16 )


Sábado 27 de agosto a partires das 22h na Praza de Galicia. Coas actuacións de O Fiadeiro, Trébede e Malveiras

...comentarios..
:: Enlace a esta nova ::



XXXI Festa da Cereixa de Beade (Vigo)

(texto engadido o día 31/ / 5/ / 16 )



Venres 3 de xuño ás 20.30 horas Festival Folclórico

Organiza:
C.S.C.R. de Beade

Participan:
Grupo de Música e Baile Tradicional Traspés
Grupo de gaitas Arume
Grupo de pandereteiras A Volta do Demo

A partires das 22h, serán popular.


Domingo 5 de xuño
Festival Folclórico coas actuacións de Xistra de Coruxo, Setecuncas e O Fiadeiro

...comentarios..
:: Enlace a esta nova ::



Día Internacional da Danza 2016. Celebracións en Vigo

(texto engadido o día 28/ / 4/ / 16 )


Sábado 30 de abril


A Agrupación de Centros Deportivos e Culturais de Vigo celebra o Día Internacional da Danza, en colaboración coa Concellería de Festas e Turismo do Concello de Vigo, o sábado 30 de abril ás 20:00h con 15 actuacións simultáneas en distintas prazas de Vigo.

As ubicacións e grupos participantes son:

Porta do Sol
· Asociación Folklórica Corisco Vigo
· Froles Novas
· Folclore Tradicional Os Ventos

Rúa do Príncipe diante do MARCO
· Grupo Etnográfico A Buxaina
· Asociación Asubio
· Asociación folclórica Queixumes

Praza da Pedra - Casco Vello
· G.B. Atlántida de Matamá
· G.B. Cotogrande do Ccr Cabral
· traspès

Rúa Urzáiz diante do Mercado do Calvario
· G.B. Airiños do Coto
· Monteira Danzas Do Mundo
· ACF O Fiadeiro

Praza do Emigrante - As Travesas
· G.B. Heliosbembrive
· Semente da Arte Galega do Centro Cultural de Beade
· G.B. Amieiras e Ledicias do CVC de Valladares - Vigo
- O Fiadeiro- Corisco -

...comentarios..
:: Enlace a esta nova ::



[1] [2] [3] [4] [5]


En 'Novas Relacionadas'



* GC :: A Galiza de Kepa Junkera

* A Consellería de Cultura e Educación leva o programa "Danza 3" ás rúas de nove localidades da man de Cantigas e Agarimos, O Fiadeiro e Xacarandaina

* Retrouso celebra este sábado o III Festival de Acordeón de Bueu



Asociación Cultural Folclórica O Fiadeiro



Web oficial







buscar mais información
sobre O Fiadeiro en
Ghastas Pista?

buscar mais información
sobre O Fiadeiro en
Ghastas Pista?

Voltar á páxina anterior

Ghastas Pista?

Falándoche de música galega dende o Século XX
info@ghastaspista.com

[ Discos ]-[ Historia..]-[ Novas ]-[ Concertos ]-[ Radio ]-[ De copas ]
[ Foro ]-[ Actualizacións ]-[ Videos ]-[ Outras ]