2nafronteira - Alma

 

 


1 comentario deste disco





XXI













2nafronteira SON:

Carmen Penim
(voz)

Maurizio Polsinelli
(piano e harmonio)













ALMA, gravado e mesturado en Casa de Tolos, baixo a dirección de Segundo Grandío. 


O disco contén 12 temas orixinais de Carmen Penim na música e aranxos musicais de Maurizio, con textos de: Paz Andrade, Pessoa, García Lorca, Curros Enríquez, Celso Emilio Ferreiro, Rosalía de Castro, Manuel Rivas e Alfonso Láuzara. Ademáis contén o tema “Nana do Couto Mixto” orixinal de Carmen tamén na letra.


O disco foi producido por 2naFronteira produzioni, e o deseño gráfico correu a cargo de Stabelimenti 12.


Distribución de Inquedanzas sonoras baixo a dirección executiva de Xusto Molejón Valoría.


O disco recolle o traballo de composición musical dos últimos dous anos, incluíndo tamén temas inéditos nos escenarios, como os de Pessoa e a “Nana do Couto Mixto”, que foi estreada só  recentemente no acto de nomeamento dos novos xuíces honorarios do 2013. Moitos dos temas son unha mostra dun proxecto musical maior: os temas de García Lorca forman parte do proxecto Federico García Lorca, amando en galego, musicalización do libro do poeta Seis poemas gallegos, que esperan poder editar un día xunto cos poemas e as partituras. Tamén Rosa de abril de Rosalía, é unha mostra dun traballo de musicalización de seis extractos de Cantares Gallegos. Os dous temas de Fernando Pessoa forman parte asimesmo  dun traballo de musicalización de seis poemas do poeta portugués que titularon “O poeta é un finxidor”.  


O disco reflexa o gran amor de Carmen e Maurizio pola poesía en xeral, e en concreto pola poesía en galego. Ademais do que tén de expresión artística, pretende contribuir cun grau de area á difusión da lingua e a cultura galegas. Pódese ver tamén o gran eclecticismo tanto lingüístico como estilístico que o dúo quixo xa reflexar mediante a elección do seu nome “fronteirizo”.


Musicalmente, supón unha expresión absolutamente libre e variada, indo dos ritmos máis populares de “A nana do Couto Mixto” para harmonio, ata melodías máis achegadas ó mundo culto como en “Catrvium da mapoula”.



































A alma anda nestes inventos porque non lle abonda
o que é como é do mundo
quixer facer pombas con auga e amieiros de pruma
en vez do carro que polos camiños do monte
baixase cantando a lúa arrastrada
por un tiro de peixes prateados.

(Álvaro Cunqueiro,
de Herba aquí ou acolá)


Di tutti i veleni, l'anima è il piú forte.

(Novalis)

























Gravado en directo en xaneiro de 2013 en Casa de Tolos por Segundo Grandío.
Editado e distribuido por Inquedanzas Sonoras;
produción executiva Xusto Molejón Valoría
Fotografía e deseño gráfico Stabilimenti 12.
Producido por 2naFronteira produzioni














 

CONTACTO:

Telf: 986164615 e 699845312
2nafronteira@gmail.com
http://www.2nafronteira.com







 









1.- Catrivium da mapoula   
V.Paz Andrade / C. Penim

Na maré de palla esquía
escachan pétalas roxas,
e a proa da brís navega
antre illas de catro follas.

O sangue da terra rube
ao cálice da mapoula,
e baixa o sol a deitarse
na onda de pan e rosas.

O ár da serán e a luz
a leira grávida arrolan,
verde cantiga nupcial
das espigas e as mapoulas.

Para a nacencia do pan
quixo Deus una coróa,
e pousóu ne sen da espiga
os rubís de catro follas.

2.- Danza da lúa en Santiago   
F.G. Locra / C. Penim
Do proxecto de musicalización " F.G. Lorca, amando en galego"
basado na súa obra Seis poemas gallegos

¡Fita aquel branco galán,
olla seu transido corpo!
É a lúa que baila
na Quintana dos mortos.
Fita seu corpo transido,
negro de somas e lobos.
Nai: A lúa está bailando
na Quintana dos mortos.
¿Quén fire potro de pedra
na mesma porta do sono?
¡É a lúa! ¡É a lúa
na Quintana dos mortos!
¿Quén fita meus grises vidros
cheos de nubens seus ollos?
É a lúa, é a lúa
na Quintana dos mortos.
Déixame morrer no leito
soñando con froles d'ouro.
Nai: A lúa está bailando
na Quintana dos mortos.

3.- Madrigal á cibdá de Santiago   
F.G Lorca / C. Penim

Chove en Santiago
meu doce amor
camelia branca do ar
brila entebrecida ao sol.

Chove en Santiago
na noite escura
herbas de prata e sono
cobren a valeira lúa.

Olla a choiva pola rúa
laio de pedra e cristal.
Olla no vento esvaido
soma de cinza do teu mar.

Soma e cinza do teu mar
Santiago,lonxe do sol
agoa da mañan anterga
trema no meu corazón.

4.- Rosalía   
M. Curros Enríqyez / C. Penim

Do mar pola orela
mireina pasar,
na frente unha estrela,
no bico un cantar.

A musa dos pobos
que vin pasar eu,
comesta dos lobos,
comesta se veu

E vina tan sola
na noite sin fin,
¡Que ainda recei pola probe da tola
eu, que non teño que rece por min!.

Os ósos son dela, que vades gardar.
¡Ai dos que levan na fronte unha estrela!
¡Ai dos que levan no bico un cantar!

5.- Alalá Antigo   
M. Rivas / C. Penim

Alalá á vella maneira

Eu de noite iría de noite,
no medio do temporal.
Ir de día á luz do día
dáme medo, miña nai.

No fondo do teu ollare
unha gamela abanea.
Quen se puidera afogare
na ardora dunha misteira.

O que soño é verdade
como o silencio é un falare.
Se roubei o teu retrato
foi pra aprender a mirare.

Eu non sabía que había
tanta alegría nas bágoas
nin neve nas bidueiras
nin esperanza nas mágoas.

6.- Autopsicografía   
F. Pessoa / C. Penim
Do proxecto de musicalización de F. Pessoa "O poeta é un finxidor"

O poeta é um fingidor
Finge tão completamente
Que chega a fingir que é dor
A dor que deveras sente.
E os que lêem o que escreve,
Na dor lida sentem bem,
Não as duas que ele teve,
Mas só a que eles não têm.
E assim nas calhas de roda
Gira, a entreter a razão,
Esse comboio de corda
Que se chama coração.

7.- Cando ti volvas   
V.Paz Andrade / C. Penim


luces de ardora branca en cada mastro,
cando ti volvas polo mare;
un farol mariñeiro en cada dorna,
cando ti volvas polo mare;

veliñas á xanela en cada casa,
cando ti volvas polo mare;
e as pérolas das bágoas derramadas,
cando ti chegues polo mare;
cando ti chegues polo mare...

Paz Andrade, Valentín .Pranto matricial, 1955

8.- María Soliña   
C.E. Ferreiro / C. Penim

Polos camiños de Cangas
a voz do vento xemía:
ai, que soliña quedache,
María Soliña.
Nos areales de Cangas,
Muros de noite se erguían:
Ai, que soliña quedache,
María Soliña.
As ondas do mar de Cangas
acedos ecos traguían:
ai, que soliña quedache,
María Soliña.
As gaivotas sobre Cangas
soños de medo tecían:
ai, que soliña quedache,
María Soliña.
Baixo os tellados de Cangas
anda un terror de agua fría:
ai, que soliña quedache,
María Soliña.


9.- O que me dói   
F. Pessoa / C. Penim

O que me dói não è
O que hà no coração
Mas essas coisas lindas
Que nunca existirão...

São as formas sem forma
Que passam sem que a dor
As possa conhecer
Ou as sonhar o amor.

São como se a tristeza
Fosse árvore e, uma a uma,
Caíssem suas folhas
Entre o vestígio e a bruma.

10.- Rosa de abril   
R. de Castro / C. Penim

Nasín cando as prantas nasen,
no mes das froles nasín,
nunha alborada mainiña,
nunha alborada de abril.
Por eso me chaman Rosa,
mais a do triste sorrir,
con espiñas para todos,
sin ningunha para ti.

Desque te quixen, ingrato,
todo acabou para min,
que eras ti para min todo,
miña groria e meu vivir.
¿De qué, pois, te queixas, Mauro?
¿De qué, pois, te queixas, di,
cando sabes que morrera
por te contemplar felís?

Duro cravo me encravaches
con ese teu maldesir,
con ese teu pedir tolo
que non sei que quer de min,
pois dinche canto dar puden
avariciosa de ti.

O meu corasón che mando
cunha chave para o abrir.
Nin eu teño mais que darche,
nin ti máis que me pedir.

11.- Soño nas illas marabillas   
A, Láuzara / C, Penim

Nas augas salgadas de Cíes
emerxe o resplandor moreno
a ollada centrífuga
os cabelos longos do enredo;
a brisa fai piruetas
simplementes por engalanarte
e toda a lus do sol
quer estoupar
nos zafiros que escintilan
baixo as túas pestanas de raíña.
E velaí o ventre dourado de chicolate
do meu desexo relambido,
ventre cheo de bicos
bicos salgados e fresquiños
coma as ondas que te acariñan
nesta praia fermosa onde ti,
muller matria de encantos exclusivos,
ainda es un soño para min.

12.- Nana do Couto Mixto   
C. Penim

Aa, aa.
Durme, durme,
meniña de auga
Durme, durme
meniña das veigas
Durme, durme
tesouriño da mai.

Ru, ru, ru, ru ,ru
Ru, ru, ru, ru, ru

Mañá chegarán cartas do pai
Mañá chegarán borboretas de cor.

Mañá chegarán
cartiñas do pai
Mañá chegarán
borboretas de cores.

Aa, aa.

Durme, durme,
meniña da mai
Durme, durme,
tesouriño do pai

Ru, ru, ru
Ru, ru, ru
Aaaá aaá aaá




 









2naFronteira

Alma



Ultimas novas en Ghastas Pista relacionadas con 2naFronteira

* 2naFronteira no XXX Certame de poesía de Cornellà de Llobregat (Barcelona)
* 2naFronteira no Off-womex do Modus Vivendi (Compostela)
* Presentación do disco SONS DE NÓS no teatro Colón (A Coruña)
* 2NaFronteira nas V Jornadas das Letras Galego Portuguesas en Montalegre (Portugal)
* Concerto nos Actos Castelao 2016 en Rianxo

Visita a páxina deste grupo en Ghastas Pista




De Ruada en Bos Aires
( A Curuxa )
= >


Voltar á páxina principal