Resultados para:

Muiñeira
XML



   >> Iniciar Sesión  


Buscar información
sobre outro grupo / etiqueta:

[1] [2] [3] [4] [5] [6]

Novas que incluen 'Muiñeira':


Obradoiro de Percusión do Sur de Italia - Vilagarcía de Arousa

(texto engadido o día 20/ / 11/ / 15 )



A asociación Pésdebarro organiza un Obradoiro de percusión do Sur de Italia para o martes 8 de decembro de 17:00 a 20:00h no Liceo Casino de Vilagarcía de Arousa.

O Obradoiro Percusión do Sur de Italia será impartido polos membros do grupo folk italiano Brigan
Falarase dos principais tipos de ritmos propios do sur de Italia dende o punto de vista da percusión (tammurriata de Campania, pizzica salentina, tarantella cilentana e siciliana, etc.), comparándoos cos ritmos propios de Galicia.
Aprenderanse de xeito práctico os fundamentos destes ritmos con pandeiretas e pandeiras.

Tras varios anos de viaxes e investigacións, o repertorio de Brigan componse de música tradicional da área céltica (Galiza, Asturias, Bretaña, Irlanda) interpretada a través dunha linguaxe nova que se funde co contexto rural do sur de Italia. Tamurriatas, tarantelas, cantos populares… atópanse e fusiónanse con muiñeiras, carballesas, reels e danzas bretonas.

Actualmente, Brigan componse de tres músicos:
• Francesco di Cristofaro: acordeón, frauta irlandesa, whistle, frauta traveseira, dobre frauta da Campania, gaita galega, voz.
• Danilo Parolisi: guitarra, bouzouki irlandés, mandolina, voz.
• Gabriele Tinto: pandeiretas, tammorra, bodhran, percusión ibérica.
Nesta ocasión, estarán en Vilagarcía de Arousa só dous de eles: Francesco di Cristofaro e Gabriele Tinto.


O prezo de matrícula é de 20 euros para as persoas non socias de Pésdebarro e de 15 euros para as persoas socias de Pésdebarro.
O correo electrónico para inscribirse é pesdebarro@hotmail.com ou no móbil 692646068
As prazas son limitadas, polo tanto canto antes reserves o teu lugar mellor!!.

...comentarios..
:: Enlace a esta nova ::



VI Ruada de Moraña (SERÁN-MAGOSTEIRO)

(texto engadido o día 12/ / 11/ / 15 )


Sábado, 14 de novembro ás 13:00
Carballeira de Santa Lucía, Moraña

A ruada volta un ano máis a Moraña. As asociacións CHINGUILIPÉ e O ARRIEIRO queremos convidarvos á sexta edición da #RuadadeMoraña. E ollo...este ano facémolo en SÁBADO!, non tedes xa ningunha excusa para non vir a Moraña o 14 de novembro! :)

PROGRAMACIÓN:

13:00- SESIÓN VERMÚ FOLIADEIRO
Polos bares de Santa Lucía, con Chinguilipé e músic@s amig@s. Hai que ir avisando de que á tarde hai festa, e para iso hai que avisar ós veciños con tempo, así que comezaremos a rondalla ás 13h no café Bar Sergio

17:30- OBRADOIROS
(17:30-18:15H). "Técnicas de man: pandeiro, pandeireta, pandeira). Impartido por MARCELO DOBODE
(18:30-19:15). "Iniciación ao baile tradicional: muiñeiras". Impartido por MARCOS BOTANA

20:00 INICIO DA RUADA

- Reparto de castañas, chourizos empanadas con bebidas a prezos populares. Inicio da ruada. Confirmados ata o de agora os seguintes grupos (xa sabedes que non temos horarios, así que cando vaiades chegando os grupos iremos anotándovos na "pizarra" da entrada para tocar ;)
- CHINGUILIPÉ
- AULA FOLQUE DA ESMU (Moraña)
- PANDERETEIRAS DE CARRACEDO
- MADIALEVA (Meis)
- HAI QUE ROELO (Cuntis)
- SEIXEBRA (Moraña)
- GERMÁN V. SONEIRA (Teo)
- VENDAVALADA (Cambados)
- CAFÉ DE POTA (Arcade-Pontesampaio)

* Contaremos con escenario e equipo de Son.

00:00 FOLIADA ABERTA

Unha vez teñamos bandullos cheos, foliada aberta ata que os corpiños aghuanten!


* Se tes un grupo e queredes botar unhas pezas connosco só tedes que achegarvos ata Moraña e anotarvos para o serán. Se non tes un grupo pero queres cantar, bailar ou simplemente desfrutar connosco dunha noite chea de música tradicional e troula, xa sabes!
* Ao longo de toda a noite sortearemos os agasallos doados polos comerciantes de Moraña. Pregunta na barra polas rifas!

Comparte este evento e convida a él a todos os teus contactos de Facebook, graciñas!


E se chove???, QUE CHOVA!... temos carpa :)

...comentarios..
:: Enlace a esta nova ::



II Xornadas de Baile Tradicional - A Coruña
http://www.gaiteirosgalegos.gal/index.php?option=com_content&view=article&id=3509%3A2015-10-28-11-38-02&catid=27&Itemid=18
(texto engadido o día 6/ / 11/ / 15 )


Programa das II Xornadas de Baile Tradicional organizadas pola Asociación de Gaiteiros Galegos que terán lugar o no Centro Cultural Ágora (A Coruña) o vindeiro sábado 7 de novembro.
09.45h - Entrega de documentación e apertura da Xornada
10.00h - Relatorio
Mercedes Peón: “Xénero é creación colectiva”
10.45h - Quenda de preguntas
11.00h - Descanso
11.30h - Relatorio - Obradoiro
Francisco Feijoo (Chisco)– "As Xotas no sul de Galiza"
13.30h - Xantar
16.30h - Mesa Redonda
Novas propostas de Baile Tradicional
Interveñen: Miguel Sotelo, Sergio Cobos e Xabier Iglesias
Modera: Pablo Díaz
17.45h - Relatorio - Obradoiro
Pablo Díaz – “A muiñeira vella en Bergantiños”
19.45h - Descanso
20.00h - Actuación musical
A.C. Donaire
21.30h - Peche

...comentarios..
:: Enlace a esta nova ::



III Magosto Foliadeiro en Compostela

(texto engadido o día 6/ / 11/ / 15 )


Sábado 7 de novembro
Cantigas E Agarimos (Antigo CEIP Ramón Cabanillas R/ Castiñeiriño, 21)

Teremos actividades para os máis pequenos dende as seis da tarde. Despois actuarán algúns grupos da escola de muiñeira e, a partir das dez da noite faremos foliada con varios grupos invitados (Do fondo do Peto, Lina e Lola, Fortín de Pomba, Xirandaina, Grupos da escola de Brincadeira, "Grupo A" de pandeireta da E.M. Cantigas e Agarimos, Os Micos) e con todos aqueles que vos queirades achegar.


...comentarios..
:: Enlace a esta nova ::



Escola viVAntes (Compostela)
https://escolavivaantes.wordpress.com/
(texto engadido o día 20/ / 9/ / 15 )


Xornada de portas abertas o 28 de setembro. As aulas inicianse en outubro.

Aulas de baile:
Rebeca Tallón
Centro Olalab, espacio de acción cultural, olalab.net , localizado na rúa Porta da Pena nº10, baixo.

Canto e percusión tradicional:
Noemi Basanta
Bar A Gramola, Praza de Cervantes, 10


A Escola viVAntes! nace en Compostela como iniciativa dun grupo de amigos e amigas con ganas de aprender e desfrutar da cultura tradicional galega desde unha perspectiva lúdica.

Na actualidade está dirixida por Noemí Basanta e Rebeca Tallón Armada, quen desde hai xa dous anos se esforzan por transmitir ao seu alumnado a importancia de cantar, tocar e bailar en calquera contexto sen renunciar á calidade técnica.

Constitúe o lugar de encontro para todas aquelas persoas que consideran que unha boa festa é aquela que se fai a ritmo de muiñeira.


...comentarios..
:: Enlace a esta nova ::



Foliada Sacapunto, Allariz

(texto engadido o día 10/ / 9/ / 15 )


Xoves, 10 de setembro ás 20:00
Camiño do Castelo, 10 (tras da igrexa de Santo Estevo) Allariz

Unha vez máis convidámosvos a virdes participar nesta foliada onde tentamos crear un punto de encontro de xente á que nos présta pasar un anaco cantando, tocando e bailando.
Xs compañeirxs do C.S. Cambalhota colaboran desta vez abrindo as portas do local para termos acceso a barra de bar, lavabo, cadeiras, etc.
Traede as vosas gorxas e os vosos instrumentos e convidade xs vosxs amigxs.
Esperámosvos!

Sacapunto é un nome novo... para un costume antigo na nosa cultura: unha xuntanza de veciñxs e amigxs que ten como obxectivo facer festa, gozar da compaña dxs amigxs e convidadxs a través da música popular (cantada ou tocada) e o baile que hoxe en día chamamos "tradicional" (muiñeira, xota, maneo, pasodobre, vals, rumba...). Nas foliadas todo o mundo está convidado a tocar, cantar e bailar en calquera momento. No caso concreto do baile (quizais, das que nomeamos, a tradición menos espallada ou conservada nesta nosa zona) aproveitamos para aprender pouco a pouco os puntos e as estructuras do baile tradicional a quen non os coñece, tentando que cada vez máis xente queira e poida apuntarse á festa tamén bailando.

...comentarios..
:: Enlace a esta nova ::



77 Foliada no Lar (As Pontes)

(texto engadido o día 10/ / 9/ / 15 )


Venres 25 de setembro

Este més de setembro (e como é habitual o último venes de cada més) comenzan as Foliadas nas Pontes, seguirán sendo no LAR como é habitual.
Esperamos que collerades forzas no verán para afrontar un inverno cheo de Foliadas nas que podedes tocar, cantar e bailar unhas muiñeiras si queredes.

...comentarios..
:: Enlace a esta nova ::



A voltas co Baile no Museo do Pobo Galego (Compostela)

(texto engadido o día 8/ / 9/ / 15 )



Aberta a preinscrición nas xornadas "A voltas co Baile". Este ano centrarémonos na muiñeira da man de Luís Prego no 12 de setembro en horario de mañá e tarde.
Máis información: http://www.museodopobo.gal/

...comentarios..
:: Enlace a esta nova ::



Festas Monte Alto 2015, A Coruña
https://avvatochasmontealto.wordpress.com/2015/08/27/programacion-festas-monte-alto-2015-a-union-fai-a-forza/
(texto engadido o día 4/ / 9/ / 15 )


Cartaz Festas Monte Alto 2015

Chegan, un ano máis, as “Festas Monte Alto” e, desta volta, con moitas novidades en actividades. Logo de diversas xuntanzas, un grupo de colectivos e locais do Barrio decidimos unir as nosas forzas coa finalidade de mudar o concepto de festividade que, até o de agora, viña facéndose na nosa cidade. Agradecer ao Concello da Coruña a súa colaboración á hora do financiamento.


PROGRAMACIóN MUSICAL VENRES 4

No Campo de Marte ás 18:30 ”“ Mamá Cabra con “15 Primaveras”



No Campo de Marte ás 19:30 ”“ El Arrabal Tango

No Campo de Marte ás 20:30 ”“ Clave de Fado

No Campo de Marte ás 22:00  ”“ Ruxe-Ruxe




+ Nota Importante! Este ano, grazas ao Concello, haberá vasos  reutilizabeis que será onde botemos as cañas. Dito vaso valerá 1 € que, no caso de devolución, a entidade devolverá 50 céntimos. O recaudado axudará ao mantemento da Biblioteca Veciñal.



PROGRAMACIóN ACTIVIDADES SíBADO 5


(Nota importante: As horas son de comezo sempre. Algunhas actividades poden coincidir en horario)



+ ís 10:00 da mañá, o noso grupo de gaitas “Xebre” sairá da Biblioteca Veciñal do Campo de Marte percorrendo, como cada ano, as rúas e prazas do noso Barrio. Igualmente, visitarán os Centros de Maiores para achegarlles as festas.

+ ís 11:00 e 11:30, na Praia de Santo Amaro, o Club do Mar fará unha actividade de Zumba Solidaria en dous pases: o primeiro para nenas e nenos e o segundo para a xente adulta. RECOLLIDA DE ALIMENTOS, LIBROS E XOGUETES: Recolleranse alimentos non perecedeiros que serán canalizados a diferentes colectivos grazas ao Banco de Alimentos Rí­as Altas. Dita actividade execútase dentro do programa “Deporte Solidario” en colaboración coa Fundación Emalcsa. Tamén poderedes traer material escolar e xoguetes que serán entregados á Cruz Vermella.

+ ís 12:00, no Campo da Leña, o Centro Xuvenil Abeiro fará actividades e xogos para todas as familias que queran participar.

+ ís 16:30, no Campo da Leña, a Asociación Galega do Xogo Tradicional e Popular montará xogos populares e tradicionais para as veciñas e veciños do Barrio.

+ ís 17:00, na Praza dos Avós (Centro Cí­vico de Monte Alto), a Asociación Cultural Son d´Aquí­ organizará un obradoiro de Baile Tradicional para as nenas e nenos que desexen aprender muiñeira e jota. Ao final do obradoiro os nenos/as farán unha coreografí­a tradicional cos puntos aprendidos.

No obradoiro poderán participar nenos e nenas con idades comprendidas entre os 4 e os 15 anos. No caso de choiva farémolo no local de Son d”™aquí­ (rúa Valencia, 4). O obradoiro será impartido polo mestre de baile Xabier Espasandí­n.

+ ís 18:00, no Campo da Leña, o Grupo de Teatro Noite Bohemia do Instituto Zalaeta interpretará a obra “Miles Gloriosus”. Obra que interpretaron no Teatro Jovellanos de Gijón, no Colón da Coruña, no Palacio de Festivales de Santander e no Teatro Romano de Segóbriga (Cuenca).


PROGRAMACIóN ACTIVIDADES DOMINGO 6

+ ís 12:00, o Colectivo Poético-Literario “In Nave Civitas” fará un roteiro que sairá da Praia Santo Amaro e percorrerá todos os recunchos da costa da Torre e coñeceremos os nomes e historias das súas pedras, furnas e lugares. Tamén será unha homenaxe ao histórico percebeiro coruñés e veciño do Barrio, Milucho Mariñas.

+ ís 14:30, Merendiñas da Torre: Xantar popular no que, as persoas que o desexen, poderán traer comida, instrumentos musicais, xogos para pasar unha tarde en comunidade recuperando unha tradición do noso Barrio.


...comentarios..
:: Enlace a esta nova ::



Foliada Tradicional e XXVII Festival da A.C. Pedra da Aroña en Escarabote (Boiro)

(texto engadido o día 22/ / 8/ / 15 )


Venres 21 e Sábado 22 de agosto no peirao de Escarabote

O venres estará adicado a FOLIADA, na que participarán grupos como Adorniña Abanqueiro, Aixola Pandereteiras, Gaitas Barlovento, As pandereteiras de Aroña, Rianxeiras da Covecha, A.c. Fiadeira, Lumieira, Nunca E Tarde, entre outros... Pero esperamos que logo todos vos animedes a bailar polo menos unha muiñeira na foliada libre!!
Tamén contaremos cunha barra na que serviremos bebida e diferentes tapas como MEXILLÓNS e CHURRASCO a prezos populares, para colaborar co noso grupo de baile

O sábado 22 centraremos o programa da fin de semana folclórica no noso XXVII Festival.
Comezaremos ás 19:30 h cun PASARRÚAS ata o peirao de Escarabote onde terá lugar o FESTIVAL ás 20:00 h, no que compartiremos escenario co grupo mallorquín Esclafits I Castanyetes.
Este ano vamos a contar cunha interesante novidade da mán de Patri e Mariló, ás que queremos agradecer a súa disposición e colaboración en todo momento. Trátase dunha representación na que aprenderemos moito sobre a HISTORIA DO NOSO TRAXE TRADICIONAL, unha mostra da súa evolución e todas as curiosidades que o envolven. Se queredes saber máis só tendes que acercarvos...

...comentarios..
:: Enlace a esta nova ::



XVI Festa Folc de Vilariño (O Hío, Cangas do Morrazo)
http://acogato.wix.com/vilarinhofolc
(texto engadido o día 14/ / 8/ / 15 )


Sábado 15 de agosto na Praia de Vilariño

Pelepau
Kepa Junkera
Chotokoeu
Cuchufellos

A Festa Folc contará este ano coa III Mostra de Instrumentos de Música Tradicional, que arrancará ás once da mañá coa actuación da Treboada do Gato. Ás doce será o momento dunha sesión libre para que toda aquela persoa que o desexe poida subir a cantar e tocar sobre o escenario. Ás cinco da tarde será a presentación da colección de libros-CD “Chave Mestra” que edita aCentral Folque e ás sete o Obradoiro de baile “Muiñeira de Vilariño“.


Entrada de balde. Organiza: A.C. O Gato

...comentarios..
:: Enlace a esta nova ::



Festifolk Costa da Morte.
http://www.finisterrae.gal/nova.php?noticia=2347&idioma=gl&sec=2
(texto engadido o día 18/ / 6/ / 15 )


O próximo sábado 20 de xuño celebrarase en Carballo o Festifolk Costa da Morte, cun programa que inclúe o desfile dos grupos de gaiteiros polas rúas do centro de Carballo e á noite as actuacións dos grupos Birimbao e Luar Na Lubre.

O desfile pasará pola rúa Gran Vía onde interpretarán a Muiñeira de Lugo, pola Doutor Fleming e Vázquez de Parga tocando o Pasodoble de Pastoriza e pola Estación de Trolebuses-Praza de Galicia-Rúa Coruña cara á Praza do Concello interpretando Buxos Verdes.

Na Praza do Concello reuniranse para interpretar as pezas anteriores e rematar co Himno do Antigo Reino de Galicia.

O concerto nocturno comezará ás 22h na Praza do Concello coa actuación de Birimbao e unha hora máis tarde terá lugar a actuación de Luar Na Lubre.

+ 1 noticia relacionada

...comentarios..
:: Enlace a esta nova ::



Foliada con Trabalingua (Vigo)

(texto engadido o día 23/ / 4/ / 15 )


Venres 24 de abril no Café de Mario (Rúa Caracas, 5)

O vindeiro venres, froito da colaboración entre a ESN (Erasmus Student Network) e Trabalingua, realizarase de novo outra foliada para universitarios (e non universitarios tamén) no Café de Mario. E que é unha foliada? Pois unha festa con música tradicional galega en directo, onde ademais os participantes poden traer os seus instrumentos e tocar unhas pezas ou bailar. Todo isto de xeito espontáneo.

En primeiro lugar ás 20.00 haberá un obradoiro de baile gratuíto onde poderás aprender os puntos («pasos») básicos de bailes tradicionais galegos como a xota e a muiñeira.
E se bailar non é o teu… Temos ás 21.00 un obradoiro de canto onde poderas aprender as cinco cancións máis populares da nosa música tradicional.

Na foliada participarán os seguintes grupos:
As pandereteiras de Gargamala
As Rexoubeiras
A charanga da Benita
Os gaiteiros de Altamar

Para asistir aos obradoiros de baile tradicional e de canto hai que anotarse enviando un correo electrónico a asociaciontrabalingua@gmail.com

...comentarios..
:: Enlace a esta nova ::



II Memorial Henrique Otero (Vigo)
http://www.gaiteirosgalegos.com/index.php?option=com_content&view=article&id=3379:ii-memorial-henrique-otero-programa-actividades&catid=27&Itemid=18
(texto engadido o día 10/ / 4/ / 15 )


Os vindeiros 14 e 17 de Abril de 2015 celebraranse en Vigo os actos do II Memorial Henrique Otero.


O martes 14 de Abril ás 19.00 horas terá lugar o I SIMPOSIO SOBRE A VIDA E A OBRA DO MESTRE HENRIQUE OTERO na BIBLIOTECA do CONSERVATORIO PROFESIONAL DE MÚSICA DE VIGO. (R/FELIPE PRÓSPERI).


 Os contidos do Simposio serán os seguintes:


- Datos inéditos do catálogo de obras do mestre Otero por Xaime Estévez Vila (alumno de Henrique Otero e profesor de gaita no conservatorio superior 1983-1988)


- Henrique Otero nos Cruceiros por Mª Xosé López (primeira alumna de gaita en rematar os estudos impartidos por Henrique Otero)


- As clases no conservatorio de Vigo Por Rosario Guerrero (alumna de Henrique Otero e profesora de gaita no Conservatorio de A Guarda)


- Vintecinco anos co mestre Henrique, por Juan Pena (Alumno de Henrique Otero)


- Mesa redonda: Vivencias có mestre Otero (Breogán de Moaña,Noitarega, Manuel Solla (Cruceiros), Raigames ).


Posteriormente, o venres 17 de Abril, ás 19.30 horas terá lugar o Concerto Homenaxe, este realizarase no Conservatorio Superior de Música de Vigo sito na rúa Manuel Olivié 23 - O Castro - Vigo. No concerto poderase gozar de actuacións como as de:


 - Beatriz Riobó (soprano), Isidro Vidal (gaita) e Alejo Amoedo (piano) que interpretarán: Oración do Gaiteiro.(1979)


 - Jorge Gándara (gaita), Lois Prado (gaita) e Isidro Vidal (gaita) interpretarán: Variacións sobre as muiñeiras nº1, 2 e 3 (Isidro Vidal)


 - Xiana Teixeiro (gaita) e Lois Prado (tambor) interpretarán: Jota e Pasodobre.(repertorio de Manuel Viqueira) 


 - Agrupación Breogán de Moaña interpretarán:  Muiñeira Breogán.(1986); Ribeirana e Moañesa.(1999); O pasar por Coruxo.(1972)


 - Noitarega interpretarán: De Vigo a Santiago.(1964); Muiñeiras d'Os Campaneiros (R. Os Campaneiros de Vilagarcía); Pasodobre do Cañoto / Samba Querida ( R. do Rique O Salueiro)


 - Carmiña Álvarez e Luís Caruncho interpretarán: Foliada da Peneda.(2003)


-  Juan Pena interpretará: Ana (introdución).Alborada.(1982); O vello gaiteiro (Muiñeira).(1992); O gaiteiro retroncón(Jota).(1993) 


-  Os Carunchos interpretarán: Muiñeira Póstuma a Ricardo Portela.(1992); Lembranzas do gaiteiro (1969); Muiñeira da fonte. (1970).


- Abóbriga interpretarán: Muiñeira de Monteboi.(2012); Das Cruces a Toiriz (Ramon Soto); Foliada dos Catro Camiños (2007)


- Raigames interpretarán: Lumieira.(1981); Xota de Riveira.(1966); Marcha Celta.(1986)


E para rematar soarán en conxunto as pezas: Ventosiño (1970) e a Muiñeira do Lagares (1980) 



Non faltedes!! A entrada é de balde ata completar o aforo!!

- Os Carunchos- Noitarega -

...comentarios..
:: Enlace a esta nova ::



Baile 100% con Os Cempés en San Sadurniño

(texto engadido o día 20/ / 3/ / 15 )


Venres 20 de Marzo, 22:00
O Venres día 20 de Marzo no Café Dzine de San Sadurniño Os Cempés
ofrecerán un repertorio de músicas para bailar do estilo que se ven en chamar
"danzas do mundo" a partir das 22:00.
Este repertorio forma parte do "Baile 100% con Os Cempés", espectáculo
interactivo que están a facer nos últimos meses con gran éxito.
"Baile 100% con Os Cempés", é un obradoiro e un baile, no que o público
aprende a disfrutar dunha selección de bailes escollidos entre os máis
divertidos e sinxelos do repertorio galego, do centro de Francia, USA,
Bretaña…
Nesta ocasión non haberá obradoiro previo, pero os músicos farán unha
explicación resumida de como se fai cada baile e Serxio Cés estará encargado
de axudar ao público naqueles bailes nos que se precisa unha mínima
organización previa.
Bailaremos agarrados como Pasodobles, Valses, Chotis, Mazurcas. bailes en
roda como A Carballesa, A Chapeloise, O Circle Circassien, Andro, Esparaván,
e non faltarán as Muiñeiras e as Xotas.
Antón Varela: Gaitas
Roberto Grandal: Acordeón
Oscar Fernández: Zanfona e Cavaquinho
Serxio Cés: Canto, Pandeireta e Animación ao Baile.
Entrada ao Baile: 5€

...comentarios..
:: Enlace a esta nova ::



Baile Assalto de fevereiro na Gentalha (Compostela)
http://www.folque.com/01.140415wp/events/baile-assalto-febreiro/
(texto engadido o día 13/ / 2/ / 15 )


Volta o Baile Assalto da Escola Livre da MPG!
Na 2ª sexta feira de mes (13 de fevereiro), ás 21.30 h
especial danças da Gascunha, ademais dos bailes máis populares do momento:
mazurka, bourrée, schottish, rumba, pasodoble, moinheira, jota, circle, etc...


Volta o Grande Baile Assalto da ELMPG para a tempada de inverno do 2015. Desta volta cun baile especial adicado á Gasconia, o territorio máis occidental da Occitania, esa cultura do sur do país franco, berzo dunha música moi interesante e uns bailes colectivos divertidos e sinxelos de aprender. Para amenizar o baile contaremos coa música ao vivo dun dúo de burdeos, La Forcelle, que acaban de publicar o seu segundo CD, Lestrille depois de máis de un lustro tocando nas “bals trad” de Francia. Para completar a noite, Bitoque, un dúo para o baile, zanfona+percusión cos ritmos máis populares do Baile Assalto: mazurka, circle, bourrée, schottish, xota, muiñeira, valse e pasodoble…


...comentarios..
:: Enlace a esta nova ::



Baile 100% con Os Cempés en Narahío

(texto engadido o día 6/ / 2/ / 15 )


A A.V.V. “O Castelo de Narahío” e Os Cempés convídanvos a gozar do Baile 100% e aprender de xeito sinxelo e divertido todos os pasos nun obradoiro
guiado.
O Baile 100% terá lugar o sábado 7 de febreiro de 2015 no Local da Veiga en Narahío, a partir das 19:30H.
Poderán participar persoas de todas as idades e sen experiencia. Pasodobles, valses, mazurcas, chotes, muiñeiras ou carballesas explicadas por un guía de baile nunha actividade na que a forma física non é importante, só as ganas de pasalo ben.
O Baile 100% son agarrados, soltos e bailes participativos en roda, divertidos e doados de aprender. Nesta segunda rolda haberá sorpresas e novos bailes!
- Ás 19:30 obradoiro,prégase puntualidade para poder participar de todos os ritmos e pasos.
- Ás 22:00H dará comezo a gran festa do Baile 100% con Os Cempés, na que se porá en práctica todo o aprendido.
Para as persoas que participen nas dúas actividades a Asociación de Veciños “O Castelo de Narahío” convídanvos a unha saborosa merenda para repoñer forzas ao remate do obradoiro.
Músicos:
Antón Varela: Gaitas
Oscar Fernández: Zanfona e cavaquinho
Roberto Grandal: Acordeón
Serxio Cés: Canto, saxo, pandeireta, bombo e guía de baile
Colaboración:
Obradoiro: 5€
Baile 100%: 5€
Obradoiro + Baile 100% + merenda: 10€
Anímate, baila e comparte!

...comentarios..
:: Enlace a esta nova ::



Concerto V Aniversario Traspés (Mondariz)

(texto engadido o día 20/ / 11/ / 14 )


Porque un lustro non se cumple tódolos días, queremos celebrar esta data ao grande.

O sábado 22 de novembro, ademáis de ser a nosa cea de grupo, faremos no restaurante "A Muiñeira do Xosé" (Mondariz Balneario), un concerto, a media noite, das nosas tres seccións musicais, no que esperamos que estedes todos presentes para bailar, tocar e cantar con nós!!

Sabedes que somos amigos da festa, e non queremos que esta sexa unha máis, non queremos que pase indiferente... o que queremos é montar unha boa, liala parda, e que "... mañán será sonada", por iso nos gustaría contar con tódol@s nos@s amig@s para festexar este quinquenio.

Xa sabes, o sábado próximo... FESTA RACHADA!!!!

CINCO OUTONOS XUNTOS..

...comentarios..
:: Enlace a esta nova ::



Baile 100% con Os Cempés en Narahío

(texto engadido o día 8/ / 10/ / 14 )


A A.V.V. “O Castelo de Narahío” e Os Cempés convídanvos a gozar do Baile 100% e aprender de xeito sinxelo e divertido todos os pasos nun obradoiro guiado.

O Baile 100% terá lugar o sábado 11 de Outubro de 2014 no Local da Veiga en Narahío, a partir das 19:30H.

Poderán participar persoas de todas as idades e sen experiencia. Pasodobles, valses, mazurcas, chotes, muiñeiras ou carballesas explicadas por un guía de baile nunha actividade na que a forma física non é importante, só as ganas de pasalo ben.
O Baile 100% son agarrados, soltos e bailes participativos en roda, divertidos e doados de aprender.

O obradoiro de baile comezará ás 19:30H. Prégase puntualidade para poder participar de todos os ritmos e pasos. Ás 22:00H dará comezo a gran festa do Baile 100% con Os Cempés, na que se porá en práctica todo o aprendido.

Para as persoas que participen nas dúas actividades a Asociación de Veciños “O Castelo de Narahío” convídanvos a unha saborosa merenda para repoñer forzas ao remate do obradoiro.

Músicos:
Antón Varela: Gaitas, Oscar Fernández: Zanfona e cavaquinho, Roberto Grandal: Acordeón, Serxio Cés: Canto, saxo, pandeireta, bombo e guía de baile

Colaboración:
Obradoiro: 5€
Baile 100%: 5€
Obradoiro + Baile 100% + merenda: 10€

...comentarios..
:: Enlace a esta nova ::



XV festa folc de Vilariño (Cangas)

(texto engadido o día 14/ / 8/ / 14 )


Sábado 16 de agosto a partires das 22.00h.

Comeza a noite cunha Muiñeira Colectiva (haberá obradoiro de baile no local social da aldea) na praia, ao son da peza composta no 2011 polo gaiteiro Anxo Gago para a aldea de Vilariño , que dará paso ao concerto folk, coas actuacións da Xistra, Os Cempés, O Sonoro Maxín e La Tarrancha



Organiza A. C. O Gato

Colaboran na Muiñeira Colectiva: Anxo Gago, Peis d'hos, Banda de Gaitas Tromentelo, Grupo de Danza Ximalveira, Asociación Cultural Lembranzas da Ría, Soavela e o grupo de baile de Vilariño)

...comentarios..
:: Enlace a esta nova ::



[1] [2] [3] [4] [5] [6]


En 'Novas Relacionadas'



* Os ´Elelelos´ de Bueu buscan mecenas - Faro de Vigo

* Pazos de Merexo, o mestre do acordeón diatónico

* O dúo de Xinzo de Limia gaña o II Concurso de Dúos do Toxos e Froles

* II Concurso de Dúos Gaita-Percusión . Organiza o decano dos coros galegos

* Maghúa pesca con Corricán un trozo de patrimonio vivo - El Ideal Gallego


(mostráronse só as últimas recibidas)
buscar mais información
sobre Muiñeira en
Ghastas Pista?

Voltar á páxina anterior

Ghastas Pista?

Falándoche de música galega dende o Século XX
info@ghastaspista.com

[ Discos ]-[ Historia..]-[ Novas ]-[ Concertos ]-[ Radio ]-[ De copas ]
[ Foro ]-[ Actualizacións ]-[ Videos ]-[ Outras ]